5k website Demo

वीरगंज २३ माघ । पर्सा जिल्लाको सुदूरपश्चिममा रहेको ठोरीको विकास दिन दुर्ई गुणा रात चौगुणा हुँदै गएको छ।  ठोरीमा हुलाकी राजमार्ग पुगेपछि  ठोरीको बिकासले गति लिएको हो। अहिले बन्द अवस्थामा रहेको ठोरी नाका खुलाउन चौतर्फी माग छ। बाग्मती प्रदेशको भारतको सीमानजीक ठोरी नै हो । बाग्मती प्रदेशको चीनसँग सिमाना जोडीएको र ठोरी नाका खुले भारतको सीमानाकासँग नजिक हुने र प्रस्तावित उत्तर–दक्षिण सडक पनि बाग्मती प्रदेशको मध्य भएर निर्माण हुने भएपछि सडक सम्पर्कले चीन र भारतलाई जोडने भएकोले पनि ठोरी नाका प्रदेशको लागि मात्र नभई देश बिकासको लागि समेत कोशेढुङ्गा साबित हुने विज्ञहरु बताउँदै आएका छन् ।  परापूर्वकालमा नेपालको प्रमुख नाका ठोरी नै थियो । वीरगंज नाका खुलेपछि ठोरी नाका ओझेलमा परेको हो । बाटोघाटोको सुबिधा नहुनुले पनि ठोरी विकासमा पछि पर्दै गएको थियो । चारैतिरबाट नदीले घेरिएको, बर्षा लाग्नासाथ आवतजावत बन्द हुने भएकोले पनि ठोरी सरकारी  उपेक्षाको शिकार बन्दा बिकास निर्माणको काम समेत भएन र सुगम जिल्लाको दुर्गम स्थान भएको थियो । देशमा बहुदलीय  व्यवस्था पुनस्र्थापित भएपछि ठोरीमा छो...

लन्डन । प्याटेन्टसम्बन्धी आवेदनमा अन्वेषकको रूपमा कृत्रिम बौद्धिकताको नाम राख्न अनुमति दिनु पर्ने याचिका खारेज गर्ने यस अघिको निर्णयहरूलाई बेलायती सर्वोच्च अदालतले सही ठहर्‍याएको छ । प्राविधिज्ञ डा. स्टेफन थेलरले डाबुस भनिने आफ्नो एआईलाई फुड कन्टेनर र फ्ल्याशिङ लाइट बिकनको आविष्कारकर्ताको रूपमा मान्यता दिलाउन खोजेका थिए  तर सन् २०१९ मा बौद्धिक सम्पत्ति कार्यालय (आईपीओ)ले यो अनुरोधलाई खारेज गरिदियो । त्यतिबेला उक्त कार्यालयले आविष्कारकर्ताको रूपमा व्यक्तिलाई मात्रै राख्न मिल्ने भन्दै सो अनुरोध अस्वीकृत गरेको थियो । यो निर्णयको विरुद्ध थेलर उच्च अदालत र पुनरावेदन अदालतसम्मै पुगे । अदालतहरूले एआई नभएर मान्छेमा मात्रै प्याटेन्ट अधिकार हुने भन्ने धारणालाई सपोर्ट गरेको तर्क आईपीओ थियो । अहिले सर्वोच्च अदालतका पाँच जना न्यायाधीशहरूको समूहले ती निर्णयलाई उल्ट्याउने अनुरोधलाई खारेज गरेका छन् । आविष्कारकर्ता व्यक्ति नै हुनु पर्ने अनि एआईको पोल्टामा प्याटेन्ट अधिकार दिन नसकिने फैसला गरिएको छ ।

वीरगंज, २४ मंसिर । नानाथरीका रोग सार्न मद्दत गर्ने शरीरमा अति नराम्रोसँग टोक्ने मच्छर धुप र मच्छर झुल बिना रातमा सुत्नै नसकिने घरका कोठा आँगन खेतवारी जताततै भन्किरहने लामखुट्टेको आतंक बढेको छ । तराई मधेसका जिल्लाहरूमा केही दिनदेखि लामखुटेको संख्या निकै बढेको छ। दिनरात लामखुटेको टोकाईबाट सताउँदै आएका तराईबासीले अहिले  लामखुटेले टोकाइबाट आजीत भएका छन् । डेङ्गु रोग सार्ने लामखुटेको टोकाईबाट बच्नै पर्छ। लामखुटे मानिस गाईवस्तुको शत्रु नै हो । प्रकोपबाट बच्न नियन्त्रण गर्न  वीरगंज महानगरपालिकाले कहिलेकाहीँ मच्छर विरूद्ध औषधि छरे पनि मच्छर नियन्त्रण भए पनि निर्मूल भने हुँदैन। फोहर पानी र फोहोर क्षेत्र भएको ठाउँमा केही मच्छर लाग्दछ। मच्छरको प्रजनन फोहर पानीमै हुन्छ मच्छरबाट बच्न तराईका अधिकांश गरिबका घरमा कस्ने झुल र मच्छर हटाउने धुप हुँदैन। मच्छरको टोकाइबाट रोग पनि गरिब परिवारहरूलाई नै बढी सर्ने गरेको छ। अति ठन्डी र अति गर्मीमा मच्छर टिक्न सक्दैन भनिन्छ। न गर्मी न ठन्डी मच्छर लाग्नका लागि अति अनुकुलित वातावरण हो। हिमालमा समेत मौसम परिवर्तन जलवायु परिवर्तनका कारण मच्छर लाग्ने गरेको सम...

काठमाडौं, २३ मंसिर । घना बस्ती भएको प्राचीन ऐतिहासिक धार्मिक स्थल काठमाडौं शहरमा हिजो आज प्रदूषित खोलानालाको प्रदूषित पानीको दुर्गन्धले रहन बस्न नै नसक्ने भएको छ, लगातार गन्हाएको छ। काठमाडौंभित्र बग्ने खोला बागमती विष्णुमती इच्छामती टुकुचा धोबी खोला बल्खु खोला लगायत सबै खोलाबाट दुर्गन्ध फैलिएको छ पानी र हावा प्रदूषणले चर्चित बन्दै गएको काठमाडौंका मेयर बालेन शाहलाई गम्भीर चुनौती दिएको छ। महानगरपालिकाको प्रमुख कार्य भनेकै नगरलाई सफा सुगर दुर्गन्ध रहित प्रदूषण रहित स्वच्छ हावा हराभरा राख्नु हो। यो यतिखेर असम्भव साबित भएको छ। प्रमुख पर्यटकीय नगर विश्वकै पर्यटकहरूको ओहोरदोहोर हुने मन्दिरै मन्दिर रहेको काठमाडौं पाटन शहर यतिखेर अति दुर्गन्धित हुँदा बसोबासी पर्यटक सबैको टाउको दुखाई चिन्ता र चासोको विषय बन्न पुगेको छ। हावा पानी राख्ने प्रयास गर्ने दुर्ईमध्ये एक रोज्नुपर्ने भएको छ दुर्गन्धरहित काठमाडौंको वातावरण राख्न ठूलो धनराशि खर्च गर्नुपर्ने हुन्छ। महानगरपालिका र सरकारसँग त्यसका लागि बजेट र विकल्प छैन। काठमाडौं भित्रका पानी बग्ने सबै खोला ढलमती बनेका छन। सार्वजनिक र घरका सबै दिशा पिसाब र फोह...

मकवानपुर, २३ मंसिर । मकवानपुरको हेटौँडाबाट पेस्तोल सहित ३ जना पक्राउ परेका छन् । हेटौँडाबाट सेमिअटोमेटिक पेस्तोल, २० थान गोली सहित ३ जनालाई पक्राउ गरिएको जिल्ला प्रहरी कार्यालय मकवानपुरले जनाएको छ । प्रहरीका अनुसार उनीहरूलाई शुक्रवार हेटौँडा–१० बाट पक्राउ गरिएको हो । पक्राउ पर्नेमा हेटौँडा उपमहानगरपालिका वडा नम्बर– ९ बस्ने ३३ वर्षको निश्चल पौडेल, सोही स्थानका ३५ वर्षका गणेश घले र ३० वर्षको प्रितम क्षेत्री रहेका छन् । जिल्ला प्रहरी कार्यालय मकवानपुरका प्रमुख प्रहरी नायव उपरीक्षक सीताराम रिजालका अनुसार उनीहरूको साथबाट सेमिअटोमेटिक पेस्तोल, २० राउन्ड गोली, हतियार सफा गर्ने रड, लागु औषध खैरो हेरोइन २ ग्राम ४०० मिलिग्राम, लागु औषध तौल गर्ने डिजिटल तराजु २ थान, ५ थान मोबाइल, ५० हजार नगद र ना २५ प ३३०५ नम्बरको सिबी युनिकर्न र ना ६३ प ९६७८ नम्बरको आरआर ३१० सिसीको मोटरसाइकल बरामद गरेको छ । उनीहरूले मङ्सिर १९ गते हेटौँडा–९ स्थित सूर्य प्रसाद पौडेल(सुरेश)को घरमा गोली प्रहार गरेका थिए । घटना भएको नजिकै विवाह समारोह भएकाले कसैले पटका पड्काएको हुनसक्ने आशंका गरिए पनि भोलीपल्ट बिहान घर बाहिर पड्कि...

शनिबार, २३ मङ्सिर २०८०, रौतहट । रौतहटको माधवनारायण नगरपालिका ७ लौकाहामा करेन्ट लागेर एक पुरुषको मृत्यु भएको छ । शनिवार बिहान हलो जोतिरहेका स्थानीय बैजुलाल पण्डितको करेन्ट लागेर मृत्यु भएको हो । उनीसँगै करेन्ट लागेर एउटा गोरुको पनि मृत्यु भएको छ । लौकाहा गाउँ छेउको खेतमा हलो जोतिरहेका बेला खेतमै झरेको ११ हजार भोल्टको तारबाट बगेको करेन्ट लागेर पण्डित र गोरुको मृत्यु भएको प्रहरी इन्स्पेक्टर झलक शर्माले बताए ।    घटनाको खबर प्राप्त भएलगतै जिल्ला प्रहरी कार्यालय गौरबाट इन्स्पेक्टर शर्माको कमान्डमा पुगेका प्रहरी टोलीले घटनाबारे अनुसन्धान सुरु गरेको छ। विद्युतको पोलबाट नाङ्गो तार खेतमा कसरी र कुन बेला झरेको हो अहिले यकिन भैनसकेको शर्माले बताए ।  'घटनाबारे विस्तृत अनुसन्धान गर्दैछौं, केही निष्कर्ष निस्किएपछि मात्र कारण थाहा हुन्छ' उनले भने । अहिले घटनास्थलको मुचुल्का तथा मृतक पण्डितको शव पोस्टमार्टमका ल लागि प्रादेशिक अस्पताल गौर पठाउने तयारी भइरहेको इन्स्पेक्टर शर्माले जानकारी दिए। घटनास्थल रौतहटको सदरमुकाम गौरभन्दा करिब २० किलोमिटर पश्चिम पर्दछ।

फाेटाे : अनलाइनखबरबाट काठमाडौं,१असार: जिल्ला अदालत, काठमाडौंले नक्कली भुटानी शरणार्थी प्रकरणमा पूर्वमन्त्रीद्वय बालकृष्ण खाँड ,टोपबहादुर रायमाझी र सचिव टेकनारायण पाण्डेसहित १६ जनालाई पूर्पक्षका लागि थुनामा राख्न आदेश गरेको छ । न्यायाधीश प्रेमप्रसाद न्यौपानेको इजलासले दुई साता लामो थुनछेक बहसपछि लक्ष्मी महर्जनसहित दुई जनालाई भने धरौटीमा छाड्ने आदेश गरेको छ । मर्हजनलाई ५ लाख र टंक कुमार गुरुङलाई १० लाख रुपैयाँ धरौटीमा छाड्न आदेश दिएको हो । जिल्ला अदालतका न्यायाधीश न्यौपानेको इजलासले शुक्रबार पूर्वउपप्रधानमन्त्री टोपबहादुर रायमाझी र पूर्वगृहमन्त्री बालकृष्ण खाँड तथा बहालवाला सचिव (निलम्बित) सहित १६ अभियुक्तलाई कारागारमै राखेर मुद्दा किनारा लगाउनेगरी आदेश दिएको हो । यो आदेशसँगै पक्राउ परेका १६ अभियुक्तहरू अब न्यायिक हिरासतबाट कारागार चलान हुनेछन् । अनुसन्धानका क्रममा पक्राउ परेका पूर्वउपप्रधानमन्त्री टोपबहादुर रायमाझी, पूर्वगृहमन्त्री बालकृष्ण खाँड, सचिव टेकनारायण पाण्डे, तत्कालीन गृहमन्त्री रामबहादुर थापाका सुरक्षा सल्लाहकार इन्द्रजित राई, नेपाल हज समितिका अध्यक्ष शमशेर मियाँसहित १...

फाइल फाेटाे काठमाण्डाै,१असार : जनमत पार्टीका अध्यक्ष डा. चन्द्रकान्त (सीके) राउतले आर्थिक वर्ष २०८०/८१ को बजेट ल्याइएको नभई लुटिएको टिप्पणी गरेका छन् । शुक्रवार प्रतिनिधि सभा बैठकमा बजेटमाथिको छलफलमा अध्यक्ष राउतले बजेट बनाएर ल्याइएको नभई लुटिएको बताएका हुन् । उनले बैंक लुटे जसरी ‘चार यार’ हरूले बजेट लुटेको र अँध्यारो कोठामा गएर भागबन्डा गरेको आराेप लगाए । उनले भने, ‘समग्रमा बजेट विनियोजनमा मात्रै चिन्ता नभएर समग्र व्यवस्थामाथि नै प्रहार भएको हो कि, संसदमाथि नै प्रहार भएको हो कि भन्ने कुराले बढी चिन्ता मलाई लागेको छ । यसो हेर्दा बजेट लुटिएको होजस्तो देखिन्छ । बजेट बनाएको, ल्याएको होइन । जसरी बैंक लुट्दाखेरी चार यारहरूले बैंक लुटेर लग्छन् । त्यसरी बजेटलाई चार यारहरूले लुटेर गएकाजस्ताे देखिन्छ । बाटोमा लाँदै गर्दा कतै खुद्रा पैसाहरू खस्दै गएको देखिन्छ । चार यारहरू मिलेर, अँध्यारोमा गएर बाँडफाँट गरेकोजस्तो स्पष्टरूपमा देखिन्छ । यो सरकारले लुट्ने क्रम जारी नै राखेको छ । वैशाखमा बारामा मत पेटिका लुटे । जेठमा आएर बजेट लुट्ने काम सरकारले गर्दै आएको छ ।’ अध्यक्ष राउतले बजेटको सम्बन्धमा द...

मधेसखबर वीरगन्ज,१ असार : मधेसका खेतमा यतिबेला सबैजसो किसानका ब्याडमा हरियाली धानको बीउ हुन्थे । असारको दोस्रो हप्ता पछाडि धान रोप्ने किसानले तयारी गर्थे तर यस पटक भने वर्षा नपरेपछि बीउ राख्न समस्या भएको किसानहरुले बताएका छन् । असार सुरु हुँदासमेत पानी नपर्दा बीउ राख्न समस्या भएको छ भने कतिपय ठाउँमा राखिएका बीउ ब्याडमै उम्रन पाएका छैनन् । हरेक वर्ष हिले ब्याड राख्ने गरेकोमा यस पटक पानी अभावमा धुले ब्याड राख्न बाध्य भएको पर्साको सखुवाप्रसौनी गाँउपालिका ३ का किसान धर्मनाथ यादवले बताए । “समयमा पानी पर्न सकेन, धुले ब्याड बनाएर बीउ राखियो, सिँचाइ दिन सकिएको छैन, दिनभर चर्को घामबाट जोगाउन दिनमै तीनपटक पम्पीसेटबाट पानी पटाउनु परेको छ”, उनले भने । यादवका अनुसार खडेरीका कारण ब्याडको बीउ जोगाउन दिनहुँ तीन पटक पानी पटाउनु परेको छ । “ब्याडमा सिँचाइ गर्न दिनरात नभनिकन खेतमा धाउनुपरेको छ”, उनले भने , खेतमा बीउ सुक्न लागिसक्यो, आकाशे पानी नपरेपछि किसानले धेरै सास्ती खेप्नु परेको छ ।” हिले ब्याड बनाएर बीउ राख्ने चलन रहेको भएपनि यसपाली लामोसमय देखि खडेरी परेकाले किसानले अहिले पानी अभावमा धेरैले ध...

काठमाडौं ,३२जेष्ठ : काठमाण्डाै महानगरपालिकाका मेयर बालेन्द्र शाहले महानगरभित्र कुनै पनि हिन्दी फ्लिम चल्न नदिने चेतावनी दिएका छन् । मेयर शाहले दक्षिण भारतीय फिल्म ‘आदिपुरुष’ मा समावेश ‘जानकी भारतीय छोरी हुन्’ भन्ने शब्द नसच्याएसम्म काठमाडौ महानगरभित्र कुनै पनि हिन्दी फिल्म चल्न नदिने चेतावनी दिएका हुन् । उनले फेसबुकमा लेखेका छन, ‘दक्षिण भारतीय फिल्म आदिपुरुषमा समावेश ‘जानकी भारतीय छोरी हुन्’ भन्ने शब्द जबसम्म नेपालमा मात्र नभई भारतमा पनि सच्चिँदैन तबसम्म काठमाण्डाै महानगरपालिकाभित्र कुनै पनि हिन्दी फिल्म चल्न दिइने छैन ।’ मेयर शाहले ‘आदिपुरुष’ मा समावेश ‘जानकी भारतीय छोरी हुन्’ भन्ने शब्द सच्याउन तीन दिनकाे समय दिएका छन् । The post काठमाडौंमा हिन्दी फ्लिम चल्न नदिने मेयर बालेनकाे चेतावनी appeared first on Madhes Khabar .

वीरगन्ज,३२जेष्ठ : नागरिकताकाे माग गर्दै काठमाडौंकाे माइतीघर मण्डलामा जारी नागरिकता विहिनहरुकाे आन्दोलनमा जनमत पार्टी पर्साका नेता कार्यकर्ताहरुले पनि ऐक्यबद्धता र समर्थन जनाएका छन् । राष्ट्रपतिबाट प्रमाणीकरण भई राजपत्रमा प्रकाशन भईसकेकाे नागरिकता ऐन तत्काल कार्यान्वयन नगर्न सर्वाेच्च अदालतले अल्पकालीन आदेश दिएपछि नागरिकताविहिन जन्मसिद्ध नागिरकका सन्तानहरूले माइतीघर मण्डलमा जेष्ठ २४ गतेदेखि धर्ना दिदैं प्रदर्शन गर्दै आइरहेका छन् । उक्त धर्नास्थलमा बिहीबार पुगेर जनमत पार्टी पर्साका संयाेजक ओमप्रकाश सर्राफले ऐक्यबद्धता र समर्थन जनाएका हुन् । धर्नामा बाेल्दै सर्राफले संविधानमा उल्लेख हुदाँका बाबजुदपनि लाखौं युवायुवतीहरुलाई वर्षाैदेखि अनागरिक बनाएर राख्नु राज्यका लागि नै लज्जाकाे विषय भएकाे बताए । सर्राफले मधेस आन्दोलनकाे मागहरु मध्ये नागरिकतापनि एक प्रमुख माग भएकाे स्मरण गराउँदै अबपनि नागरिकताकाे समस्या समाधान नगरिए देशकै लागि दुर्भाग्य हुने चेतावनी समेत दिए । नागरिकता विहिनहरुकाे जारी आन्दोलनप्रति सम्पूर्ण परिवर्तनकारी जनताकाे समर्थन र साथ रहेकाे उनले बताए । नागरिकताकै समस्या समाधानका...

वीरगन्ज ,३२जेष्ठ: ५ महिनाको अन्तरालपछि नेपाल तथा भारतका सीमावर्ती बजारहरूमा फेरि भारतीय रुपैयाँ (भारु)को तुलनामा नेपाली रुपैयाँ (नेरु) बलियो भएको छ । दुई सातायता वीरगन्ज र सीमावर्ती भारतीय बजार रक्सौलमा समेत नेपाली रुपैयाँको तुलनामा भारतीय रुपैयाँ कमजोर भएको हो । वीरगन्जका व्यापारीहरूले हाल पनि ग्राहकबाट सकेसम्म भारु लिन मानिरहेका छैनन् । सामान्य अवस्थामा सबैभन्दा बढी भारु लेनदेन हुने वीरगन्जका प्रायः सबै पेट्रोल पम्पले अहिले सूचना नै टाँसेर भारु नलिने बताएका छन् । भारत सरकारले हालै २ हजार दरको भारु नोटबन्दी गरेपछि पनि वीरगन्जका व्यापारीहरू भारुमा विनिमय गर्न हच्किएको हुन सक्ने वीरगन्ज उद्योग वाणिज्य संघका वरिष्ठ उपाध्यक्ष हरि गौतम बताउँछन् । ‘स्थिति सामान्य हुँदा वीरगन्जका व्यापारीहरूका लागि भारु आकर्षण नै हुन्थ्यो,’ उनले भने, ‘तर हाल रक्सौलमै भारु कमजोर भएको छ, त्यसमाथि भारु २ हजारको नोटलाई भारत सरकार आफैंले बजारबाट फिर्ता लिने घोषणा गरिसकेको छ । त्यसैगरी भारुका अन्य दरका नोट पनि भारत सरकारले बजारबाट फिर्ता लिने घोषणा अचानक गर्न सक्ने त्रासले भारु नोट लिन व्यापारीहरू हच्किएका हुन ...

वीरगन्ज,३२जेष्ठ : वीरगन्ज १० आदर्शनगरस्थित सानो पाइला बचत तथा ऋण सहकारी संस्थाले बचतकर्ताकाे कराेडाैं रकम फिर्ता नगरेकाे भन्दै पिडत बचतकर्ताहरुले प्रदर्शन गर्दै धर्ना दिएका छन् । काठमाडौँको कालिमाटीमा प्रमुख कार्यालय भएको सानो पाइला बचत तथा ऋण सहकारी संस्थाको वीरगन्जस्थित शाखाले बचत गरेकाे रकम फिर्ता नगरेकाे भन्दै बिहीबार  सयाैंकाे संख्यामा पुगेका बचतकर्ताहरुले प्रदर्शन गर्दै धर्ना दिएका हुन् । सहकारीमा जम्मा गरिएकाे बचतकर्ताको १ अर्ब भन्दापनिबढी रकम सहकारीका सञ्चालकले फिर्ता नगरेकाे बचतकर्ताहरुकाे आरोप छ । सहकारीमा बचत गरेकाे रकम झिक्न जाँदा संस्थामा हाल रकम नभएकाे भन्दै कर्मचारीले फिर्ता पठाईदिने गरेकाे बचतकर्ताहरुकाे गुनासाे छ ।सहकारीको वीरगन्ज शाखाकी प्रमुख कार्यकारी अधिकृत तस्बिरन खातुन पनि हाल सम्पर्कविहिन रहेकाे उनिहरुकाे भनाई छ। सहकारीमा जम्मा गरेकाे रकम झिक्न एक महिनादेखि सहकारीको कार्यालय धाउँदा पनि पैसा फिर्ता नपाएपछि बिहिबार बचतकर्ताहरुले सहकारीमा पुगेर प्रदर्शन गर्दै धर्ना दिएका हुन् । धर्नामा सहभागीहरुले  “खुद्रा व्यापारीले प्रति दिन जम्मा गरेकोरकम फि...

वीरगन्ज ,३२ जेष्ठ : पर्साको धोबिनी गाउँपालिका कार्यालयमा एक वर्षको अवधिमा झन्डै १५ लाख रुपैयाँ खाना खाजामा खर्च गरेको पाइएकाे छ । गत आर्थिक वर्ष २०७८/७९ मा धाेबिनी गाँउपालिकाकाे कार्यालयले विविध खर्चका लागि भन्दै ४० लाख रुपैयाँ विनियाेजन गरेकाे थियाे । त्यहि बजेटबाट झन्डै १५ लाख रुपैयाँ खाजामा मात्रै खर्च गरेको पाइएकाे हाे । महालेखा परीक्षकको कार्यालयले सार्वजनिक गरेको धाेबिनी गाउँपालिकाको वार्षिक लेखापरिक्षणको प्रतिवेदनअनुसार धोबिनी गाउँपालिकाकाे कार्यालयले विभन्न १५ वटा हाेटल र मिठाइँ पसलबाट १४ लाख ९५ हजार ८३० रुपैयाँको खाजा नास्ता खरिद गरेको उल्लेख छ । खर्च गर्नेमा पूराना र नयाँ जनप्रतिनिधि दुवै छन् । २०७९ वैशाख ३० गते सम्पन्न स्थानीय तह निर्वाचन पूर्व रहेका जनप्रतिनिधि र पछि निर्वाचित भएर आएका नयाँ जनप्रतिनिधिले समेत मनपरी ढङ्गले खाना र खाजामा मात्रै उक्त रकम खर्च गरेको महालेखा परीक्षकको कार्यालयले सार्वजनिक गरेको प्रतिवेदनमा उल्लेख छ । धाेबिनी गाउँपालिका कार्यालयले खाजा खर्च बापतको बिल पेश गरेपनि खर्च गर्नुपर्ने आधार स्पष्ट पार्न नसकेको पनि उक्त प्रतिवेदनमा उल्लेख गरिएको छ। वि...

वीरगन्ज ,३१जेष्ठ : हेटाैडामा करिब ५४ लाख रुपैयाँ बराबरकाे अवैध सुन सहित वीरगन्जका एक युवक पक्राउ परेका छन् । पक्राउ पर्नेमा वीरगन्ज महानगरपालिका वडा नम्बर १६ का २२वर्षिय किसन साह रहेका छन् ।उनकाे साथबाट ५६१.३० ग्राम सुन बरामद भएकाे जिल्ला प्रहरी कार्यालय मकवानपुरले जनाएकाे छ । बरामद सुनकाे बजार मूल्य ५४ लाख ४८ हजार रुपैयाँ रहेकाे मकवानपुरका प्रहरी नायब उपरीक्षक टेकबहादुर कार्कीले बताए । कार्कीका अनुसार, हेटौंडा उपमहानगरपालिका वडा नम्बर १५ राताेमाटेमा प्रदेश २-०३-००१ख०१५९ नम्बरको यात्रुवाहक बसमा सवार रहेका साहकाे शरीर खानतलासी गर्दा उनले लगाएकाे जुत्ताभित्रबाट उक्त परिणामकाे सुन बरामद भएकाे । सुनसहित पक्राउ परेका साहलाई जिल्ला प्रहरी कार्यालय मकवानपुरकाे हिरासतमा राखेर अनुसन्धान भइरहेको प्रहरी नायब उपरीक्षक कार्कीले जानकारी दिए । The post ५४ लाखकाे सुनसहित वीरगन्जका एक युवक हेटाैडामा पक्राउ appeared first on Madhes Khabar .

वीरगन्ज,२९ जेष्ठ : वीरगन्जमा आयोजित आकस्मिक रक्तदान कार्यक्रममा ६ महिला सहित ३० जनाले रगतदान गरेका छन् । रक्तसञ्चार केन्द्र वीरगन्जमा रगतको अभाव रहेको जानकारी पाएपछि भोलेन्टियर समूह वीरगन्जले साेमबार आयाेजना गरेकाे आकस्मिक रक्तदान कार्यक्रममा ३० जनाले रगतदान गरेका हुन् । आदर्शनगरस्थित रहेको मधुशाला रेस्टुरेन्टमा आयोजित रक्तदान कार्यक्रममा कृष्णा कुश्वाहा, चन्द्रिका प्रसाद यादव, मनोज सरार्फ, कमलेश गुप्ता, ममता जैसवाल, राधा अग्रवाल, प्रमोद शर्मा, संदिप कुमार साह, जुबैर मंसुरी, प्रियंका गुरुङ, काजल सरार्फ लगायतले रगत दान गरेका हुन् । भाेलेन्टियर समूहका अध्यक्ष राजन श्रीवास्तवकाे अध्यक्षतामा आयाेजित रक्तदान कार्यक्रममा रगत दान गरेकाहरुलाई प्रमाणपत्र वितरण गर्दै वीरगन्ज महानगरपालिकाका मेयर राजेशमान सिंहले हरेक तीन महिनामा रगत आफैं नष्ट हुने भएकोले समय समयमा रगत दान गर्न अपिल गरे ।मेयर सिंहले भने “मौसम अनुकूल हुदा देखिने रक्तदाताहरुको भिड अहिले बढ्दो गर्मीका कारण न्युन भएको छ । रगतको अरु कुनै वीकल्प नरहेकोले मानवीय कार्यमा हातोमालो गरेर अगाडि बढ्नु पर्ने बताए ।” कार्यक्रममा मेयर सिंहका प...

वीरगन्ज ,२९जेष्ठ : १५ हजार रुपैयाँ घुससहित पक्राउ परेका मालपोत कार्यालय बाराका दुई जना खरिदारविरुद्ध अख्तियार दुरुपयोग अनुसन्धान आयोगले विशेष अदालतमा भ्रष्टाचार मुद्दा दायर गरेको छ। अख्तियारले सोमबार विशेष अदालत काठमडौँमा खरिदार रामविश्वास साह र गौरीशंकर कुमार कुशवाहाविरुद्ध भ्रष्टाचार मुद्दा दायर गराएको हो। साह र कुशवाहाले जग्गा रजिष्ट्रेशनका लागि सेवाग्राहीसँग १५ हजार घुस माग गरेका थिए। अख्तियार दुरुपयोग अनुसन्धान आयोगको कार्यालय, हेटौंडाबाट खटिएको टोलीले दुबै जनालाई सेवाग्राहीबाट १५ हजार रुपैयाँ घुस लिइसकेको अवस्थामा नियन्त्रणमा लिएको थियो। अनुसन्धानको क्रममा दुबै जनाले घुस लिइ भ्रष्टाचारजन्य कसुर गरेको पुष्टि भएकोले भ्रष्टाचार मुद्दा दायर गरिएको अख्तियारका प्रवक्ता भोला दाहालले जानकारी दिए।साभार: देशसञ्चार The post बारा मालपाेत कार्यालयका दुई खरिदार विरुद्ध भ्रष्टाचार मुद्दा दायर appeared first on Madhes Khabar .

काठमाडौं,२९जेष्ठ : नेपालमा आलु र प्याजको कारोबार गर्ने व्यवसायीहरुले अर्थमन्त्री प्रकाशशरण महतले आलु र प्याजमा भ्याट लगाएर आत्मघाती कदम चालेको आरोप लगाएका छन् । सोमबार काठमाडौंमा पत्रकार सम्मेलन गर्दै नेपाल कृषिउपज आलु प्याज आयात निर्यात थोक बिक्री संघले आलु र प्याजमा भ्याट लगाउने अर्थमन्त्री डा. महतको घोषणा मुलुक, उपभोक्ता र सयौं व्यवसायीको विरुद्ध भएको जनाएको हो । बजेटले व्यवसायमा परेको असरबारे जानकारी दिन आयोजित पत्रकार सम्मेलनमा बोल्दै संघका अध्यक्ष मोहन बानियाँले भने, ‘आयातको विवरणको अंक मात्रै हेरेर विना अध्ययन गरिएको भ्याटको व्यवस्था अर्थमन्त्रीको आत्मघाती निर्णय हो । यस्तो व्यवस्थाले व्यवसायीले आलु प्याज आयात गर्न नसक्ने, उपभोक्ताले बजारमा खरिद गर्न नसक्ने अवस्था सृजना भएको छ ।’ अध्यक्ष बानियाँले थपे, ‘सरकारको नीतिपछि व्यवसाय बचाउन हामी हारगुहार गरिरहेका छौं । आलु प्याज आयात गर्न र भन्सार नाकामा आएको वस्तु भन्सार पास गर्न सकेका छैनौं ।’ आलु प्याज व्यवसायमा परम्परागत रुपमा व्यक्तिगत लेखा नम्बरमा आधारित भएर कारोबार गरिरहेकाेमा एकाएक आएको भ्याटको प्रावधानले आयातमा समस्या सृजना...

वीरगन्ज ,२८जेष्ठ : वीरगन्ज महानगरपालका वडा नम्वर ६ स्थित नाला सफाई गर्ने क्रममा आइतबार बिहान ठूलो परिमाणमा बन्दुकमा प्रयोग हुने गोली फेला परेको छ । महानगरपालिकाका कर्मचारीहरुले नाला सफाई गर्ने क्रममा प्लास्टिकको झोलामा विभिन्न हतियारमा प्रयोग हुने १०५ थान गोली फेला परेको हो । नाइन एमएमको ३२ थान, ३८ बोरको २४ राउण्ड, एसएलआरको ४ राउण्ड, हर्नेटको १७ राउण्ड सहित अन्य विभिन्न बन्दुकमा लाग्ने गरि कुल १०५ राउण्ड गोली फेला परेको पर्साका प्रहरी उपरीक्षक कोमल शाहले जानकारी दिए । फेला परेको मध्ये ४ वटा गाेली बिग्रेकोअवस्थामा भेटिएको पनि उनले जानकारी दिए । उक्त गोली कसले कहिले नालामा फालेको भन्ने बारे केही खुलेको छैन ।यसबारे अनुसन्धान भइरहेकाे प्रहरी उपरीक्षक शाहले बताए । नाला सफा गर्ने क्रममा गोली भेटिएपछि सफाइकर्मीले प्रहरीलाई खबर गरेका थिए । गोली भेटिएको खबर पाउनासाथ जिल्ला प्रहरी कार्यालय पर्साका प्रहरी उपरीक्षक शाह आफै गाेली भेटिएको स्थानमा पुगेका थिए । The post वीरगन्जमा नाला सफा गर्दा भेटियो १०५ राउण्ड गोली appeared first on Madhes Khabar .

वीरगन्ज, २७ जेष्ठ : जनमत पार्टीका राष्ट्रिय अध्यक्ष डाक्टर सिके राउतले मधेस आन्दोलनका माग प्राप्तिका लागि फेरि आन्दोलनको तयारी भइरहेको बताएका छन् ।विगतमा भएका मधेस आन्दोलनमा मधेसी नेताहरुले गद्धारी गरेका कारण मधेसका माग पुरा नभएकाले ती माग प्राप्तिका लागि फेरि आन्दोलनको तयारी भइरहेको राउतले बताएका हुन् । शनिबार वीरगन्जमा आयोजित बृहत पार्टी प्रवेश कार्यक्रमलाई सम्बोधन गर्दै अध्यक्ष राउतले भने,‘ मधेसी नेताहरुले गद्धारी गरेका कारण मधेस आन्दोलनका कुनैपनि माग पुरा भएको छैन , त्यसकारण अब जनमत पार्टीले मधेस आन्दोलनलाइ अगाडि बढाउने तयारी गरिरहेको छ , अबको आन्दोलन सरकार , सदन र सडक तीनै तहबाट हुन्छ । २२ जिल्लको एक मधेस प्रदेश , नागरिकता, मधेसीको सम्मान र पहिचान मधेस आन्दोलनको माग भएपनि ती मध्ये कुनैपनि माग पुरा नभएकाले फेरि मधेस आन्दोलनको तयारीमा जनमत पार्टी लागिसकेको राउतले बताए । उनले जनमतले गर्ने आन्दोलनले आँधी तुफानको रुप लिने र त्यसले राज्यका शासकबाट मधेसका अधिकार खोसेर लिने दाबीपनि गरे । उनले अब हुने आन्दोलनको तयारीमा जुटन मधेसी जनतालाई आह्वानपनि गरे । मधेसका अरु मधेसी पार्टी जस्तो ...