5k website Demo

Ram Tere Kitne Naam 1985 Bollywood Full Movie HD | Sanjeev Kumar | Rekha...

Namkeen | Hindi Full Movie | Sanjeev Kumar | Sharmila Tagore & Shabana A...

वीरगंज, १३ असोज । घरेलु तथा साना उद्योग कार्यालय, पर्साका प्रमुख धनञ्जयकमार सिंहको यातायात व्यवस्था कार्यालय धनुषामा सरुवा भएको छ । धनन्जयकुमार सिंह उद्योग विभाग अन्तर्गत पर्ने घरेलु तथा साना उद्योग कार्यालयमा विगत दुई वर्ष बिताएका थिए । उनले आफनो कार्यकालमा  इमानदारीपूर्वक कार्य सम्पादन गरेको बताए । कार्यक्रममा सिंहको दुई वर्षे कार्यकालमा कार्यालयको कामको प्रगति सराहनीय रहेको लेखा अधिकृत प्रद्युमन प्रसादले मन्तव्य व्यक्त गरेका थिए । बिदाइ कार्यक्रममा उद्योग विभाग पर्सा घरेलु तथा साना उद्योग कार्यालयका सुदर्शन आचार्य, मन रावल, कमलेश कुमार गुप्ता कानू, विणा कुमारी, सरिता खडका, सञ्चारकर्मी प्रेम सर्राफलगायत कर्मचारीहरुको सहभागिता रहेको थियो । कार्यक्रमको सहजीकरण नासु सुरज रामले गराएका थिए ।

वीरगंज, १३ असोज । वीरगंजको रानीघाट पुलबाट श्रीसिया नदीमा हाम फालेकी करीब १७ वर्षीया राधिका कुमारी दासको खोजी कार्य भइरहेको छ । बिपद ब्यवस्थापन गुल्म प्रहरी टोलीले युवतीको खोजी कार्य जारी राखेको जनाएको छ । आज बिहान अन्दाजी ९ः३० बजेको समयमा रानीघाट नजिकै रहेको पुलबाट हामफाल्नु अघि पहिला आफ्नो मोबाइल फालेकी प्रत्यक्षदर्शीहरूले बताएका छन् । पुलबाट नदीमा हाम फालेकी ती बालिकाले नदीमा आएको बाढीले बगाएर बेपत्ता बनाएको छ।   बाराको प्रसौनी गाउँपालिका वडा नम्बर २ खुटुवा प्रसौनी बस्ने विनोद दास र मन्तुरा दासकी १६ बर्षीया छोरी राधिका कुमारी दास रहेको प्रहरीले जनाएको छ । जिल्ला प्रहरी कार्यालय पर्साका प्रवक्ता प्रहरी नायव उपरीक्षक दिपक भारतीले भने बेपत्ता किशोरीको खोजी जारी रहेको र विवरण भने आउन बाँकी रहेको जनाएको छ । प्रहरीले घटनास्थलबाट किशोरीकी आमा मन्तुरालाई सोधपुछका लागि जिल्ला प्रहरी कार्यालय, पर्सामा लगेको छ । 

वीरगंज, १२ असोज । पर्सा जिल्लाको धोबिनी गाउँपालिका–२ असवारी घर भई हाल वीरगंज महानगरपालिका वडा नं. १३ राधेमाई टोल बस्दै आएका दाजुभाइ नितेश र सतीश गुप्ता पूर्ण छात्रवृत्तिमा एमबिबिएस अध्ययन गर्दैछन् । वीरगंज–११ दुर्गाटोलस्थित अल्पाइन माध्यमिक विद्यालयका छात्र सतीश गुप्ताले एनइइटी परीक्षा पास गरेर भारत, आगराको सरोजिनी नायडू मेडिकल कलेजमा एमबिबिएसमा भर्ना भएका छन् । अल्पाइन माविका सञ्चालक विनोद उपाध्यायले सतीश गुप्ता र उनका परिवारप्रति बधाई ज्ञापन गर्दै सतीश गुप्तालाई डाक्टर बनाउन उनका परिवारले देखाएको निरन्तर समर्पण र समर्थनप्रति सराहना गरेका छन् । लगन, जोश र समर्थनका साथ सबै कुरा हासिल गर्न सकिने कुरा सतीशले पुष्टि गरेको सञ्चालक उपाध्यायले बताए । यसबाट अल्पाइन माविका भविष्यका विद्यार्थीहरुको लागि सतीशले मार्गप्रशस्त गरेकोमा आफू पनि गौरन्वावित भएको बताए । यसअघि सतीशका दाजु नितेशले पनि पूर्ण छात्रवृत्तिमा हाल पोखराको मणिपाल कलेज अफ मेडिकल साइन्स पढिरहेको उनले जानकारी दिए । सञ्चालक उपाध्यायले दुवै दाजुभाइले इतिहास बनाएकोमा सफलताको शुभकामना पनि दिएका छन् । 

वीरगंज, १२ असोज । बिहीवारदेखि परेको घनघोर वर्षाको कारण पर्सा जिल्लाको विभिन्न स्थान डुबानमा परेको छ । घनघोर वर्षाको कारण श्रीसिया नदीको जलसतह पार गरेको छ । नदिको सतह पार गरी त्यसको पानी नजिकको बस्तीमा पसेको छ । वीरगंजका अधिकांश वडाहरु जलमग्न भएको छ भने घरघरमा पानी पसेको छ । आज बिहान वर्षा केही मत्थर भएपछि मानिसहरु पानी निकास गर्न जोहो गर्न थालेका छन् । वीरगंज महानगर प्रमुख राजेशमान सिंहले आज बिहानदेखि नगरको अनुगमन गर्दै सर्वसाधारणलाई सचेत गर्न थालेका छन् । श्रीसिया नदीको पानीको बहाव बढीरहेकोले उच्च सतर्कता अपनाउन नगरवासीहरूलाई आग्रह गरेका छन् । यसैबीच जल तथा मौसम विज्ञान विभागले पर्सा बारावासीलाई सन्देश पठाउंदै बारा जिल्ला स्थित पसाहा खोला, महेशपुर जलमापन केन्द्रमा जलसतहले सतर्कता तह पार गरेको र बढ्दो क्रममा रहेकाले नदी तटीय क्षेत्र र डुबान भइरहने होचा भू–भागहरूमा रहनुहुनेहरूले सतर्कता अपनाउन आग्रह गरेको छ । यसैबीच अविरल वर्षाका कारण कुलेखानी जलाशय भरिएपछि शनिवार बिहान ड्यामको ढोका खोलिएको छ ।३१ वर्षपछि जलाशय भरिएर ड्यामको ढोका खोलिएको हो । यसअघि २०५० सालमा ढोका खोलिएको थियो ।   नेपाल ...

वीरगंज, ११ असोज । वीरगंजका होटल तथा पर्यटन ब्यबसायीहरूले धार्मिक पर्यटनलाई महत्व दिएर ४५औं अन्तराष्ट्रिय पर्यटन दिवस मनाएका छन् । वीरगंज नाका हुँदै जनकपुरधाम  र पशुपतिनाथ मन्दिर जान हिडेका छ जना भारतीय धार्मिक पर्यटकहरूलाई दहि र जुस खुवाएर टीका, माला सहित भब्य स्वागत गरेर धार्मिक पर्यटनलाई विशेष महत्व दिएका हुन ।   पशुपतिनाथ, जनकपुर, गढिमाइ र मुक्तीनाथ जस्ता पबित्र र पौराणिक हिन्दु धामहरू मुलुकमा प्रशस्त रहे पनि राज्यले भने त्यस्ता धार्मिक पर्यटकीय स्थलहरूको प्रबद्र्धन र प्रचारमा ध्यान दिन सकिरहेको छैन । राज्यको ध्यान तान्नकै लागि पनि आज पर्यटन दिवसको अवसर पारेर धार्मिक पर्यटनलाई महत्वका साथ जोडन खोजेको होटल तथा पर्यटन ब्यवसायी संघ वीरगंजका अध्यक्ष  हरि पन्तले बताए । उनले सम्भावना धेरै भए पनि नेपालको धार्मिक पर्यटन ओझेलमा परेको बताए । वीरगंजका होटल तथा पर्यटन ब्यवसायीहरूले आज वीरगंजको शंकराचार्यद्धार मा औपचारिक कार्यक्रम गरेर पर्यटकहरूको स्वागत गरेका थिए । स्वागत गरिएको पर्यटकहरूलाई ब्यबसायीहरूले गन्तब्यसम्म जान पुग्न भाडाको समेत ब्यबस्थापन गरिदिएका थिए । वीरगंजको शंकराचार्यद्धारमै संघ...

वीरगंज, ८ असोज । राष्ट्रिय स्वतन्त्र पार्टी पर्साले वीरगंजमा प्रदर्शन गर्दै जिल्ला प्रशासन कार्यालय, पर्सा मार्पत प्रधानमन्त्रीलाई ज्ञापनपत्र बुझाएको छ । आज रास्वपा पर्साका अध्यक्ष हरि पन्तको नेतृत्वमा निस्किएको मौन जुलुसले नगर परिक्रमा गर्दै घण्टाघरमा कोणसभा गरी जिल्ला प्रशासन कार्यालय पर्सामा पुगेर सहायक प्रमुख जिल्ला अधिकारी सानुबाबु अधिकारीमार्फत प्रधानमन्त्रीलाई ज्ञापनपत्र बुझाएको हो । राष्ट्रिय स्वतन्त्र पार्टीका सभापति रबि लामिछानेलाई सरकारले संसदिय छानबिन समितिको प्रतिबेदन विपरित धरपकड गरेको भनेर प्रधानमन्त्रीको ध्यानाकर्षण गराउदै ज्ञापनपत्र बुझाएको हो ।   ज्ञापन पत्र बुझदै सहायक प्रमुख जिल्ला अधिकारी सानूबाबु अधिकारीले जिल्ला प्रशासन कार्यालयले आजै उक्त ज्ञापनपत्र प्रधानमन्त्रीको कार्यालयमा पठाउने बताए ।   'रबि निर्दाेष छन', राजनीति पुर्बाग्रह नसाँध', '८७ अर्ब ठग्ने असली सहकारी ठगहरूलाई कार्बाही गर' भन्ने प्लेकार्ड बोकेको जुलुसले ज्ञापनपत्र बुझाएर माइस्थानमा पुगेर कोणसभा गरेको थियो । कोणसभालाई सम्बोधन गर्दै जिल्ला सभापति हरि पन्तले सरकारलाई दुर्ई तिहाईको दम...

वीरगंज, ७ असोज/ वीरगंजका पत्रकार खड्गबहादुर श्रेष्ठ (प्रताप) प्रेस काउन्सिल क्रियाशील पत्रकारिता पुरस्कारबाट पुरस्कृत भएका छन् । प्रेस काउन्सिल नेपालद्वारा आइतवार राष्ट्रपति भवन शीतल निवासमा आयोजित पुरस्कार वितरण कार्यक्रममा राष्ट्रपति रामचन्द्र पौडेलले पत्रकार श्रेष्ठलाई खादा ओढाएर, प्रमाणपत्रसहित नगद रु १२ हजारबाट पुरस्कृत गरेका थिए । सो अवसरमा काउन्सिलका अध्यक्ष बालकृष्ण बस्नेत, सदस्य लालबाबू शेखलगायतको सहभागिता थियो । पत्रकार श्रेष्ठ प्रतीक दैनिकका सम्पादक हुन् भने अन्य सञ्चारमाध्यममा पनि उनी आबद्ध छन् । 

रौतहट, ६ असोज । रौतहटका प्रमुख जिल्ला अधिकारी हिरालाल रेग्मीले आदेशपत्र जारी गर्दै राजपुर नगरपालिका अन्तर्गत वडा नं. ४ मा सिल गर्न आदेश जारी गरेका छन् । सो क्षेत्रमा हैजा फैलिने सक्ने डरले सो क्षेत्र सिल गर्ने निर्णय गरिएको प्रजिअ रेग्मीले जनाएका छन् । राजपुर नगरपालिका वडा नं. ४ जोवैर चौकदेखि मदनी चौक, शेख अब्दुल्लाहको खलिहान देखि डा. नुरूल होदाको घरसम्मको वरीपरीको घरधुरी क्षेत्र सिल गर्न आदेशमा उल्लेख छ । गत असोज २ गते प्रारम्भिक रूपमा १ जनामा देखिएको झाडा पखालाको बिरामी संख्या बढ्दो क्रममा रहेको बताइएको छ । आरडीटी एवं कल्चर टेस्टबाट हैजा देखिएको भन्ने रिपोर्ट प्राप्त भएको छ । आदेशमा आजदेखि अर्काे आदेश नभएसम्मको लागि तोकिए बमोजिमको क्षेत्रहरूमा स्थानीय तहको स्वास्थ्य शाखा प्रमुखको अनुमति बेगर स्वास्थ्यकर्मी सुरक्षाकर्मी र सरसफाइकर्मीहरू र अत्यावश्यक एवं अत्यन्त जरूरी काममा बाहेक कुनै पनि व्यक्तिहरूको हिँडडुल गर्ने र एक अर्काे घर वा बस्तीमा आवतजावतमा नियन्त्रण गर्न भनिएको छ । अत्यावश्यक सेवा बाहेकका सवारी साधनहरूको आवतजावतमा नियन्त्रण गर्न तथा उक्त क्षेत्रमा माछा, मासु ओसारपसार र बिक्र...

वीरगंज, ५ असोज । प्रत्येक शनिवार बिहान १० बजे देखि नारायणी अस्पतालको प्राङ्गणमा वीरगंज समाज सेवाले निशुल्क भोजन खुवाउदै आएकोमा २२औं सप्ताह शनिवार पनि निशुल्क भोजन गरीएको छ। नारायणी अस्पतालमा बिरामीहरू, कुरूवाहरू लगायत गरिब, असहाय गरिबहरूलाई सहज होस भनि हरेक सप्ताहको शनिवार बिहानको खाना खुवाउने गरेको वीरगंज समाज सेवाका अध्यक्ष अशोक कुमार गुप्ताले जानकारी दिए । दाल, भात, तरकारी, अचार ५०० जनाले हरेक हप्ता खाने गरेको वीरगंज समाज सेवाले जनाएको छ ।   सेवा नै धर्म हो, गरिब, दिन दुःखि, असहायहरूलाई भोजन गराउनु जस्तो अरू धर्म केहि पनि होईन, हामिहरू आफ्नो लागि मात्र बाचिरहेका छौ, अरूको लागि पनि केहि गरौ भन्ने सोचका साथ हामि साथी भाईहरू मिलि आफ्नो निजि खर्चबाट संचालन गरेको अध्यक्ष अशोक गुप्ताले बताए। कार्यक्रममा उपाध्यक्ष मनोज प्रसाद रौनियार, सचिब प्रकाश बाहिति, कोषाध्यक्ष बिनोद सरार्प, सदस्यहरू मदन प्रसाद गुप्ता, राजु रूङ्गटा, वकिल प्रसाद रौनियार, रमेश अग्रवाल, नवनित अग्रवाल, बैधनाथ प्रसाद कलवार, बिरेन्द्र प्रसाद आर्या, हरेन्द्र प्रसाद, राधेश्याम गुप्ता, सञ्चारकर्मी अभिलाष कुमार गुप्ता सहभागीत...

वीरगंज, ३ असोज ।  वीरगंज महानगरपालिका वडा नं. १५ लक्ष्मणवा निवासी राष्ट्रिय कबड्डी खेलाडी सागर यादव प्रदेश स्तरीय खेल खेल्ने क्रममा घाइते भई १५ दिनदेखि काठमाडौंको ट्रमा सेन्टर हस्पिटलमा उपचार गराइरहेका छन् । उनको उपचारमा लाखौं खर्च भइसक्दा पनि सम्बन्धित निकायले कुनै चासो, सोधखोजसमेत गरेको छैन । खेल खेल्ने क्रममा घाइते भएका खेलाडी यादवको दायाँ खुट्टा भाचिएको र विभिन्न शरीरमा चोटपटक लागेको उनका दाजु जयशंकर यादवले बताए। नेपाल राष्ट्रिय कबडडी संघ तथा मधेस प्रदेश कबड्डी संघले कुनै किसिमको सहयोग नगरेको सागरका दाजु यादवले जानकारी गराए । हालसम्म राष्ट्रिय खेलाडी सागर यादवको उपचारमा पाँच लाखसम्म खर्च भइसकेको भए तापनि सरकार तथा राष्ट्रिय कबड्डी टीम, मधेस प्रदेश सरकार तथा वीरगंज महानगरपालिकाले कुनै चासो नदेखाएको खेलाडी सागरले जानकारी गराएका छन्। खेलाडी सागर हालै बंगलादेशमा सम्पन्न बंगबन्धु कबडडी प्रतियोगितामा नेपाललाई दोस्रो स्थानमा पुर्याउन खेलेका थिए । उनले देश विदेशमा थुप्रै प्रतियोगितामा मेडल, शिल्ड जितेका छन् । 

वीरगंज, ३ असोज । भारत, पटनामा ग्लोबल स्टार्स अवार्ड २०२४ अवार्डबाट  कलाकार पवनप्रसाद खतिवडा (बाबा) सम्मानित भएका छन । निरूलाज एन्ड कम्पनीको प्रस्तुति रहको कार्यक्रममा प्रमुख अतिथि बिहारका विज्ञान तथा प्राविधि मन्त्री सुमित कुमार सिङ र सेलिब्रेटी अतिथिको रूपमा चर्चित बलिवुड कलाकार पुनम धिलोन हुनुहुनथ्यो । संग्रीला प्यालेसमा भएको कार्यक्रमले पटनामा छुट्टै रौनक ल्याएको देखिन्थ्यो। पवनप्रसाद खतिवडा (बाबा) विगत लामो समयदेखि नेपाली कलाकारिता क्षेत्रमा सक्रिय छन् । काभ्रेपलान्चोक, अनैकोट –१ मा जन्मिएका बाबा बिस २०४८ सालमा भिडियो फिल्म कर्म नामक चलचित्रबाट बाल कलाकारको रूपमा उदाएका खतिवडाले दर्जनौं चलचित्र, टेलिचलचित्र तथा बिज्ञापनमा समेत काम गसकेका छन् । नृत्य, नृत्य निर्देशन गर्दै सडक नाटक र रंगमञ्च हुँदै सिनेमाका पर्दाहरूसम्मको यात्रा थालेका उनि बाबा कलाकारको उपनामले समेत चिनिनछन । जुन टेलिचलचित्र ब्रेकफेलबाट जन्मिएको नाम हो । खतिवडाले अभिनय गरेका चलचित्रहरूमा जीवनदाता, विष, जय शिव शङ्कर,  बडिगार्ड, राधे, लब सब, लगायत दर्जनौ छन् भने टेलिचलचित्रमा हिजो आजका कुरा, जिरेखुर्सानी, मोड, किनारा, प...

धनगढी  ३ असोज  । कैलाली कारागारमा युवकको मृत्यु भएको घटनामा प्रहरीले एक जनालाई पक्राउ गरेको छ । ३१ भदौमा शौचालयमा लडेको अवस्थामा भेटिएका घोडाघोडी नगरपालिका–४ का २२ वर्षीय दिपक विकको उपचारका क्रममा सेती प्रादेशिक अस्पतालमा मृत्यु भएको थियो । उक्त घटनाको अनुसन्धानका लागि प्रहरीले उनकी प्रेमिका भनिएकी १४ वर्षीया किशोरीलाई पक्राउ गरेको छ । जिल्ला प्रहरी कार्यालयका प्रहरी उपरीक्षक(एसपी) पदमबहादुर विष्टले ती किशोरीलाई पक्राउ गरेर अनुसन्धान गरिरहेको जानकारी दिए । उनै किशोरीलाई जबरजस्ती करणी गरेको मुद्दामा दिपक पुर्पक्षका लागि कैलाली कारागार चलान भएर बन्दी जीवन बिताइरहेका थिए । कतिपयले विकको कारागारभित्र कुटपिट गरेर हत्या भएको दाबी गरेपनि घटनाको वास्तविकता भने फरक रहेको प्रहरीको भनाइ छ । कैलालीका प्रमुख प्रहरी उपरीक्षक(एसपी) पदमबहादुर विष्टले प्रारम्भिक अनुसन्धानका क्रममा विकको सलपास नामक विषादी सेवनबाट मृत्यु भएको देखिएको बताए । उक्त विषादी प्रेमिकामार्फत नै विकको हातमा पुगेको अनुसन्धानका क्रममा देखिएको प्रहरीको भनाइ छ । प्रहरी स्रोतकाअनुसार विकको ३४ पृष्ठ लामो सुसाइड नोट समेत फेला परेको छ...

वीरगंज, ३ असोज । संविधान दिवसको अवसरमा आज पर्सा र बारामा विभिन्न कार्यक्रम गरी मनाइदैछ । वीरगञ्ज महानगरपालिका वडा नम्बर १३ स्थित वडा प्रहरी कार्यालय श्रीपुरमा वृक्षारोपण कार्यक्रम गरिएको हो । सामुदायिक प्रहरी साझेदारी कार्यक्रम अन्तर्गत वडा प्रहरी कार्यालय श्रीपुर, सामुदायिक सेवा केन्द्र मुर्ली श्रीपुर, र सामुदायिक प्रहरी सेवा केन्द्र मुर्ली श्रीपुरको संयुक्त आयोजनामा कार्यक्रम सम्पन्न भएको हो । सामुदायिक सेवा केन्द्र मुर्ली श्रीपुरका सचिव कुल नारायण प्रधानको अध्यक्षतामा भएको कार्यक्रममा वडा प्रहरी कार्यालय श्रीपुर पर्सामा कार्यरत प्रमुख प्रहरी निरीक्षक गोरख बहादुर शाही प्रमुख अतिथि रहनुभएको थियो। कार्यक्रममा स्थानीय बासिन्दा, समाजसेवी तथा सामुदायिक सेवा केन्द्रका पदाधिकारीहरू लगायत ३० जनाको सहभागीता रहेको थियो। वडा प्रहरी कार्यालय श्रीपुरको कार्यालय अगाडि विभिन्न जातका १५ वटा बिरूवा रोपेर वृक्षारोपण गरिएको हो। यसैगरी, संविधान दिवसको अवसरमा वीरगञ्ज स्कुल अफ लले साताव्यापी कार्यक्रमको शुभारम्भ गरेको छ । कार्यक्रमको पहिलो दिन, वीरगञ्ज स्कुल अफ लले राजर्षी जनक विश्वविद्यालयको पुस्तकालयलाई...

वीरगंज, २ असोज । वाणिज्य, आपूर्ति तथा उपभोक्ता संरक्षण कार्यालय पर्साले खरिद बिल नदेखाउने वीरगंजका ६ पसलेलाई ४५ हजार रुपियाँँ जरिवाना गरेको छ। निमित्त कार्यालय प्रमुख सुनिल चौरसियाको नेतृत्वमा बुधवार बजार अनुगमन गर्दा ६ वटा पसलेहरूले खरिद बिल नदेखाएकोले उनीहरूलाई उपभोक्ता संरक्षण ऐन २०७५ को दफा ३८ बमोजिम नगद जरिवाना गरिएको हो । न्यु अमित किराना स्टोर्स, मुकेश एण्ड केशरी किराना स्टोर्स, भगवती किराना भण्डारलाई जनही दश हजार र आयुष गल्ला किराना पसल, राहुल एण्ड नविन किराना र मुन्ना लाल किरानालाई जनही पाँच हजार जरिवाना गरिएको वाणिज्य, आपूर्ति तथा उपभोक्ता संरक्षण कार्यालय पर्साका सूचना अधिकारी दिलिप खँग खत्वेले जानकारी दिए । जरिवाना गरिएको रकम सात दिन भित्र राष्ट्रिय बाणिज्य बैंकमा दाखिला गरी भौचर कार्यालयमा पेश गर्न निर्देशन पनि दिईएको उनले बताए। साथै, चाडपर्बको बेलामा उपभोक्तासँग बढी मूल्य लिने, गुणस्तरहीन वस्तु बिक्री गर्ने, म्याद नाघेका सामान बिक्री गर्ने, लेबल नभएका सामान बिक्री गर्ने जस्ता कार्य नगर्न पनि कार्यालयले व्यापारीसित अनुरोध पनि गरेको छ।

वीरगंज, २ असोज । आम जनता पार्टी (आजपा) को भातृ संगठन आम विद्यार्थी मोर्चाले वीरगंजमा प्रदर्शन गर्दै सरकारी विद्यालयमा शिक्षकको माग गर्दै प्रदर्शन गरेको छ ।   पहाडका जिल्लाका विद्यालयमा १८ विद्यार्थी बराबर १ शिक्षक तर मधेसका विद्यालयमा १०० विद्यार्थी बराबर १ शिक्षकको दरबन्दी कायम गरेर सरकारले मधेस विभेद गरेको भन्दै आम विद्यार्थी मोर्चाले त्यसका विरूद्ध बुधवार आन्दोलन थालेको हो। आन्दोलनको पहिलो दिन बुधवार आम विद्यार्थी मोर्चाले सामुदायिक विद्यालयका विद्यार्थी र तीनका अभिभावकहरूसहित वीरगंजमा प्रदर्शन गरेको हो । घण्टाघर चोकबाट शुरू भएको विरोध रूयाली नगरको परिक्रममा गर्दै पुन घण्टाघर चोकमै पुगेर विरोधसभामा परिणत भएको थियो । सभामा बोल्दै आम विद्यार्थी मोर्चाका इन्चार्ज तथा आजपाका मधेस प्रदेश अध्यक्ष उमेश कुशवाहाले मधेसका विद्यालयमा सरकारले गरिरहेको विभेद वारे पटक पटक सरकारको ध्यानाकर्षण गराउँदापनि कुनै चासो नलिएपछि बाध्य भएर आन्दोलनमा उत्रिनु परेको बताए । एकल जातीय नश्लीय चिन्तनबाट ग्रस्त सरकार मधेसको शिक्षालाई तहशनहश पार्न योजनाबद्ध रूपमा लागेको आरोपपनि उनले लगाए । उनले प्रधानमन्त्री केप...

वीरगंज, २ असोज । दुर्ई किलो ९६० ग्राम चरेस सहित एकजना भारतीय नागरिकलाई पर्सा प्रहरीले वीरगंजबाट पक्राउ गरेको छ । पक्राउ पर्नेमा भारत अगरा उत्तर प्रदेश कुडोल फतेहावाद बस्ने ४२ वर्षीय गोपाल गिरी रहेका छन। वीरगंज महानगरपालिका–२ डम्पिङ साइडतर्फ लागुऔषध खरिद विक्री कारोवार भइरहेको सूचनाको आधारमा खटिएको प्रहरी टोलीले गिरिलाई पक्राउ गरेको पर्साका प्रहरी प्रवक्ता एवम् डीएसपी दिपक गिरिले बताए। उनले बोकेको प्लाष्टिकको झोलामा लुकाइ छिपाइ राखिएको लागुऔषध चरेश २ केजी ९६० ग्राम बरामद गरिएको गिरिले जानकारी दिए। पक्राउ परेका गिरीविरूद्ध लागुऔषध सम्बन्धी कसूरमा थप अनुसन्धान कार्य भइरहेको छ।

वीरगंज, १ असोज । महागढीमाई नगरपालिका मेयर उपेन्द्र यादव र गढीमाई मन्दिर सञ्चालन तथा विकास समितिको टोलीले मंगलवार जिल्ला प्रशासन कार्यालय बारामा ज्ञापनपत्र बुझाउँदै पञ्चवर्षीय गढीमाई मेलामा पशुबलिको विरोधीलाई कारबाहीको माग गरेको छ । यसवर्षको मंसिरमा लाग्ने विश्वप्रसिद्ध गढीमाई मेलालाई बिथोल्ने खालका गतिविधीमा लागेकाहरूलाई कारबाहीको माग गर्दै बाराका प्रमुख जिल्ला अधिकारी शशीधर घिमिरेलाई ज्ञापनपत्र बुझाएको छ । पशुबलीका लागि विश्वमै प्रसिद्ध रहेको पञ्चवर्षीय गढीमाई मेला यसवर्ष मंसिरमा लाग्दैछ । मेलाको तयारी शुरू भएसंगै केहि संघसंस्थाहरूले गढीमाई मेलामा पशु बली रोक्न माग गर्दै अहिलेदेखि नै सदरमुकाम कलैया लगायतका स्थानमा गतिविधी बढाएका छन् । यस्ता गतिविधीले गढीमाई मेलालाई प्रभावित पार्न सक्ने भन्दै त्यसलाई रोक्न र त्यस्ता गतिविधीमा लागेकाहरूलाई कानूनी कारबाईको माग गर्दै प्रमुख जिल्ला अधिकारी घिमिरेलाई ज्ञापनपत्र बुझाइएको महागढीमाई नगरपालिकाका मेयर उपेन्द्र्र प्रसाद यादवले जानकारी दिए । गढीमाई मन्दिर सञ्चालन तथा विकास समितिका अध्यक्ष रामचन्द्र साहले प्रमुख जिल्ला अधिकारीलाई बुझाइएको ज्ञापनपत्...

कालीगढले विश्वकर्माको पूजा आराधना गरी आज वास्तु दिवस एवं विश्वकर्मा पूजा पर्व मनाउँदैछन्। प्रत्येक वर्ष कन्या अर्थात् आश्विन संक्रान्तिका दिन विभिन्न कलकारखानामा विश्वकर्मा भगवानको बालुवाको मूर्ति वा तस्बिर विधिपूर्वक पूजा आराधना गरी यो दिवस मनाउने गरिन्छ। कलकारखानालाई विशेष रुपमा सजाएर मजदुर समेतलाई सहभागी गराएर यो दिवस मनाइन्छ। बालुवा वा अन्य वस्तुबाट बनाइएको विश्वकर्माको मूर्ति वाग्मती मुहानस्थल सुन्दरीजल वा अन्य शुद्धस्थलमा लगी सेलाउने गरिन्छ। आज पूजा गरिएका मस्र्त तथा तस्वीर बुधबारदेखि नदीमा लगी सेलाइन्छ। आजका दिन कालीगढले उपयोगमा ल्याउने विभिन्न औजारका सामानमा पूजा आराधना गरेमा धेरै समय टिक्ने, कामका बेलामा नबिग्रने र राम्रो काम गर्न सकिनेलगायत गुण प्राप्त हुने धार्मिक विश्वास छ। द्वापरयुगमा भगवान् कृष्णलाई राक्षसले दुःख दिएपछि विश्वकर्माले समुद्रका बीचमा 'भेद द्वारका' बनाइ लुकाएको धार्मिक विश्वास छ। एकैरातमा समुद्रका बीचमा 'भेद द्वारका' को निर्माण गरेकाले विश्वकर्मालाई सफल वास्तुविद्का रुपमा मानी त्यसै समयदेखि पूजाआजा गर्ने परम्परा बसेको धर्मशास्त्रविद् प्रा तोयर...

काठमाडौं, ३१ भदौ । डली चायवाला सोमवार नेपाल आइपुगेका छन् । सोमवार अपरान्ह उनी झापाको काँकडभिट्टा आइपुगेका हुन् । दुर्ईजना अंगरक्षक र दुर्ईजना व्यवस्थापकसहित उनी आइपुगेको उनलाई नेपाल ल्याउने संस्था ग्लोबल इनोभेसन पार्टनरका आरिफ अलीले जानकारी दिए । त्यहाँको लंका रिसोर्टमा उनले चिया बनाएर अतिथिलाई खुवाउनेछन् । सोही होटलमा हुने कार्यक्रममा हिमालय टिभीको रियालिटी शो भ्वाइस किड्सबाट चर्चित अर्नव वनसहितका कलाकारले सांगीतिक प्रस्तुति समेत दिने भएका छन् । डली चायवाला मंगलवार बेलुका काठमाडौं आउनेछन् । काठमाडौंमा उनले केही शैक्षिक परामर्शदाता संस्थासँगको मिट एण्ड ग्रीटमा भाग लिनेछन् । हेलिकप्टरबाट काठमाडौं र पर्वतीय उडान भर्ने उनको कार्यक्रम छ । काठमाडौंमा रहँदा उनी पाँचतारे होटल सोल्टीमा बस्नेछन् । काठमाडौंबाट उनलाई तीन दिन पोखरा घुमाउने तयारी रहेको अलीले जनाए । 'उहाँ मार्पmत हामी नेपालको पर्यटन प्रवद्र्धन गर्न चाहन्छौं । उहाँको भाइरल छविलाई नेपालको पर्यटनको हितमा लगाउँने सोच छ' अलीले अनलाइनखबरसँग भने । भारतमा हालै सम्पन्न जी–सेभेन बैठकको क्रममा अमेरिकी अर्बपति बिल गेट्सलाई चिया खुवाएपछि...

वीरगंज, ३१ भदौ । मधेस प्रदेशका मुख्यमन्त्री सतिशकुमार सिंहले स्वदेशी उद्योगलाई सवल र समक्ष बनाउनुपर्नेमा जोड दिनुभएको छ । नेपाल उद्योग परिसङघ युवा उद्यमीमञ्च मधेस प्रदेश च्याप्टरको आज वीरगंजमा आयोजित उदघाटन कार्यक्रममा बोल्दै उहाँले स्वदेशमा उत्पादन भएको वस्तु तथा सामानलाई विदेशमा निर्यात गर्ने गरी काम गर्न उद्योगी व्यवसायीलाई अनुरोध गर्नुभयो । प्रदेश सरकारले उद्योग र व्यवसायलाई प्रवद्र्धन गरी गर्ने कार्यविधि बनाउन लागेको बताउनुहुँदै कार्यविधि अन्तिम चरणमा पुगेको जानकारी दिनुभयो । "सरकारले उद्योग र व्यवसायलाई अगाडि बढाउन सक्दैन भने उहाँहरूका समस्या समाधान हुन सक्दैन", मुख्यमन्त्री सिंहले भन्नुभयो । उहाँले कार्यविधि उद्योगमैत्री भएकाले प्रदेशमा उद्योग तथा व्यवसाय फस्टाउनेमा विश्वास व्यक्त गर्नुभयो । "अहिले नेपालबाट विदेशी मुलुकमा लाखौंँ अर्धदक्ष जनशक्ति गइरहेको अवस्था छ, तर स्वदेशी उद्योगमा जनशक्ति अभाव भइरहेको छ", उहाँले भन्नुभयो, "सीप सिकेका जनशक्ति नहुँदा विदेशी मुलुकबाट दक्ष कामदार ल्याउनुपर्ने बाध्यता कायमै छ ।" त्यस अवसरमा नेपाल उद्योग परिसङघका ...

वीरगंज, ३१ भदौ । बाराको दुई स्थानमा दुर्घटना हुँदा दुईजनाको मृत्यु भएको छ भने १९ जना घाइते भएका छन् । पूर्व–पश्चिम राजमार्ग अन्तर्गत बाराको निजगढ नगरपालिका वडा नम्बर ८ मा आइतवार राति मोटरसाइकल दुर्घटना हुदाँ एक जनाको मृत्यु भएको छ । मृत्यु हुनेमा मोटरसाइकल चालक सर्लाहीको धनकौल नगरपालिका–२ बस्ने ३७ वर्षीय दिनेश साह रहेका छन् । चन्द्रनिगाहपुरबाट पथलैयातर्पm आउँदै गरेको बा ६३ प ७३३० नम्बरको मोटरसाईकल पूर्व–पश्चिम राजमार्ग स्थित तामागढी गेट नजिक अनियन्त्रित भई दुर्घटना हुँदा मोटरसाइकल चालक साह गम्भीर घाइते भएका थिए । उनलाई उपचारका लागि वीरगंज ल्याउने क्रममा बाटोमै उनको मृत्यु भएको प्रहरीले जनाएको छ। मोटरसाईकलको पछाडी सवार धनकौल–२ कै ४६ वर्षीयलकिशोरी साह घाइते भएका छन् । उनको वीरगंजस्थित बयोधा मेडिसिटी अस्पतालमा उपचार भईरहेको प्रहरीले जनाएको छ । यसैगरी पूर्वपश्चिम राजमार्ग अन्तर्गत बाराको निजगढ नगरपालिका वडा नम्बर ८ स्थित उनासी पुलबाट आइतवार राति ३४ जना सवार बस खस्दा १ जनाको मृत्यु भएको छ । ३० जना भन्दा बढी घाइते भएका छन । काकडभिट्टाबाट दाङ जाँदै गरेको ना. ८ ख ११६४ नम्बरको बसको अगाडीको पट...

वीरगन्ज, ३० भदौं । वीरगंजको भाटभटेनी सुपर मार्केटमा म्याद गुज्रेका खाद्यान्न सामग्री फेला परेपछि पाँच हजार जरिवाना गरिएको छ । आइतवार अनुगमनका क्रममा म्याद गुज्रेका खाद्यान्न सामग्री फेला परेपछि वीरगंज महानगरपालिकाले ५ हजार जरिवाना गरेको छ । भाटभटेनी सुपरमार्केट अन्तर्गत अतिथि भेजिटेरियन रेस्टुरेन्ट र शाह होल्डिङ्स प्रालिलाई जनही ५ र ५ हजार रुपियाँँ जरिवाना गरिएको हो। वीरगंज महानगरपालिकाबाट खाद्य अनुसन्धान अधिकृत विपिनलाल दासको नेतृत्वमा खटिएको टोलीले भाटभटेनी सुपरमार्केटको माथिल्लो तलामा रहेका चारवटा रेस्टुरेन्टमा अनुगमन गरेको थियो । अनुगमनका क्रममा म्याद गुज्रेका मःम, चाउमिन, मासु, अमृत तेल, मैदा, बेसन लगायतका सामग्री फेला परेका थिए । म्याद गुज्रेका ४ बोरा मैदा, २ प्याकेट कुखुराको मासु, ४ प्याकेट चाउमिन, ५ सय ग्राम गोल्ड बेसन, ६ प्याकेट अमृत तेल र एक प्याकेट मन्चुरियन नष्ट गरिएको अनुगमन टोलीले जनाएको छ । अनुगमनपछि सुपरमार्केट अन्तर्गत अतिथि भेजिटेरियन रेस्टुरेन्ट र शाह होल्डिङ्स प्रालिलाई जनही ५ हजार रुपियाँँ जरिवाना गरिएको अनुगमन टोलीमा सहभागी उपभोक्ता हित मञ्चका अध्यक्ष अजित भुजेलल...

वीरगंज, २९ भदौ । "ओजन फर लाइभ" शीर्षक वक्तृत्वकला प्रतियोगीतामा गौतम माध्यामिक विद्यालयका स्पन्दन चौधरी प्रथम, आनन्द चौधरी द्वितीय र माइस्थान विद्यापीठ की रूपा गिरी तृतीय भएका छन् । प्रतियोगितामा बिजयी प्रतियोगीहरूलाई पुरस्कार तथा मेडल प्रदान गरिएको थियो । राष्ट्रिय बाल दिवसको अवसरमा लिभिङ विथ इन्भायोरन्मेन्टले आयोजना गरेको सो प्रतियोगितामा वीरगंजका विभिन्न ११ विद्यालयका विद्यार्थीहरूले भाग लिएका थिए । प्रतियोगीहरूले आफ्नो मन्तब्यमा ओजनको अवस्थिति, त्यसको काम, मानव जीवनमा त्यसको महत्व, ओजनको संरक्षणकालागि खेल्नु पर्ने भूमिकाका बिषयमा आफ्ना भनाई राखेका थिए । कार्यक्रममा डा. सुष्मा तिवारीले विद्यार्थीले ओजन तहका वारेमा ब्यक्त गरेका बिचारहरू निकै महŒवपूर्ण रहेको बताउनु भयो । विगतलाई स्मरण गर्दै यही उमेरमा आफूहरू यसरी मंचमा चढेर बिचार ब्यक्त गर्न सक्ने भएका थिएनौं भन्दै डा. तिवारीले अहिले भाईबहीनीहरूमा ढुक्कसँग बिचारको प्रस्तुती गर्ने कला देखेर खुशी व्यक्त गर्नु भयो। कार्यक्रममा जनमत पार्टीका जिल्ला अध्यक्ष ओम प्रकाश सर्राफले कार्यक्रम निकै प्रभावकारी रहेको बताए । उनले प्रकृतिको ...

काठमाडौँ/देशमा बढ्दै गएको धर्मान्तरण तथा धार्मिक सांस्कृतिक अतिक्रमण, कला संस्कृति, पहिचान र राष्ट्रिय एकतालाई खण्डित हुने कार्य बढ्दै गएपछि त्यसको विरोध स्वरुप विश्व हिन्दू महासंघ अन्तर्राष्ट्रिय समितिको आयोजनामा शुक्रबार काठमण्डौमा ऱ्याली निकालिएको छ। विश्व हिन्दू महासंघ अन्तर्राष्ट्रिय समितिकी कार्यवाहक अध्यक्ष अस्मिता भण्डारीको अध्यक्षतामा धर्म निरपेक्षता खारेज गर, हिन्दू अधिराज्य कायम गर, सांस्कृतिक हस्तक्षेप बन्द गर, सनातनीहरूमाथिको दमन बन्द गर, धर्मान्तरण बन्द गर, राष्ट्रिय एकता खण्डित गर्ने कार्य बन्द गर, जय श्री राम, जय श्री कृष्णजस्ता गगनभेदी नारासहित माईतीघर मण्डलबाट निकालिएको ऱ्याली बानेश्वर पुगेर कोण सभामा परिणत भएको थियो। कोणसभालाई राष्ट्रिय प्रजातन्त्र पार्टीका नेता एवं प्रतिनिधिसभा सदस्य माननीय धवल शमशेर राणा, विश्व हिन्दू महासंघ राष्ट्रिय समितिका उपसभापति अरुण कुमार पाण्डे, जानकी मन्दिरका उत्तराधिकारी राम रोशन दास, पूर्व गृह मन्त्री बुद्धिमान तामाङ, पूर्व मन्त्री पशुपति शमसेर जबरा, प्रकाश चन्द्र लोहनी, राप्रपा नेपालका तारानाथ लुईंटेल, नेपालका लागि नेपालीका सुशील चन्द्र...

बीरगञ्ज २८ भदौ । राष्ट्रिय स्वतन्त्र पार्टी छिपहरमाई  गाउपालिकाले श्री नवगवा  माधमिक बिधालय  चरगाहा वाड २ र श्री देबि स्थान ने.रा आधारभुत बिधालय वाड न १ मा बृक्षारोपण कार्यक्रम सम्पन्न गरेको छ।  राष्ट्रिय स्वतन्त्र पार्टी क्षेत्रीय सभापति जितेन्द्र मिश्रले बिरुवा रोपेर कार्यक्रमको उद्घाटन गर्नुभएको थियो।  कार्यक्रममा १५० वटा मलेसियन साँखु र २००वटा हरेक जातको  बिरुवा लगाईएको रास्पा पर्सा ४ का सभापति मिश्रले बताए । छिपहर माई को हरेक वाड मा विभिन्न जात २ हजार बिरुवा रोपने लक्षय रहेको छिपहमाई गाउपालिका का सभापती उमेश यादव ले बताए । कार्यक्रममा प्रमुख अथिती जितेन्द्र मिश्र, पालिका सभापती उमेश यादव, पालिका सचिव मनबोध  यादव, सदस्य राजु यादव धर्मेन्द्र यादव, बिकि यादव, श्री नवगवा  माधमिक बिधालय चरगाहा प्रधयापक अमीन मिया, शिक्षक गगन देव यादव बियोपी इन्चार्ज प्रकाश पाण्डे लगायतको सहभागिता रहेको थियो।

काठमाण्डौ २७ भदाै/ नेपाललाई हिन्दू अधिराज्य पुनर्नस्थापना गर्ने माग सहित विश्व हिन्दू महासंघले शुक्रबार राजधानी काठमाण्डौमा ऱ्याली निकाल्ने तयारी गरेको छ। राप्रपालगायत विभिन्न हिन्दूवादी तथा राष्ट्रवादी संघसंगठनको प्रतिनिधिमूलक सहभागितामा शुक्रबार अपरान्ह १:०० बजे माइतिघर मण्डलाबाट ऱ्याली निकालिने विश्व हिन्दू महासंघले एक पत्रकार सम्मलेनको आयोजना गरि जानकारी गराएको हो। संघीय गणतान्त्रिक धर्म निरपेक्ष संविधान स्थापना भएदेखि देशमा रहेका बहुसंख्यक सनातनीहरूमाथि संकट आएको, देशको पहिचान, मौलिकता, स्वाभिमान गुम्दै गएको, नेताहरू सत्तालिप्सामा डुब्दै गएको, देशमा अन्याय, अत्याचार, दुराचार, भ्रस्टाचार, ढिलासुस्ती बढ्दै गएकोले त्यसको निराकरणको एक मात्र विकल्प हिन्दू अधिराज्य पुनर्स्थापना रहेकोले सो ऱ्याली निकाल्न लागिएको विश्व हिन्दू महासंघका कार्यवाहक अध्यक्ष अस्मिता भण्डारीले पत्रकार सम्मलेनमा जानकारी गराउनु भयो।   देशमा धर्मान्तरण एक मुख्य समस्या र चिन्ताको विषय भएकोले त्यस्तो धर्मान्तरणमा रोक लगाउनु पर्ने मागसहित सम्पूर्ण देशभक्त नागरिकहरूको प्रत्यक्ष र परोक्ष सहयोगमा निकाल्न लागिएको सो ऱ्याल...

वीरगंज, २५ भदौ । मौसममा लगातार उतारचढावको कारण पर्सामा बिरामीहरुको संख्या निकै बढेको छ । चर्को घाम, प्रचण्ड गर्मी र उकुसमुकुस मौसमको कारण भाइरल ज्वरो, मुटुलगायतका रोगीहरु बढेका छन् ।   नारायणी अस्पताल वीरगंजको ओपिडीमा बिहान आठ बजेदेखि नै टिकट काट्ने बिरामीहरुको घुइचो लाग्ने गरेको छ । नारायणी अस्पतालको ओपिडीमा स्वास्थ्य बीमा  र स्वास्थ्य बीमा नगराएकाहरुको छुट्टै लाइन लाग्ने गरेको र निकै भीड हुने गरेको छ ।   नारायणी अस्पतालमा गरीबहरुले सहजै उपचार पाउन सक्दैनन् । अस्पतालमा बिरामीहरुले सहजै बेड पाउँदैनन् । बेड पाउनको लागि चिकित्सकको अगाडि बिरामीहरुले हात जोडिरहेका छन् । अस्पतालको बरन्डामा बिरामीहरु लम्पसार परेकाछन् । चिकित्सकहरुलाई कुनै मतलब छैन । डाक्टरहरुले पनि बिरामीहरुसँग राम्रो व्यवहार गर्दैनन् । झर्केर कुरा गर्ने, बिरामीको गुनासो नसुन्ने, बिरामीले भनेको कुरालाई बंग्याएर भन्ने, ज्येष्ठ नागरिकसंग अभद्र व्यवहार गर्ने गरेका छन् । समयमा चिकित्सक आउने गरेका छैनन् । बिरामीको अत्यधिक चाप हुने गरेको कारण नारायणी अस्पताल रेफर अस्पतालकै रुपमा परिचित भएको छ । नारायणी अस्पतालका फार्मेसीमा पनि स्व...

काठमाडौँ, १९ भदौः खानेपानीमन्त्री प्रदीप यादवले जलवायु परिवर्तनका चुनौती र त्यससँग जुध्नका लागि जलवायु अनुकूलित पूर्वाधारको विकासको आवश्यकता रहेको बताउनुभएको छ । एसियाली विकास बैङ्क (एडिबी) द्वारा आज यहाँ आयोजित 'हिन्दुकुश हिमालयमा निर्माण गरिने संरचनाहरूलाई कसरी जलवायु अनुकूलन बनाउन सकिन्छ' भन्ने विषयको कार्यशालामा उहाँले जलवायु परिवर्तनका चुनौती र त्यससँग जुध्नका लागि जलवायु अनुकूलित पूर्वाधारको विकासको आवश्यकता रहेको उल्लेख गर्नुभयो । मन्त्री यादवले हिन्दुकुश हिमालय क्षेत्रमा जलवायु परिवर्तनका कारण निम्तिने समस्यालाई समेटेर एसियाली विकास बैङ्क (एडिबी) ले गरेको अध्ययनको महत्वपूर्ण योगदानको प्रशंसा गर्नुभयो । उहाँले भन्नुभयो, "एडिबीले खानेपानी मन्त्रालयका लागि निरन्तर रुपमा अगाडि बढेर सहयोग गरिरहेको छ, मेलम्चीको मुहान विसं २०७८ मा बाढी पहिरोले क्षति भयो, एडिबीले उक्त क्षतिका बारेमा अगाडि बढेर सहयोग गर्ने प्रतिबद्धता जनाएकोप्रति मसहित सिङ्गो मन्त्रालयको टोलीलाई धन्यवाद दिन चाहन्छु ।" यसैगरी, मन्त्री यादवले सन् २०२१ मा मेलम्चीमा आएको बाढी र थिङ्बो हिमताल फुटेर आएको ...

वीरगंज, १७ भदौ । वीरगंज आँखा तथा दाँत अस्पतालले वीरगंज गोल्डेन गेट एकेडेमी मुर्लीमा आज विद्यार्थी हरूको  निःशुल्क आँखा परिक्षण गरिएको छ ।   कार्यक्रममा विद्यार्थीहरुको आँखा परीक्षण गर्नुका साथै औषधि पनि निःशुल्क वितरण गरिएको विद्यालयका प्रधानाध्यापक शेख अजहरले जानकारी गराए ।   आँखामा लाग्ने रोगलाई समयमा पहिचान गरी निको पार्न सकिन्छ । तसर्थ विद्यार्थीहरुको बेला बेलामा आँखा परीक्षण गरिएको प्रधानाध्यापक अजहरले बताए ।   यसैगरी आगामी शनिवार भदौ २२ गते विद्यालयको प्राङ्गणमा सर्वसाधारणको आँखा परीक्षण गरिने वीरगंज आँखा तथा दाँत अस्पतालका इम्तियाज अलिले जानकारी दिएका छन् । 

बारा, १६ भदौ । बारा प्रशासनले खर्चिलो र भडकिलो तीज कार्यक्रम गर्ने व्यक्ति, दल, संघसंस्थालाई कारबाही हुने सूचना जारी गरेको छ ।   आज जिल्ला प्रशासन कार्यालय बाराले तीज पर्व सम्बन्धी जरूरी सूचना जारी गर्दै तीजसँग सम्बन्धीत खर्चिलो एवम् भड्किलो कार्यकम सञ्चालन नगर्नु–नगराउनु अनुरोध गरेको छ । गरेको खण्डमा कानून बमोजिम कारबाही हुने जनाएको छ ।   सहायक प्रमुख जिल्ला अधिकारी छविरमण भट्टराईले आज जारी गरेको सूचना अनुसार पर्व मनाउने सन्दर्भमा अनावश्यक तडकभडक र फजुल खर्च नियन्त्रण गरी असल संस्कारको विकास गर्दै जानु हामी सबैको कर्तव्य भएकोले यस कार्यमा जिल्लास्थित सबै राजनीतिक दल, नागरिक समाज, पेशागत संघ संस्थाहरू, सुधारकर्मीहरू, महिला सञ्जाल तथा सम्पूर्ण जिल्लावासीहरूबाट सहयोगको अपेक्षा गरिएको छ। कोही कसैले अनावश्यक तडकभडक र खर्चिलो हुने गरी तीजका कार्यक्रमहरूको आयोजना गरे–गराएमा त्यस्ता गतिविधिहरूको निगरानी गरी कानुन बमोजिम कारबाही हुने सहायक प्रजिअ भट्टराईले जनाएका छन् । सूचनामा हरितालिका तीजलाई नेपाली महिलाहरूले एक सनातन साँस्कृतिक पर्वको रूपमा मनाउँदै आएका छन् ।  भाद्र शुक्लपक्ष तृतीयाका द...

वीरगंज, १६ भदौ । अल्पाईन माध्यमिक विद्यालयले पहिलो उमा वुमेन इन्जिनियरिङ स्कूलरसीप  छात्रा आचल कुमारीलाई प्रदान गरेको छ ।   विद्यालयका सञ्चालक विनोद कुमार उपाध्यायका ममतामयी आमा स्व. उमा देवी उपाध्यायको स्मृतिमा स्थापना गरिएको पहिलो उमा वुमेन इन्जिनियरिङ स्कूलरसीप सोही विद्यालयमा नर्सरीदेखि कक्षा १२ सम्म अध्ययन गरेकी जेहेन्दार छात्रा आचल कुमारीलाई प्रदान गरिएको हो ।   छात्रवृत्ति अन्तर्गत छात्रा आचल कुमारीलाई भारतको आदित्य युनिभर्सिटीमा चार वर्षे इन्जिनियरिङ अध्ययनको सम्पूर्ण खर्च विद्यालयले बेहोर्ने विद्यालयका सञ्चालक विनोद कुमार उपाध्यायले जानकारी गराउनुभयो । आज एक कार्यक्रमबीच अल्पाइन माध्यमिक विद्यालयका सञ्चालक उपाध्यायले छात्रा आचल कुमारीलाई छात्रवृत्तिको प्रमाणपत्र हस्तान्तरण गर्नुभएको थियो ।   कार्यक्रममा विद्यालयका शिक्षक, शिक्षिका, अभिभावकलगायतको सहभागिता थियो । 

वीरगंज, १६ भदौ । वीरगंजका पुराना एवं वरिष्ठ पत्रकार सुदर्शनराज पाण्डेको स्वास्थ्य अवस्था गम्भीर भएको छ । काठमाडौंको शिक्षण अस्पताल महाराजगंजको भेन्टिलेटरमा उनको उपचार भइरहेको र अवस्था चिन्ताजनक रहेको पाण्डेको छोरा सुरजराज पाण्डेले बताएका छन् । स्वास्थ्य अवस्था गम्भीर भएपछि वीरगंजबाट काठमाडौं उपचारको लागि लगिएका पत्रकार पाण्डेको टिचिङ अस्पतालमा उपचार भइरहेको छ । उनको अवस्था गम्भीर रहेको र अहिले केही भन्न नसकिने छोरा सुरजले बताए । मधुमेह र रक्तचापबाट पीडित पत्रकार पाण्डेको शरीरको केही अंग चल्न नसकेको, अचेत अवस्थामा रहेको र भेन्टिलेटरमा उनको सघन उपचार भइरहेको छ ।