डाटा लोड हुँदैछ...

वीरगंजको भाटभटेनीमा म्याद गुज्रेका सामान बिक्री, ५ हजार जरिवाना

By -

वीरगन्ज, ३० भदौं । वीरगंजको भाटभटेनी सुपर मार्केटमा म्याद गुज्रेका खाद्यान्न सामग्री फेला परेपछि पाँच हजार जरिवाना गरिएको छ ।
आइतवार अनुगमनका क्रममा म्याद गुज्रेका खाद्यान्न सामग्री फेला परेपछि वीरगंज महानगरपालिकाले ५ हजार जरिवाना गरेको छ ।

भाटभटेनी सुपरमार्केट अन्तर्गत अतिथि भेजिटेरियन रेस्टुरेन्ट र शाह होल्डिङ्स प्रालिलाई जनही ५ र ५ हजार रुपियाँँ जरिवाना गरिएको हो। वीरगंज महानगरपालिकाबाट खाद्य अनुसन्धान अधिकृत विपिनलाल दासको नेतृत्वमा खटिएको टोलीले भाटभटेनी सुपरमार्केटको माथिल्लो तलामा रहेका चारवटा रेस्टुरेन्टमा अनुगमन गरेको थियो । अनुगमनका क्रममा म्याद गुज्रेका मःम, चाउमिन, मासु, अमृत तेल, मैदा, बेसन लगायतका सामग्री फेला परेका थिए । म्याद गुज्रेका ४ बोरा मैदा, २ प्याकेट कुखुराको मासु, ४ प्याकेट चाउमिन, ५ सय ग्राम गोल्ड बेसन, ६ प्याकेट अमृत तेल र एक प्याकेट मन्चुरियन नष्ट गरिएको अनुगमन टोलीले जनाएको छ ।

अनुगमनपछि सुपरमार्केट अन्तर्गत अतिथि भेजिटेरियन रेस्टुरेन्ट र शाह होल्डिङ्स प्रालिलाई जनही ५ हजार रुपियाँँ जरिवाना गरिएको अनुगमन टोलीमा सहभागी उपभोक्ता हित मञ्चका अध्यक्ष अजित भुजेलले जानकारी दिए।

Comments

Post a Comment

ताजा समाचार

गहवामाई रथ यात्राको क्रममा आधा दर्जन महिलाको गहना चोरी

By -
Image
वीरगंज,१३ असार/ तेस्रो गहवामाई रथ यात्राको क्रममा भीडका लाभ उठाई करिब आधा दर्जनभन्दा बढि महिलाहरुको सुनको गहना चोरी भएको  छ । जिल्ला प्रहरी कार्यालय पर्सामा महिलाहरु पुगेर रथयात्राको क्रममा अपरिचित युवाको समुहले सुनको सिक्री, हनुमान–दुर्गा माताको मालालगायत गहना चोरी भएको भन्दै उजूरी दिएका छन् । वीरगंजकी फूलकुमारी देवी, जुली यादव, श्वेता रानी, रीना देवी, निर्मला कुमारी, रामेश्वरी देवी, मालती देवी, पुनम देवी, शारदा देवीलगायतको गहना चोरी भएको भन्दै उनीहरुले उजूरी दिएको प्रहरीले जनाएको छ । प्रहरीले छानबिन गर्ने क्रममा भारत, बिहार, पश्चिम चम्पारण बगाहा बिशुनपुर्वाकी जयमति हरिजनलाई पक्राउ गरिएको जिल्ला प्रहरी कार्यालय, पर्साका प्रहरी उपरीक्षक गौतम मिश्रले बताए । उनले अन्य चोर गिरोहको वारेमा पनि छानबिन गरिरहेको जनाएका छन् । 
Read more

कांग्रेसलाई कमजोर बनाउन एमाले सक्रिय –महर

By -
Image
वीरगंज, १२ असार । नेपाली कांग्रेसका केन्द्रिय सदस्य नैनसिंह महरले एमाले नेतृत्व सरकारले कांग्रेसलाई कमजोर बनाउने षड्यन्त्रमा लागेको आरोप लगाएका छन् । बिहीवार वीरगंजमा नेपाल प्रेस युनियन पर्साले आयोजना गरेको पत्रकार सम्मेलनमा बोल्दै महरले वर्तमान सत्ता गठबन्धन नेकपा एमाले र नेपाली कांग्रेसबीच भएको सात बुँदे सहमतिको आधारमा गठन भएको सरकार जनतामाझ कुनै सकारात्मक प्रभाव नपारेको बताए । नेका शिक्षा विभाग प्रमुख समेत रहेका महरले सरकारले जनतामा उत्साह जगाउने खालका कुनै पनि काम नगरेको हुँदा कांग्रेस पार्टी समेत बदनाम भइरहेको र यसको असरले पार्टी कमजोर बन्दै गएको बताए । महरले १५औं महाधिवेशन तोकिएको समयमा नहुने सम्भावना रहेको र नेतृत्वले पनि महाधिवेशनप्रति गम्भीर चासो नदेखाएको भन्दै सशक्त दबाब सिर्जना गर्न कार्यकर्ता र नेताहरूलाई आहवान गरे । पत्रकार सम्मेलनमा वीरगंज महानगरपालिकाका उपमेयर इम्तियाज आलम, नेपाली कांग्रेसका पूर्व क्षेत्रीय सभापति विजय सर्राफ, प्रेस युनियनका केन्द्रिय सदस्य श्रीराम रायमाझी लगायतको उपस्थिति थियो । प्रेस युनियन पर्साका अध्यक्ष विजय चौहानको अध्यक्षतामा भएको कार्यक्रमक...
Read more