5k website Demo

वीरगंज, १५ कात्तिक । वीरगञ्जको नारायणी अस्पतालमा एमआरआई मेसिन जडान गरिएको करिब ६ महिनापछि सेवा सञ्चालनमा आएको छ । नारायणी अस्पतालले गत चैत महिनामै ३० करोड रुपियाँँमा खरिद गरी एमआरआई मेसिन ल्याएको थियो । यद्यपि प्राविधिक कारणवश मेसिन सञ्चालनमा ल्याउन नसक्दा जडान गरेर पनि प्रयोगविहीन अवस्थामा राखिएको थियो । गत असोज १३ गते अस्पतालको १ सय ३१ औँ स्थापना दिवसमा सङघीय सरकारका स्वास्थ्य तथा जनसंख्या मन्त्री मोहन बहादुर बस्नेतले एमआरआई मेसिनको उदघाटन समेत गरेका थिए । तर प्राविधिक कारणले मेसिन अस्पतालले सञ्चालनमा ल्याउन सकेको थिएन । मङ्गलवारदेखि एमआरआई मेसिन सञ्चालनमा ल्याइ अस्पतालमा पहिलो पटक एमआरआई सेवा शुरू गरिएको अस्पतालका सूचना अधिकारी डाक्टर उदयनारायण सिंहले बताए । पहिलो दिन दुर्ई जना बिरामीको एमआरआई गरिएको जानकारी उनले दिए । नारायणी अस्पतालमा जडान गरी सञ्चालनमा ल्याइएको एमआरआई मेसिन नेपालभरमै उत्कृष्ट र अद्यावधिक मानिएको ७६ च्यानल र थ्री टेस्लाको रहेको उनले बताए । आन्तरिक परीक्षण र विशेषज्ञको टोलीले विशेष तालिम लिएपश्चात मङ्गलवारदेखि एमआरआई मेसिन पूर्ण रूपमा सञ्चालनमा आएको उनले बताए । डाक...

वीरगंज, १५ कात्तिक । वीरगञ्ज पब्लिक कलेज (बिपिसी) मा अध्ययनरत एक छात्रले क्याम्पसकै भवनबाट हाम फालेर आत्महत्याको असफल प्रयास गरेका छन् । कलेजको कक्षा १२ मा अध्ययनरत करिब १८ वर्षीय युवक राजीव महतोले बुधवार बिहान ७ बजेको करिबमा क्याम्पसको तेस्रो तल्लाबाट हाम फालेर आत्महत्याको प्रयास गरेको बुझिएको छ । बाराको विश्रामपुर गाउँँपालिका – ५ नकटुवा निवासी महतोको अहिले वीरगञ्जस्थित नेपाल मेडीसिटी वयोधा अस्पतालमा उपचार भइरहेको पर्साका प्रहरी प्रमुख प्रहरी उपरीक्षक (एसपी) कोमल विक्रम शाहले जानकारी दिए । एसपी शाहका अनुसार महतोको खुट्टा भाँच्चिएको छ भने उनको चिउँडो र हातमापनि गम्भीर चोट लागेको छ । यद्यपि उनी अहिले खतरामुक्त छन् । क्याम्पस प्रमुख हरि तुलाधरका अनुसार छिमेकी एक महिलाले बिहान क्याम्पस भवन पछाडिको खाली जग्गामा महतो लडेको अवस्थामा देखेर शिक्षक र विद्यार्थीहरूलाई खबर गरेकी थिइन् । त्यसपछि क्याम्पसका विद्यार्थी र कर्मचारीले महतोलाई उद्धार गरी नजिकको प्रभु अस्पतालमा पुर्रुयाएका थिए । प्रभु अस्पतालमा उनको उपचार सम्भव नभएपछि थप उपचारका लागि बयोधा अस्पतालमा ल्याइएको तुलाधरले जानकारी दिए । महतो अ...

बारा १४ कात्तिकः   गोली प्रहारबाट हिजो मृत्यु भएका बाल एकता बोर्डिङ स्कुलका प्रिन्सिपल रुपेश सर्राफको मङ्गलवार हिन्दू परम्पराअनुसार दाह संस्कार गरिएको छ । पसहा खोलमा उहाँको अन्तिम संस्कार गरिएको पारिवारिक स्रोतले जनाएको छ । यसअघि एन प्याब्सनका पदाधिकारीले संस्थाको झन्डा ओढाई सर्राफमा श्रद्धाञ्जली अर्पण गरेका थिए ।   मृतक सर्राफको श्रीमतीसहित दुई छोरा छन्  । उहाँलाई श्रद्धाञ्जली अर्पण गर्न ठूलो सङ्ख्यामा शुभचिन्तकहरु कलैया उपमहानगरपालिका वडा नम्बर ६ स्थित उहाँको निवासमा पुगेको थिए । कलैया उपमहानगरपालिकाका प्रमुख  बिनोद साह, नेकपा (माओवादी केन्द्र)का  युवा नेता मुकेश साह, नेपाली कांग्रेसका युवा नेता लुकेश सिहलगायत विभिन्न राजनितिक दलका नेता, नागरिक अगुवा, निजी तथा सामुदायिक बिद्यालयका शिक्षक शिक्षिका, आफन्तजन, पत्रकार, सुरक्षाकर्मीलगायतले सर्राफको पार्थिव शरीरमा श्रद्धाञ्जली अर्पण गरेका थिए ।   उपमहानगरपालिका भित्रका शिक्षक तथा पेशागत बिभिन्न संघ–संगठनहरुले  घटनाको निन्दा गर्दै शोक मनाउने निर्णय गरेका छन् । यस्तै बारा उद्योग वाणिज्य संघले पनि एक विज्ञप्ति जारी गर्दै हत्याको बिरोधमा ब...

वीरगंज, १४ कात्तिक ।  बाराको कलैयास्थित बाल एकता इङ्गलिस बोर्डिङ स्कुलका प्रिन्सिपल रूपेश स्वर्णकारको हत्यामा संलग्न रहेको आशंकामा प्रहरीले एक महिलासहित ६ जनालाई पक्राउ गरेको छ । बाराका प्रहरी प्रवक्ता डिएसपी दधिराम न्यौपानेले तीन जना नेपाली र तीन जना भारतीय नागरिकलाई पक्राउ गरेर अनुसन्धान गरिरहेको जानकारी दिए । पक्राउ पर्नेहरूमध्ये एक जना उनकै विद्यालयमा काम गर्ने पूर्वशिक्षिकासमेत रहेको प्रहरी स्रोतले जनाएको छ । पक्राउ परेकाहरूको नाम भने प्रहरीले खुलाएको छैन । सोमवार दिउँसो दुर्ई वटा मोटरसाइकल चढेर आएका चारजनाको समूहले स्वर्णकारमाथि गोली प्रहार गरेर भागेको प्रहरीको भनाइ छ । टाउको र छातीमा गोली लागेर गम्भीर घाइते भएका स्वर्णकारको उपचारका क्रममा वीरगंजस्थित बयोधा अस्पतालमा मृत्यु भएको थियो । आपसी सम्बन्ध र रिसिबीको कारण स्वर्णकारको हत्या भएको प्रहरीको प्रारम्भिक अनुमान छ । आज रुपेशको शवको अन्त्येष्टि भइरहेको छ । 

वीरगंज, १३ कात्तिक । कान्छी श्रीमतीलाई छुरा प्रहार गर्ने पति र उनको जेठी पत्नीलाई प्रहरीले पक्राउ गरेको छ । फूलपाती दिन कात्तिक ४ गते राती ८ः४५ बजेको समयमा पर्सा वीरगञ्ज महानगरपालिका वडा नं.१४ बहुअरी बस्ने वर्ष ४५ को एजहारूल हक अंसारीले कान्छी श्रीमती वर्ष २८ की महिमा खातुनलाई छुरा प्रहार गरेर फरार भएका थिए । घरायसी विवादका कारण अन्सारीले महिमालाई कुटपिट गर्नुका साथै धारिलो चक्कुले छाती तथा पेटमा प्रहार गरेका थिए । गम्भीर घाइते भई अचेत अवस्थामा महिमालाई उपचारको लागि वीरगञ्ज हेल्थ केयर अस्पताल पुर्याइएको थियो । उनको उपचारको क्रममा कात्तिक ५ गते विहान १०ः३० बजे मृत्यु भएको थियो । अन्सारीको दुर्ई वटा श्रीमती रहेको र कान्छी श्रीमती महिमा खातुनलाई घरायसी विवादका कारण ससुरा वर्ष ६५ को फजल करिम मियाँँ, सासु आमा वर्ष ६३ की सरिफन खातुन र सौता वर्ष ३८ की नुरजहान खातुन समेतले कुटपिट गरेका थिए । सोही क्रममा अभियुक्त एजहारूल हकले धारिलो हतियार छुरा प्रहार गरेको जिल्ला प्रहरी कार्यालय, पर्साले जनाएको छ । प्रहरीले एजारुलको जेठी श्रीमती ३८ वर्षीया नुरजहान खातुनलाई पनि पक्राउ गरेको छ । पक्राउ परेका...

वीरगंज, १३ कात्तिक ।   अज्ञात समूहको गोली प्रहारबाट घाइते भएका कलैया निवासी रूपेश स्वर्णकारको मृत्यु भएको छ ।   अज्ञात समूहको गोली प्रहारबाट गम्भीर घाइते भएका स्वर्णकारको वीरगंजको गण्डक स्थित नेपाल मेडिसिटी बयोधा अस्पतालमा उपचारको क्रममा मृत्यु भएको प्रहरीले जनाएको छ । स्वर्णकारमाथि २ राउण्ड गोली प्रहार गरिएको थियो । मदर्सा टोलमा स्वर्णकारमाथि गोली प्रहार गरिएको थियो । बारा प्रहरीका अनुसार स्वर्णकारको टाउको र छातीमा गोली प्रहार भएको थियो छ । अन्दाजी ३५ वर्षीय स्वर्णकार कलैया ६ का बासिन्दा रहेको बारा प्रहरी प्रमुख सुरेश काफ्ले जनाए । स्वर्णकारले कलैयामा बाल एकता बोर्डिङ सञ्चालन गरेका छन् ।

वीरगंज, १३ कात्तिक । बाराको कलैयामा एक निजी विद्यालयका प्रधानाध्यापकमाथि गोली प्रहार भएको छ । अज्ञात समूहद्वारा कलैया निवासी रूपेश स्वर्णकारमाथि २ राउण्ड गोली प्रहार भएको बारा प्रहरीले जनाएको छ । बाल एकता बोर्डिङ स्कुल नजिकै मदर्सा टोलमा स्वर्णकारमाथि गोली प्रहार भएको स्रोतको भनाइ छ । बारा प्रहरीका अनुसार स्वर्णकारको टाउँको र छातीमा गोली प्रहार गरिएको छ । गोली प्रहार भएपछि उनलाई उपचारका लागि एलएस न्यूरो अस्पताल लगिएको प्रहरीले जनाएको छ । अस्पताल स्रोतका अनुसार स्वर्णकारको अवस्था चिन्ताजनक रहेको छ । अन्दाजी ३५ वर्षीय स्वर्णकार कलैया ६ का बासिन्दा हुन् । स्वर्णकारले कलैयामा बाल एकता बोर्डिङ सञ्चाल गरेका छन् । घटनास्थलमा प्रहरी पुगेको र गोली प्रहार गर्ने अज्ञात समूहको खोजी भइरहेको बारा प्रहरी प्रमुख सुरेश काफ्लेले जनाए।

वीरगंज, १३ कात्तिक । जिल्ला प्रहरी कार्यालय, बाराले गुणस्तरहीन हार्पिक र अनुमति नै नलिई मोबिल र एसिड बनाउने बनाउने कारखानामा छापामारी गरी सञ्चालकलाई नियन्त्रणमा लिएको जनाएको छ । बाराको कलैया उमनपा वडा न. ३ मा बस्ने सीताराम प्रसाद साहले वडा नं. ४ मा सञ्चालन गरेको शुरुती केमिकल उद्योगमा छापामारी गरेको थियो । सो उद्योगबाट गुणस्तरहीन हार्पिक र अनुमतिप्राप्त नगरी मोबिल र एसिड उत्पादन गरेको आरोपमा साहलाई पक्राउ गरेको बारा प्रहरीले जनाएको छ । उनको उद्योगबाट हार्पिक, मोबिल र एसिड बनाउने विभिन्न केमिकल, मेशिन र भाडाहरु नियन्त्रणमा लिएको जिप्रका, बाराले जनाएको छ ।  

वीरगंज, १३ कात्तिक । बारा प्रहरीले बढी परिमाणमा गिट्टी, बालुवा लोड गरेको सातवटा टिपरलाई नियन्त्रणमा लिई कारबाइ प्रक्रिया अगाडि बढाएको छ । आइतवार राति ८ः३० बजे जितपुरसिमरा उमनपा. वडा नं. १६ बाट प्रहरीले सातवटा गिट्टी, बालुवा लोड भएको टिपरलाई नियन्त्रणमा लिएको जिल्ला प्रहरी कार्यालय, बाराले जनाएको छ । प्रहरीले बिलभन्दा बढी परिमाणमा गिट्टी बालुवा लोड गरेको आरोपमा प्र.२–०३–००१.ख.७०८३, प्र.२–०३–००१ ख ६०३९, ना.८.ख.२३७९, ना.५ख ७२७९, ना.८ ख ४५२४, प्र.२–०३–००१ख ५९०४, प्र.२–३–००१ख ५५१४ न.को टिपरलाई नियन्त्रणमा लिएको जिप्रका, बाराले जनाएको छ । 

जनकपुर, १२ कार्तिक/ सर्लाहीको कबिलासी नगरपालिका–९ भलुवाहाबाट २ सय ५० किलो गाँजासहित दुर्ई जना पक्राउ परेका छन। शनिवार राती ९ बजे कविलासी नगरपालिका–९, सलेमपुरबाट भलुवाहा हुँदै गम्हरिया ल्याउँदै गरेको अवस्थामा प्रहरीले गाँजा बरामद गरेको छ। ज १ त ५५५१ नम्बरको ट्याक्टरमा लोड गरी गाँजा ल्याउँदै गरेको अवस्थामा झिम नदी किनारबाट कविलासी नगरपालिका–१० का २८ वर्षीय ट्याक्टर चालक भाग्य नारायण महतो र सोही स्थानका २४ वर्षीय रवि भनेर चिनिने रवीन्द्र राय रहेका जिल्ला प्रहरी कार्यालय सर्लाहीका प्रहरी उपरीक्षक प्रवीण धितालले बताए। प्रहरीले आइतवार पत्रकार सम्मेलन गरी पक्राउ परेका व्यक्तिहरू सार्वजनिक गरेको हो। बरामद गरिएका गाँजाको अन्दाजी मूल्य ३० लाख रहेको उनले बताए।

जनकपुर, १२ कार्तिक । मोवाइलको विवादका कारण जनकपुरधाममा एक युवकको ज्यान गएको रहस्य खुलेको छ । जनकपुरधाम उपमहानगरपालिका वडा नम्बर २४ स्थित सोनापारा बस्ने २४ वर्षीय रूपेश महराको हत्या लागुऔषध सेवन गरी मोवाइलको विषयमा विवाद हुदाँ भएको विवादका कारण भएको हो । उनको हत्या जनकपुरधाम सोनापाडा बस्ने २० वर्षीय पवन सहनी र हरिचन मण्डलले गरेको धनुषा प्रहरीले जनाएको छ । हत्याको आरोपमा प्रहरीले दुवै जनालाई पक्राउ गरेको छ । वितेको बिहीवार जनकपुरधाम उपमहानगरपालिका वडा नम्बर २३ स्थित बेलामा रहेको धान खेतमा रूपेशको शव धनुषा प्रहरीलाई फेला परेको थियो । घटनास्थलमा अनुसन्धानका लागि धनुषा प्रहरीले 'डग' टोलीसमेत परिचालन गरेको थियो । धनुषाका प्रहरी उपरीक्षक विश्वराज खड्काले तीनैजना लागूऔषध सेवन गरेपछि मोबाइलको विषयमा समान्य विवाद भएको र सोही कारण पवन र हरिचनले रूपेशको टाउकोमा बाँसको भाटा प्रहार गरी हत्या गरी धान खेतमा शव फालेको बताए । उनले बाँसको भाटा प्रहार गरेर घाइते अवस्थामा छाडेर गएपछि रूपेशको मृत्यु भएको हुन सक्ने प्रारम्भिक अनुसन्धानबाट खुलेको बताए । उनीहरू बुधवार टेम्पो चढेर जटही हुँदै भारतप...

वीरगंज, १२ कार्तिक । पर्सा प्रहरीले एकथान हतियारसहित दुई जनालाई पक्राउ गरेको छ । विशेष सूचनाको आधारमा जाँच गर्दा पर्सा प्रहरीले एकथान नलकटुवा पेस्तोलसहित २ जनालाई पक्राउ गरेको हो । पर्सा प्रहरीले दुबैजनालाई गएको ५ गते वीरगंजको दुर्ई बेग्लाबेग्लै स्थानबाट पक्राउ गरेको थियो । प्रहरीमा आएको सूचनाको आधारमा वीरगंज महानगरपालिकाको वडा नम्बर २६ सुगौलीका सरफराज अन्सारी र साहिल अन्सारीलाई पक्राउ गरेको जनाएको छ । प्रहरीले शुरूमा वीरगंजको छपकैयाँबाट एकथान नलकटुवा पेस्तोलसहित साहिल अन्सारीलाई पक्राउ गरेको थियो । पक्राउ परेका साहिलले गरेको बयानको आधारमा थप सरफराजलाई पक्राउ गरिएको जनाइएको छ । पक्राउ परेका दुबैजनालाई जिल्ला प्रहरी कार्यालय पर्साको हिरासतमा राखी थप अनुसन्धान भइरहेको पर्साका एसपी कोमलविक्रम शाहले जनाए । प्रहरी हिरासतमा रहेका दुबै जनामाथि हातहतियार तथा खरखजना मुद्दामा अनुसन्धान म्याद थप भइ अनुसन्धान चलिरहेको पर्सा प्रहरीले जनाएको छ । पक्राउ परेका दुबैजनालाई सार्वजनिक गर्ने प्रहरीको तयारी रहेको स्रोतले जनाएको छ ।

वीरगंज, १२ कात्तिक । वनभोज मनाएर फर्केको बस सिमरामा दुर्घटना हुँदा एकजनाको मृत्यु भएको छ भने ११ जना घाइते भएका छन् । चितवनबाट वीरगंजतर्फ जाँदै गरेको ना ७ ख ४७४९ नं. को बसले मोटरसाइकललाई बचाउने क्रममा अनियन्त्रित भई दुर्घटना हुँदा एकजनाको मृत्यु भएको छ भने ११ जना घाइते भएका हुन् । शनिवार राति १० बजे बारा, जितपुरसिमरा उपमहानगरपालिका–२ सिमरा चोकमा सो बस दुर्घटना भएको थियो । दुर्घटनामा परी भारत, मोतिहारी जिल्ला पोखरीया पपरीया ढाका किरैया घर भई जिल्ला पर्सा, वीरगंज महानगरपालिका–७ बस्ने  वर्ष २७ को मुकेश साहको मृत्यु भएको छ भने कलैया उमनापा–२० बस्ने वर्ष ४५ को विर बहादुर महतो, वीरगंज–८  बस्ने वर्ष ३० को सुरज साह कानु, वर्ष १८ की प्रिया गुप्ता, वर्ष १६ की मनिषा साह, वडा नं. १२ बस्ने सुनिल कुमार गुरूड्ढो छोरी वर्ष २३ की सेजल गुरूङ, वडा नं. ८ बस्ने वर्ष ५२ को ललन चौरसिया, वडा नं. १२ बस्ने वर्ष २७ को राजन कुमार गुप्ता, वडा नं. ८ बस्ने वर्ष २८ को मोहन साह कानु, कलैया उ.म.ना.पा. ७ बस्ने वर्ष १८ को प्रसाद गुप्ता, वडा नं. ७ बस्ने वर्ष ३५ को अविनाश गुप्ता, जितपुरसिमरा उ.म.ना.पा. वडा नं. २ बस्ने नविन ...

वीरगंज, १० कात्तिक । अष्टमीको राति वीरगंज महानगरपालिका–७ का वडाअध्यक्ष हीराकाजी महर्जनलाई प्रहरीले कुटपिट गरेको भन्दै नेपाली कांग्रेस पर्साले जिल्ला प्रशासन कार्यालयमा ज्ञापन पत्र बुझाउँदै सात दिने अल्टिमेटम दिएको छ । कांग्रस पर्साका कार्यबाहक सभापति रामनारायण कुर्मीको अगुवाइमा कारबाईको माग गर्दै प्रमुख जिल्ला अधिकारी हिरालाल रेग्मीलाई ज्ञापनपत्र बुझाइएको हो । ज्ञापन पत्रमा वडाअध्यक्ष महर्जनले दुर्गा पुजा आराधना गरिरहेका थिए, तर प्रहरी नायब निरीक्ष्Fक रवीन्द्र साहले दुर्गा पुजालाई बन्द गर्न चेतावनी दिएका थिए । वडाअध्यक्षले धार्मिक कार्यमा अवरोध नगर्न आग्रह गरे, तर त्यो आग्रहलाई बेवास्ता गरी प्रहरीले वडाअध्यक्ष महर्जनलाई कुटपिट गर्यो । जसबाट उनको आँखामा चोट लाग्यो ।' वडाअध्यक्ष महर्जन अहिले उपचारको क्रममा नै रहेको जनाउँ गर्दै कांग्रेस पर्साले कुटपिट गर्ने प्रहरी चौकीका इन्चार्ज रवीन्द्र साह तुराहालाई कारबाईको माग गरेको हो । नगवा प्रहरी चौकीका इन्चार्ज तुराहालाइ सात दिनभित्र कारबाई नगरिए चरणबद्ध आन्दोलन गर्ने कांग्रेस पर्साले ज्ञापन पत्रमार्पmत चेतावनी दिएको छ । ज्ञापन पत्र बुझ्दै पर...

वीरगंज, १० कात्तिक । पर्साको पकहामैनपुर गाउँपालिकामा एक जनाको शव भेटिएको छ ।  पकहानमैनपुर गाउँँपालिकाको खेस्रहामा अन्दाजी ५० वर्षीय पुरूष मृत अवस्थामा फेला परेको पर्सा प्रहरीले जनाएको छ । आज बिहान खेतमा काम गर्न गएको बेला ती पुरूष मृत अवस्थामा फेला परेको इलाका प्रहरी कार्यालय पोखरियाले जनाएको छ । स्थानीयले खेतमा ती पुरूषलाई मृत अवस्थामा देखेपछि प्रहरीलाई खबर गरेको थियो । यही सूचनाको आधारमा प्रहरी घटनास्थलमा पुगेको इलाका प्रहरी कार्यालय पोखरियाका प्रहरी निरीक्षक मोहनविक्रम केसीले जनाए । उनका अनुसार अहिलेसम्म मृत्युको कारण खुल्न छैन । फेला परेको शव पोष्टमार्टमका लागि नारायणी अस्पतालमा लैजाने तयारी भइरहेको प्रहरीले जनाएको छ । फेला परेको शव उठाउन घटनास्थलमा प्रहरी पुगेर मुचुल्का उठाइरहेको प्रहरीले जनाएको छ । प्रहरीका अनुसार अहिलेसम्म फेलाको शवको सनाखत हुन सकेको छैन ।

जनकपुर १० कात्तिक  । जनकपुरधाममा बरामद युवकको शब पहिचान खुलेको छ । बिहिवार धनुषाको जनकपुरधाम उपमहानगरपालिका वडा नम्बर २३ स्थित बेलामा धान खेतमा मृत अवस्थामा फेला शव बरामद भएको थियो । जिल्ला प्रहरी कार्यालय धनुषाले दिएको जानकारी अनुसार मृतकको पहिचान खुलेको हो । उनी जनकपुरधाम उपमहानगरपालिका २४ बसहीया बस्ने फुलगेन महराको अन्दाजी २५ वर्षीय छोरा रूपेश महरा रहेको जनाइएको छ । टाउको, मुख रत्ताम्य अवस्थामा उनी मृत अवस्थामा फेला परेकाले शव र घटनास्थलको प्रकृतिले उनको हत्या भएको हुन सक्ने धनुषा प्रहरीको अनुमान छ । शवको पोस्टमार्टमका लागि प्रादेशिक अस्पताल जनकपुरमा राखिएको छ । भने यता यस घटनाको विषयमा थप अनुसन्धान भइरहेको धनुषा प्रहरीले जनाएको छ ।

१० कात्तिक, जनकपुरधाम । महोत्तरीमा एक युवकको हत्या भएको छ । पिपरा गाउँपालिका- ५ हर्दियाटोलका  १९ वर्षीय आशिक पासवानको हत्या भएको हो । हत्या भएको अवस्थामा आशिकको शव बिहीबार साझ स्थानीय जगदिश शाहको खेतमा फेला परेको थियो । दुर्गा मेलामा भएको विवादको निहुमा स्थानीय दुई  युवकले मिलेर छुरा प्रहार गरी उनको हत्या गरेको जिल्ला प्रहरी कार्यालय महोत्तरीका प्रवक्ता डीएसपी दिलीपकुमार गिरीले जानकारी दिए । हत्यामा संलग्न आरोपमा दुवै युवकलाई पक्राउ पनि गरिएको डीएसपी गिरीले बताए । घटनास्थलको मुचुल्का गरी आशिकको शव पोस्टमार्टमको लागि प्रादेशिक अस्पताल जलेश्वरमा राखिएको छ । पक्राउ गरिएका दुवै युवकको अहिले नाम खुलाइएको छैन । आज पत्रकार सम्मेलन गरी प्रहरीले घटनाको विस्तृत विवरण सार्वजनिक गर्ने डिएसपी गिरीले बताए । 

वीरगंज, १० कात्तिक/ जग्गाको विवाद बढेर झगडा हुँदा पर्सामा एकजना महिलाको मृत्यु भएको छ । मृत्यु हुनेमा छिपहरमाई गाउँपालिका–२ भेडिअर्वाकी ५० वर्षीया रीतादेवी रहेकी छन् । उनको गत सोमवार राति उपचारको क्रममा एलएस न्युरो अस्पतालमा मृत्यु भएको र गत मङ्गलवार शल्यपरीक्षण गरी दाहसंस्कार गरिएको परिवारजनले बताएका छन् । स्थानीय धनई बरईका छोरा सन्दीप बरई, आफन्तजनक दिनेश बरई, रमेश बरई, मुनीलाल साह कानूलगायतले रीतालाई कुटपिट गरेका थिए । रीतालाई सन्दीपले बाँसको फाटाले प्रहार गर्दा उनको टाउकोमा गम्भीर चोट लागेको थियो । सो झगडामा रीताका पति शम्भुराउत अहिर, ज्वाइँ सखुवाप्रसौनी गापा–४ देउरवाना बस्ने ३१ वर्षीय विनोदराय यादव, छोरी २८ वर्षीया सुनीता देवीलगायत घाइते भएका थिए । पर्सा प्रहरीले अहिले धनईलाई हिरासतमा लिएर अनुसन्धान गरिरहेको छ । प्रहरी चौकी टिउकीको लापरवाहीका कारण कुटपिटमा संलग्न अभियुक्तहरू फरार भएका पीडित पक्षको आरोप छ ।

वीरगंज, १० कात्तिक/ सर्पदंशबाट पर्सामा एकजना वृद्धको मृत्यु भएको छ । मृत्यु हुनेमा बहुदरमाई नगरपालिका–९ विश्रामपुर बस्ने ७५ वर्षीय दरोगा राउत कुर्मी रहेका छन् । गत अष्टमीको राति १२ः३० बजे उपचारको क्रममा नारायणी अस्पताल वीरगंजमा उनको मृत्यु भएको थियो । सोही राति ८ः३० बजे छिमेकी रमेश कलवारको घरमा निस्केको सर्पलाई समात्न जाँदा सर्पले उनलाई टोकेको थियो । कुर्मी गरुड वर्ण भएको भन्दै यसअघि पनि घरमा निस्किने सर्पलाई समातेर बाहिर फाल्ने गर्थे । सर्प निस्किएको थाहा पाएपछि कलवार परिवारले उनलाई बताएपछि सर्प समात्न खोज्दा उनको बायाँ हातमा सर्प बेरिएर बसेको थियो । सार्वजनिक बिदाका कारण राति उनलाई अस्पताल ल्याउन ढिला भएको र अस्पतालमा उपचारको क्रममा उनको मृत्यु भएको परिवारजनले बताएका छन् । उनको मृत्यु भएपछि वडाध्यक्ष एवं नगरप्रमुखले बेवास्ता गरेको आरोप लगाइएको छ । निकै गरीब परिवारका कुर्मीका दुईजना छोरा र पत्नी छन् । उनको ११ धुर जग्गाबाहेक अरू केही नहुँदा उनको काजक्रिया गर्न पनि समस्या भएको छ ।

मकवानपुर, ९ कात्तिक । मकवानपुरको हेटौँडा–१५ स्थित रातोमाटेमा हाइड्रा क्रेन दुर्घटना हुँदा एक जनाको मृत्यु भएको छ । आज बिहान पौने ६ बजे रातोमाटेस्थित पूर्व पश्चिम सडकखण्डमा चुरियामाइतर्पmबाट हेटौँडातर्प आउँदै गरेको ना१क ६०५५ नको हाइड्रा क्रेन आफैँ अनियन्त्रित भई सडकको छेउमा पल्टिदा घाइते भएका विश्रामपुर बस्ने वर्ष १८ का सहचालक विपिन महत्तोलाई उपचारको लागि हेटाँैडा अस्पताल पठाएकोमा चिकित्सकले मृत घोषणा गरेको  प्रहरी उपरीक्षक एवं प्रहरी प्रवक्ता लक्ष्मी भण्डारीले  बताउनुभयो । क्रेनले च्यापिएको अवस्थामा  रहेका उनलार्ई स्थानीयवासीको सहयोगमा निकालिएको थियो । पर्सा जिल्ला वीरगञ्ज महानगर पालिका ३० लालपर्सा बस्ने वर्ष ३० का चालक दशरथ पासवान भने सामान्य घाइते भएको उहाँले जानकारी दिनुभयो ।

वीरगंज, ९ कात्तिक । छाडा भैंसीको ठक्करबाट पर्साको  जगरनाथपुर गाउँपालिका–४ हरपुरमा एकजनाको मृत्यु भएको छ । जीराभवानी गाउँपालिका–५ बस्ने धनेश महतो र सङ्गीतादेवी भारतीय नम्बरको मोटरसाइकलमा जाँदा गर्दा सडकमा चरिरहेको भैंसी र राँगासँग ठोक्किदा उनीहरुलाई गम्भीर चोट लागेको थियो । भैंसीको ठक्करबाट गम्भीर घाइते भएका धनेशको एसएल न्युरो अस्पतालमा उपचारको क्रममा मृत्यु भएको छ भने उनको पत्नी सङ्गिताको उपचार भइरहेको पर्सा प्रहरीले जनाएको छ । 

५ कार्तिक २०८०, आईतवार रौतहट । पूर्व पश्चिमराजमार्गसँग जोडिएको चन्द्रपुर नगरपालिकामा जंगली हात्तीको आक्रमणबाट महिलाको मृत्यु भएको छ । अरु २ जना घाइते भएका छन् । उद्धार गर्न गएका २ प्रहरीलाई समेत चोटपटक लागेको छ। चन्द्रपुर–५ स्थित राजपैडाकी ५५ वर्षीया मनिया धामीको जंगली हात्तीको आक्रमणबाट मृत्यु भएको डिभिजन वन कार्यालय रौतहटका प्रमुख शैलेन्द्र कुमार मिश्रले बताए । शनिबार साँझ घाँस लिन चाँदी खोला पारी रामलाल वृन्दावन साझेदारी वनमा गएकी धामीको हात्तीको आक्रमणबाट घटनास्थलमै मृत्यु भएको मिश्रले जानकारी दिए । उनीसँगै घाँस लिन गएकी ५३ वर्षीय अघनिया देवी चौधरी र ६० वर्षीय पनावती देवी घाइते भएकी छन् । आज बिहान मात्र सेना प्रहरी वन कर्मचारी र स्थानीयको सहयोगमा मृतक महिलाको शव वरामद गरिएको इलाका प्रहरी कार्यालय चन्द्रनगाहपुरका प्रमुख डिएसपी एकनारायण कोइरालाले बताए ।

 कात्तिक ५, २०८० आइतबार ८:२३:४८ | काठमाण्डाै - बिहान धादिङ केन्द्रबिन्दु भएर ६ दशमलव १ रेक्टरस्केलको भूकम्प गएपछि पटक-पटक परकम्प गइरहेको राष्ट्रिय भूकम्प मापन केन्द्रले जनाएको छ । बिहान ७ बजेर ३९ मिनेटमा धादिङको खरी आसपास केन्द्रबिन्दु भएर ६ दशमलव १ रेक्टरस्केलको भूकम्प गएको वरिष्ठ भूकम्पविद् डाक्टर लोकविजय अधिकारीले जानकारी दिनुभयो । उहाँका अनुसार यो भूकम्पपछि लगातारजसो परकम्प गइरहेका छन् । थप ठूलो धक्कासमेत आउन सक्ने जोखिम रहेकाले सतर्कता अपनाउन  उहाँको आग्रह छ । भूकम्प प्रभावित क्षेत्रका बासिन्दालाई खुलाचौरमा बस्न उहाँको अनुरोध छ । बिहान भूकम्प गएपछि धादिङका धेरै ठाउँका बासिन्दा घर बाहिर निस्किएका थिए । अहिले आफूहरु खुला ठाउँमा बसिरहेको धादिङको मछेडिखोलाकी शुभद्रा गौतमले जानकारी दिनुभयो । भूकम्पको धक्का काठमाण्डौ उपत्यका आसपासका क्षेत्रमा समेत महसुस भएको थियो । भूकम्पका कारण क्षति भए नभएकाेबारे विवरण आउन बाँकी छ । यसअघि गएको असाेज महिना बझाङ केन्द्रबिन्दु बनाएर पटक-पटक भूकम्प गएको थियो  । गएको २ गते राति बझाङ सदरमुकाम चैनपुर आसपास केन्द्रबिन्दु बनाएर ४ दशमलव ६ रेक्टरस्केलको भूकम्प ग...

वीरगंज, ३ कार्तिक । वीरगंज महानगरमा एकै दिनमा चार वटा मोटरसाइकल चोरी गरेको आरोपमा एकजना युवक पक्राउ परेका छन् । वीरगंजको विभिन्न स्थानबाट चारवटा मोटरसाइकल चोरी गरेको आरोपमा प्रहरीले रौतहटको कटहरिया नगरपालिका वडा नम्बर  ८ घर भई हाल वीरगंज महानगरपालिका  वडा नम्बर १६  बस्ने ३२ वर्षीय अजय गोसाईंलाई बिहीवार पक्राउ गरेको  हो । गोसाईंले एक दिनमा चार वटा मोटरसाइकल चोरी गरेको वडा प्रहरी कार्यालय वीर्ताका प्रहरी निरीक्षक पुष्कर बोगटीले जानकारी दिए । वीरगंजमा दसैंमा  लागेको रात्रि बजार घुम्न आएकाहरूको मोटरसाइकल गोसाईंको समूहले चोरी गरेको बोगटीले बताए । उनका अनुसार गोसाईंको समूहले ती मोटरसाइकलहरू चोरी गरेर नारायणी अस्पतालको पार्किङमा लुकाएर राखेको थियो । 'गोसाईंको समूहले एउटा मोटरसाइकल चोरी गर्ने, त्यसलाई लगेर नारायणी अस्पतालको पार्किङमा लुकाउने अनि फेरी आएर अर्काे चोरी गर्ने गरेको थियो,' बोगटीले भने । प्रहरीले चोरी भएको प्रदेश – ०२ – ०२३ – ०२२ प ९२७२, ना. २६ प ५८५३, ना ६४ ३८०६ र ना. ५४ प ४७२४ मोटरसाइकल समेत बरामद गरेको छ । गोसाईंलाई नियन्त्रणमा लिएर अनुसन्धान अगाडि बढाइएको र उनको समूहका अ...

वीरगंज, ३ कार्तिक । वीरगंज महानगरमा एकै दिनमा चार वटा मोटरसाइकल चोरी गरेको आरोपमा एकजना युवक पक्राउ परेका छन् । वीरगंजको विभिन्न स्थानबाट चारवटा मोटरसाइकल चोरी गरेको आरोपमा प्रहरीले रौतहटको कटहरिया नगरपालिका वडा नम्बर  ८ घर भई हाल वीरगंज महानगरपालिका  वडा नम्बर १६  बस्ने ३२ वर्षीय अजय गोसाईंलाई बिहीवार पक्राउ गरेको  हो । गोसाईंले एक दिनमा चार वटा मोटरसाइकल चोरी गरेको वडा प्रहरी कार्यालय वीर्ताका प्रहरी निरीक्षक पुष्कर बोगटीले जानकारी दिए । वीरगंजमा दसैंमा  लागेको रात्रि बजार घुम्न आएकाहरूको मोटरसाइकल गोसाईंको समूहले चोरी गरेको बोगटीले बताए । उनका अनुसार गोसाईंको समूहले ती मोटरसाइकलहरू चोरी गरेर नारायणी अस्पतालको पार्किङमा लुकाएर राखेको थियो । 'गोसाईंको समूहले एउटा मोटरसाइकल चोरी गर्ने, त्यसलाई लगेर नारायणी अस्पतालको पार्किङमा लुकाउने अनि फेरी आएर अर्काे चोरी गर्ने गरेको थियो,' बोगटीले भने । प्रहरीले चोरी भएको प्रदेश – ०२ – ०२३ – ०२२ प ९२७२, ना. २६ प ५८५३, ना ६४ ३८०६ र ना. ५४ प ४७२४ मोटरसाइकल समेत बरामद गरेको छ । गोसाईंलाई नियन्त्रणमा लिएर अनुसन्धान अगाडि बढाइएको र उनको समूहका अ...

काठमाडौँ, ३ कात्तिक :  इजरायल-प्यालेस्टिन द्वन्द्व र अमेरिकी डलरको विनिमय दर थप मजबुत भएका कारण विश्वबजारमा यस साता सुनको मूल्यमा उच्च अङ्कले वृद्धि भएको छ । विश्वव्यापीरुपमा भएको मूल्यवृद्धिको प्रभाव आन्तरिक बजारमा समेत परेको छ । नेपाली बजारमा पनि यो साताको पहिलो दिन आइतबार प्रति १० ग्राम रु ९६ हजार आठ सय ८० रहेको सुनको मूल्य साताको अन्तिम कारोबार भएको दिन आज शुक्रबार प्रति १० ग्राम रु ९९ हजार २५ मा पुगेको छ । जुन साताको पहिलो दिनको तुलनामा अन्तिम दिन प्रति १० ग्राम रु दुई  हजार एक सय ४५ ले बढी हो । इजरायल–प्यालेस्टिन द्वन्द्वको प्रभाव र अमेरिकी डलरको विनिमय दरमा भएको वृद्धिका कारण लगानीकर्ता सुरक्षित लगानीका रुपमा सुनतर्फ आकर्षित भएका कारणले सुनको मूल्य वृद्धिमा चाप परेको बताइएको छ । दुई साता अघिसम्म निरन्तर बढेको सुनको मूल्य त्यसयता अमेरिकी डलरको विनिमय दर लगभग स्थिर बन्दै गए पछि केही दिन घटेको थियो । द्वन्द्वका कारण कच्चा तेलको मूल्यमा समेत उतारचढाव आई त्यसको प्रभाव सुनको मूल्यमा समेत पर्नसक्ने विश्लेषकको अनुमान छ । यस्तै यस साता नेपाली बजारमा चाँदीको मूल्य पनि बढेको छ । साताको...

वीरगंज, ३ कात्तिक । जिल्ला प्रहरी कार्यालय बारा, कलैयाले पत्रकार हुँ भनी अफवाह फैलाउने नक्कली पत्रकार पक्राउ गरेको जनाएको छ । दर्ता नै नभएको अनलाइन न्युज पोर्टल नामक फेसबूक पेज प्रयोग गरी विभिन्न पत्रकार तथा प्रहरीको चरित्रहत्या गर्ने मनसायले झुटा, कपोकल्पित र भ्रामक विषयहरू प्रकाशन गरेको तथा दशै खर्च माग गरेको उजुरीको आधारमा वीरगंज महानगरपालिका–१० अशोकवाटिका बस्ने वर्ष २६ को रवि कुमार वर्णवाललाई मिति प्रहरीले पक्राउ गरेको सूचना अधिकारी प्र.ना.उ. दधिराम न्यौपाने जानकारी गराएका छन् । यसैगरी जिल्ला प्रहरी कार्यालयको नाउँमा रकम उठाएको आरोमपा एकजनालाई पक्राउ गरेको प्रवक्ता न्यौपानेले बताए । कलैया–१० मटिअर्वा नाकाबाट अवैध रूपमा कर छली गरी एलइडी भिœयाउने उद्देश्यले जिल्ला प्रहरी कार्यालय बारामा कार्यरत एसपी र डिएसपीको नाममा तस्करसँग रकम सङ्कलन गरेको अभियोगमा मटिअर्वा वस्ने वर्ष ३७ को मनोज कुमार सहनीलाई पक्राउ गरेको प्रवक्ता न्यौपानेले बताएका छन् ।  

वीरगंज, ३ कात्तिक । जिल्ला प्रहरी कार्यालय, बाराले २५ किलो गाँजा बरामद गरेको छ । कात्तिक १ गते राति बारा, वडा न. ०७ सनफुलवामा नेपाल प्रहरी र सशस्त्र प्रहरीबाट खटिएको संयुक्त गस्ती टोलीले गस्ती जाने क्रममा चारपाँच जना पुरूषले प्रहरी टोली देख्ने बितिकै गाँजा फालेर भारततर्फ फरार भएका छन् । प्रहरीले गाँजाको झोलाबाट ५ किलोको दरले २५ किलो गाँजा बरामद गरि जिप्रका, बाराका प्रवक्ता प्रनाउ दधिराम न्यौपानेले बताएका छन् ।

वीरगंज, ३ कात्तिक । पर्साको पश्चिमी ग्रामिण भेगमा पर्ने प्रहरी चौकी भिस्वाको भौतिक निर्माण तथा मर्मत सम्भार गरिएको छ । लामो समयदेखी मर्मत सम्भारको पखाई रहेको प्रहरी चौकी भिस्वाको भौतिक निर्माण तथा मर्मत सम्भार गरिएको हो । ईलाका प्रहरी कार्यालय पोखरिया मातहत पर्ने प्रहरी चौकी भिस्वाका इन्चार्ज प्रहरी सहायक निरिक्षक (सई) रुद्र भट्टले आफ्नो व्यक्तिगत लगानी तथा स्थानीय दात्ताहरुको सहयोगमा सो प्रहरी चौकीको भौतिक निर्माण तथा मर्मत सम्भार कार्य गराएका छन् । लामो समयदेखी जीर्ण प्रहरी चौकी भवनको चाडपर्व लक्षित सरसफाईलाई प्राथमिकता दिदै सई भट्टको सक्रियतामा प्रहरी चौकीमा नयाँ सौचालय निर्माण, प्रहरी चौकी परिसरमै मन्दिर निर्माण, इलेक्ट्रिक वाइरिङ्ग, कम्पाउण्ड ढलान, प्रहरी चौकी परिसरको पर्खालको मुख्य गेट निर्माण लगायतका कार्य  गरिएको छ ।

काठमाडौँ, २ कात्तिक :  राजधानीमा जारी त्रिकोणात्मक ट्वान्टी–२० क्रिकेट सिरिजमा नेपालले हङकङलाई ६ विकेटले पराजित गरेको छ । हङकङले प्रस्तुत गरेको ९५ रनको विजयी लक्ष्य पच्छ्याएको नेपालले १३ दशमलव ५ ओभरमा ४ विकेट गुमाउँदै पूरा गर्यो । यो जितसँगै नेपालले जारी प्रतियोगितामा लगातार दोस्रो जित दर्ता गराएको छ । हिजो भएको पहिलो खेलमा नेपालले संयुक्त अरब इमिरेट्स (युएई) लाई सात विकेटले पराजित गरेको थियो । नेपालका लागि आरिफ शेखले सर्वाधिक ४२ रनको योगदान दिए । उनले ३४ बलमा ६ छक्कासहित ४२ रनको योगदान दिएका हुन् । कप्तान रोहितकुमार पौडेलले अविजित २५ रन बनाए भने गुल्सन झाले अविजित १४ रन जोडे । कुशल भुर्तेल ८ रनमा आउट भए । हङकङका लागि एहशान खानले तीन विकेट लिए भने यासिम मुर्ताजाले एक विकेट झारे । त्यसअघि माथिल्लो मूलपानी क्रिकेट मैदान टस हारेर पहिले ब्याटिङको निम्तो पाएको हङकङ १९ दशमलव ३ ओभरमा सबै विकेट गुमाउँदै ९४ रनमा समेटिएको थियो । हङकङका लागि यासिम मुर्ताजा सर्वाधिक ३६ बनाए । जिशन अलीले १७ रन बनाउनु बाहेक अन्य खेलाडीले दोहोरो अंकमा रन जोड्न सकेनन् । हङकङलाई ९४ रनमा समेट्नेक्रममा नेपालका करण के...

वीरगञ्ज, २ कात्तिक : विजयादशमी सुरु भएसँगै यतिबेला सीमावर्ती भारतीय बजार रक्सौलमा नेपाली ग्राहकको भीड बढ्न थालेको छ भने वीरगञ्ज बजारमा भने खासै भीड देखिएको छैन् । नेपाली बजारभन्दा भारतीय बजारमा पूजापाठ, खाद्यान्नलागयतका दैनिक उपभोग्य सामग्री सस्तो पाइने भएकाले जिल्लाका विभिन्न ठाउँबाट स्थानीयवासीले दसैँका अवसरमा उपभोग्य सामग्री खरिद गर्न भारतीय बजार रक्सौलतर्फ आकर्षित हुने थालेका हुन् । ठूलो सङ्ख्यामा नेपाली अहिले दिनहँुजसो समान खरिद गर्न सीमावर्ती भारतीय बजार रक्सौल आउन थालेपछि यहाँ भीड बढ्न गएको रक्सौलका व्यापारी बताउनुहुन्छ । नेपाली बजारभन्दा भारतीय बजारमा सस्तो दरमा समान पाउने तथा त्यहाँका व्यापारीले नेपाली ग्राहकसँग मृदु व्यवहार गर्ने गरेकाले नेपाली उपभोक्ता दसँैलगायत विभिन्न चाडपर्वमा समान खरिद गर्न सीमापारी भारतीय बजार आउने गरेको रक्सौलमा समान खरिद गरिरहेका नेपाली उपभोक्ता सन्तोषकुमार साहले बताउनुभयो । नेपाली बजारभन्दा भारतीय बजारमा प्रत्येक समानको मूल्य रु १० देखि रु २० सम्म सस्तो हुने भएकाले खरिद गर्न सीमापारी जान्ने गरेको उहाँको भनाइ छ । भारतीय सिमासुरक्षा बल (एसएसवी)का ...

रौतहट  ०१ कार्तिक  । रौतहट स्थित प्रहरी गस्ती टोलीले अवैध काठ बोकेको ट्याक्टरसहित चालकलाई पक्राउ गरेको छ। स्थानीय वृन्दावन नगरपालिका ६ हर्षाहा चौक स्थित इलाका प्रहरी कार्यालय गरुडाबाट गएको टोलीले मंगलबार साँझ काठ लोड रहेको ना ७ त ४३६८ नम्बरको ट्रयाक्टरसहित चालकलाई नियन्त्रणमा लिएको हो। बरामद सालको १६ थान गोलिया काठसहित ट्याक्टर र चालक  चन्द्रपुर नगरपालिका ३ गैंडाटारका वर्ष २५ को सतावन धामीलाई  आवश्यक कारबाहीको लागि डिभिजन वन कार्यालय चन्द्रपुरमा बुझाइएको डिएसपी ओम प्रकाश खनालले जानकारी दिए । बरामद ट्याक्टर सहितको काठको कुल २१ लाख नौ हजार तीन सय छत्तिस रुपैयाँ मूल्याङ्कन गरी बन कार्यालयमा बुझाइएको जिल्ला प्रहरी कार्यालय रौतहटले जनाएको छ।

वीरगंज, १ कात्तिक । जिल्ला प्रहरी कार्यालय बाराले एम्बुलेन्समा गाँजा ओसारपसार गरेको आरोपमा एकजना चालकलाई पक्राउ गरेको छ । अढाइ किलो गाँजासहित भारतीय नागरिक ३२ वर्षीय रामविश्वास पासवानलाई पक्राउ गरेको जिप्रका, बाराले जनाएको छ । बीआर ०५ पिबि ५५२३ नं को भारतीय एम्बुलेन्समा गाँजा ओसारेको आरोपमा पासवानलाई पक्राउ गरिएको प्रहरी उपरीक्षक सुरेश प्रसाद काफ्लेले जानकारी दिए  । बरामद गाँजा, एम्बुलेन्स र चालकलाई प्रहरीले पत्रकार सम्मेलनको आयोजना गरि सार्वजनिक गरेको थियो । महागढीमाई नगरपालिकाको गंजभवानीपुरबाट गाँजासहित पासवानलाई पक्राउ गरिएको प्रउ काफ्लेले बताएका छन् । 

काठमाडौँ, ३० असोज : नेपाल राष्ट्र बैंकले चालु आर्थिक वर्ष २०८०/८१ को पहिलो दुई महिनाको तथ्याङ्कमा आधारित देशको वर्तमान आर्थिक तथा वित्तीय स्थिति सार्वजनिक गरेको छ । राष्ट्र बैंकले सार्वजनिक गरेको आर्थिक अवस्थाको स्थितिअनुसार गत भदौ मसान्तसम्ममा वार्षिक बिन्दुगत आधारमा उपभोक्ता मूल्य सूचकाङ्कमा आधारित मुद्रास्फीति आठ दशमलव १९ प्रतिशत पुगेको छ ।  रकारले चालु आर्थिक वर्षमा मूल्यवृद्धि साढे छ प्रतिशतको वाञ्छित सीमाभित्र राख्ने लक्ष्य राखेको छ ।      राष्ट्र बैंकको गत भदौ मसान्तसम्मको तथ्याङ्कअनुसार मरमसलामा ४५ दशमलव ४६ प्रतिशतसम्म मूल्यवृद्धि देखिएको छ । त्यस्तै, चिनी तथा चिनीजन्य वस्तुमा १७ दशमलव ८६, तरकारीमा १४ दशमलव ५१, खाद्य तथा खाद्यजन्य पदार्थमा १३ दशमलव ३८ र दुग्ध पदार्थ तथा अण्डामा १२ दशमलव ६० प्रतिशत मूल्य बढेको छ । यो अवधिमा घ्यू तथा तेल उप-समूहको वार्षिक बिन्दुगत मूल्य सूचकाङ्क भने १३ दशमलव ०८ प्रतिशतले घटेको छ ।      गैर-खाद्य तथा सेवा समूहअन्तर्गत मनोरञ्जन तथा संस्कृति उप–समूहको वार्षिक बिन्दुगत उपभोक्ता मूल्य सूचकाङ्क १५ दशमलव ५५, विविध वस्तु तथा सेवाहरु १२ दशमलव २१ प्रतिशत,...

काठमाडौँ, ३० असोज : निर्वाचन आयोगले स्थानीय तहबाट नै मतदाता नामावली दर्ता तथा अद्यावधिक गर्ने तयारी गरेको छ । त्यसका लागि आयोगले कार्यविधिको मस्यौदा तयार गरी आगामी कात्तिक मासन्तभित्र राय सुझाव पेस गर्न आग्रह गरेको छ । आयोगका सहप्रवक्ता सूर्यप्रसाद अर्यालका अनुसार मतदाता नामावली दर्ता तथा अद्यावधिक कार्यलाई सरल, सहज र नागरिकको पहुँचयोग्य तुल्याउन तथा मतदाता नामावलीमा थप शुद्धता कायम गर्न स्थानीय तहबाट नै मतदाता नामावली दर्ता र अद्यावधिक गर्ने मस्यौदा तयार भएको हो । मस्यौदामा कुनै स्थानीय तहले आफ्नो केन्द्र वा वडास्तरबाट नाम दर्ता गर्न इच्छुक भई निर्वाचन कार्यालयमार्फत आयोगमा अनुरोध गरेमा स्थानीय तहको भौतिक स्रोत साधन र जनशक्तिको अवस्था हेरी आयोगले अनुमति दिने व्यवस्था गरिएको छ । यसरी अनुमति प्राप्त गरेपछि सम्बन्धित स्थानीय तहको केन्द्र वा वडास्तरमै स्थानीय तहमा कार्यरत कर्मचारीमध्येबाट नाम दर्ता अधिकारी र दर्ता कर्मचारी तोकी मतदाता नामावली दर्ता कार्य प्रारम्भ हुनेछ । कुनै व्यक्तिले मतदाता नामावलीमा नाम दर्ता गराउन चाहेमा अनलाइन प्रणालीमार्फत फारम भरी सम्बन्धित स्थानीय तहबाट जैविक (बाय...

वीरगंज, ३० असोज । हरेक वर्ष वीरगंजको घण्टाघरदेखि आदर्शनगर क्षेत्रमा लाग्ने नवरात्रिको मेलाको मुख्य आकर्षण भनेको ताजा र रसिलो जिलेबी हो । नौं दिनसम्म लाग्ने नवरथा मेलामा वीरगंजको सडक पेटीमा सयौं जिलेबी पसलहरु थापिएका छन् । आर्थिक मन्दीको समयमा पनि उनीहरुको पसलमा जिलेबी किन्नेहरुको कमी हुँदैन । एक पाउ, आधा किलो, एक किलो जिलेबी बिक्री हुने उनीहरुको ग्राहक भनेको पर्सा जिल्लाको ग्रामीण क्षेत्रका बासिन्दा हुन् । गाउँ–गाउँबाट आएका कारीगरहरूले आकर्षक एवं रहरलाग्दा जिलेबी बनाएका छन् । सो ठाउँबाट ओहोरदोहोर गर्नेहरूको जिलेबी हेरेर मुख रसाउने गर्छ । यसपालि जिलेबीको मूल्य गत वर्षको तुलनामा घटेको छ । रु दुई सय प्रतिकिलोमा बिक्री भइरहेको जिलेबीको मूल्य ग्याँस र चिनीको मूल्यवृद्धिका बावजूद घटेको छ । अहिले रु १६० देखि १८० प्रतिकिलोमा जिलेबी बिक्री भइरहेको छ । वीरगंजमा लाग्ने मेलाको प्रमुख आकर्षण जिलेबीपसल रहँदै आएको छ र यस वर्ष पनि जिलेबीपसल नै सबैभन्दा बढी देखिएको छ । वीरगंजमा सप्तमी र अष्टमीका दिन भव्य मेला लाग्ने गर्छ । सोही मेलालाई लक्षित गरेर बिपी उद्यानदेखि आदर्शनगर चोकसम्म र माईस्थानदेखि गीतामन्...

वीरगञ्ज, २९ असोज ः हिन्दु धर्मावलम्बीको महान् चाड दसैँ, तिहार र छठपर्वलाई लक्षित गरी जिल्ला प्रशासन कार्यालय पर्साले विशेष सुरक्षा रणनीति कार्यान्वयमा ल्याएको  छ । राजनीतिक दलका प्रतिनिधि, स्थानीय तहका प्रमुख, उद्योगी, व्यवसायी तथा सरोकारवाला निकायसँग छलफल गरी जिल्ला प्रशासन कार्यालयले चाडपर्व लक्षित विशेष सुरक्षा योजना २०८० तयार पारेर कार्यान्वयनमा ल्याएको हो । वर्तमान परिस्थितिलाई आँकलन गरेर चाडपर्व केन्द्रित सुरक्षा व्यवस्था कडा बनाइएको पर्साका प्रमुख जिल्ला अधिकारी हीरालाल रेग्मीले जानकारी दिनुभयो । यसअघि नेपालगञ्ज, धरान, सर्लाहीलगायत छिमेकी जिल्लामा भएका घटनालाई लिएर पर्सा जिल्लामा सुरक्षा व्यवस्था कडा बनाइएको हो । हिन्दूहरूको मठमन्दिरलाई सुरक्षा गर्ने यात्रुलाई चाडपर्व मनाउन घरसम्म जान सहज वातावरणको लागि नेपाल प्रहरी, सशस्त्र प्रहरी र ट्राफिक प्रहरीलाई स्टेसनको निगरानी बढाउन स्थानीय प्रशासनले निर्देशन दिएको छ । चाडपर्वमा अधिक मादक पदार्थ सेवन गरेर सवारी चलाउने, हेलमेट प्रयोग नगर्ने, रातिको समयमा मादकपदार्थ सेवन गरेर हिँड्ने तथा सीमावर्ती जिल्ला बारा पर्सामा भारतीय सवारी साधनको ...

वीरगंज, २८ असोज/ विजयादशमीको शुभारम्भ दिवस घटस्थापना तथा शारदिय नवरात्रिको प्रथम दिवस महादुर्गा भगवतीको प्रथम अवतार माता शैलपुत्रीको उपासनाको लागि आज पर्सा, बारालगायत विभिन्न स्थानमा कलशयात्रा, जमरारोपण लगायत कार्यक्रम शुरु भएको छ । यसैबीच ब्रह्माकुमारी राजयोग सेवा केन्द्र वीरगंजले शुभकामना आदान प्रदान एवं जमरारोपण कार्यक्रम सुसम्पन्न भएको छ । विश्वदर्शन भवन छपकैयाकी मुख्य सञ्चालिका ब्रह्माकुमारी बेली दिदीको अभिभावकत्व तथा संविधान सभा सदस्य बलवीर प्रसाद चौधरीको मुख्य आतिथ्यमा भएको कार्यक्रममा वडाध्यक्षहरु बैजु स्वर्णकार, प्रदिप चौरासीया, अवधेश कुशवाहालगायतको सहभागिता थियो । कार्यक्रममा सहभागीहरुले विजयादशमी असत्य अन्धकार दुर्गणमाथि क्रमशः सत्य प्रकाश र दैविगुणको विजयको महान उत्सव भएको बताएका थिए । सहभागीले कलशमा जौं र गहुँ को बिजारोपण गरेका थिए । ब्रह्माकुमारी सरस्वती, ब्रह्माकुमार छोटेलाल, गोवर्धन ब्रह्माकुमार गोकुल, आनन्द लगायतको सहभागिता थियो । 

वीरगंज, २७ असोज ।  ६८ औं प्रहरी दिवसको अवसरमा आज वीरगंज महानगरपालिका वडा नं. ११ दुर्गा टोल र दुर्गा मन्दिर क्षेत्रमा सरफाइ गरिएको छ ।  सामुदायिक प्रहरी साझेदारी कार्यक्रम अन्तर्गत सामुदायिक प्रहरी सेवा केन्द्र मुर्ली तथा सामुदायिक प्रहरी सेवा केन्द्र श्रीपुरको आयोजना र वडा प्रहरी कार्यालय श्रीपुरको सहयोग तथा श्री नवरात्रि महोत्सव दुर्गा पूजा सेवा समितिको सहकार्यमा सरसफाइ कार्यक्रम गरिएको छ ।  नजिकिदै गएको वडादशैंलाई मध्यनजर गरी सरसफाइ कार्यक्रमको आयोजना गरिएको सामुदायिक सेवा केन्द्र मुर्लीका सचिव सचिव कुलनारायण (दिलीप) प्रधानले बताए ।  केन्द्रका अध्यक्ष राम सर्राफको अध्यक्षतामा भएको कार्यक्रममा सामुदायिक सेवा केन्द्रका पदाधिकारीहरु, समाजसेवी, बुद्धिजीवी, प्रहरी, कर्मचारीलगायत ११० जनाको सहभागितामा बिहान सरसफाइ कार्यक्रम गरिएको केन्द्रका सचिव कुलनारायण (दिलीप) प्रधानले जानकारी गराउनुभएको छ । 

वीरगञ्ज, २६ आश्विन । वीरगञ्ज उद्योग वाणिज्य सङ्घका अध्यक्ष अनिल कुमार अग्रवालले प्रधानमन्त्री पुष्पकमल दाहालसँग भेटघाट गर्नु भएको छ । भेटघाटका क्रममा अध्यक्ष अग्रवालले व्यवसायीहरुले भोगिरहेको समस्याका बारेमा ध्यानार्षण गराउनु भयो । वीरगञ्ज उद्योग वाणिज्य सङ्घका अध्यक्ष अग्रवालले हाल वीरगञ्ज लगायत पर्सा बारा क्षेत्रमा अवस्थित उद्योग व्यापारमा आएको समस्या र व्यवसायीक कठिनाईहरुका बारेमा ध्यानाकर्षण गराउनु भयो । बिशेष गरि उद्योग व्यवसायको प्रबद्र्धन र विकासका लागि नियमनकारी निकायहरु कर, भंसार, राजस्व, प्रहरीका अवरोधक हाल स्थगित गरि उद्योगी व्यवसायहरुको मनोबललाई उच्च बनाएर अर्थतन्त्रलाई चलायमान र गतिशील बनाउनु पर्ने आवश्यकता माथि जोड दिँदैं अहिलेको समयमा राजस्व संकलनमा आएको कमी प्रति नेपाली निजी क्षेत्र पनि चिन्तित रहेको बताउनु भयो । उहाँले राजस्व संकलन बृद्धि हुनु पर्छ भन्ने बिषयमा निजी क्षेत्रका भूमिका पनि खर्चिने क्रममा राजस्वको बृद्धि गर्नका लागि भंसार मूल्यांकनलाई पारदर्शी बनाउने, सन्दर्भ पुस्तिकालाई व्यवस्थित र वैज्ञानिक बनाउने जस्ता काम गर्न सके आयात र निर्यातको सन्तुलन सँगसँगै स्थान...

वीरगंज, २६ असोज/ भारत, रक्सौल जाने तयारीमा रहेका पाँचजना नाबालिकासहित एकजना युवकलाई जिल्ला प्रहरी कार्यालय, बाराले वीरगंजको रानीसति धर्मशालाबाट पक्राउ गरेको छ ।   असोज २२ गते साँझ करैयामाई गाउँपालिका– १ हरैया गाउँबाट हराएका पाँचजना नाबालिकाहरुका अभिभावकले प्रहरीलाई जानकारी गरेपछि प्रहरीले खोजीको क्रममा उनीहरुलाई  वीरगंज महानगर–६ स्थित राणीसति धर्मशालाबाट उद्धार गरिएको जिप्रका, बारा प्रहरीका प्रवक्ता प्रहरी नायब उपरीक्ष्Fक दधिराम न्यौपानले बताएका छन् ।  १३ वर्षीय एकजना, १४ वर्षीय दुईजना र १६ वर्षीय दुई जना गरी पाँचजना नाबालिकालाई रक्सौल जाने क्रममा राणी सति धर्मशालाबाट उद्धार गरिएको प्रहरीले बताएको छ  । बालिकासँगै भारत, मोतीहारीका १८ वर्षीय कविकुमार पाललाई पनि पक्राउ गरी अनुसन्धान गरिरहेको प्रवक्ता न्यौपानेले बताए । उद्धार गरिएका पाँचैजना नाबालिकाहरुलाई प्रहरीले परिवारको जिम्मा लगाएको जिप्रका बाराले जनाएको छ ।

रौतहट,२५ असोज । रौतहटको फतुवा विजयपुरका मेयर गोपाल राय यादवलाई विशेष अदालतले ३ वर्ष कैद र १५ लाख जरिवाना तोकेको छ । उनी लालबकैया नदीको टेन्डरमा भ्रष्टाचार गरेको ठहर भएका थिए । विशेष अदालतले निलम्बित मेयर यादवलाई ३ वर्ष कैद र १५ लाख रुपियाँँ जरिवानाहसने सजाय सुनाएको हो । अख्तियार दुरूपयोग अनुसन्धान आयोगले १८ जना जनप्रतिनिधिसहित २१ जनालाई प्रतिवादी बनाएको भए पनि यादव मात्र दोषी ठहर भएका हुन् । उनीहरूविरूद्ध २०७९ सालमा विशेष अदालतमा मुद्दा दायर भएको थियो । यादव गत स्थानीय निर्वाचनमा नेपाली काङग्रेसबाट मेयरमा निर्वाचित भएका थिए । लाल बकैया नदीको उत्खननसम्बन्धी ठेक्का रद्द गरेर नगरपालिकालाई हानी नोक्सानी पुर्रुयाएको आरोप यादवविरूद्ध लागेको थियो । विशेषका अध्यक्ष श्रीकान्त पौडेल तथा सदस्य खुसीप्रसाद थारूको इजलासले उक्त आदेश गरेको थियो । लालबकैया नदीको आन्तरिक आयसम्बन्धी फतुवा विजयपुर र गुजरा दुर्ई नगरपालिकाले संयुक्त रूपमा ढुंगा, गिटी र बालुवाको ठेक्काबाट प्राप्त हुने आमदानी बाँडफाँट गर्ने सहमति गरेका थिए । सहमतिअनुसार विजयपुरलाई ६० र गुजरा नगरपालिकालाई ४० प्रतिशत दिने निर्णय भए पनि विजयपुरल...

वीरगंज, २५ असोज । विश्व दृष्टि दिवसको अवसरमा ज्येष्ठ नागरिकहरूको निःशुल्क आँखा परिक्षण शिविर सम्पन्न भएको छ । नेपाल नेत्रज्योति संघ पर्साको आयोजनामा तथा केडिया आँखा अस्पतालको प्राविधिक सहयोगमा निश्शुल्क आँखा शिविर सम्पन्न भएको हो । आज बिहान ९ बजेदेखि शुरू भएको शिविरमा ३८ जनाको आँखा चेकजाँच गरिएकोमा १३ जना मोतिबिन्दुका बिरामी भेटिएको शिविरमा सहभागी चिकित्सक अन्जली चौधरीले जानकारी गराइन् । शिविरमा छनौट भएका मोतिबिन्दुका बिरामीहरूको रामकुमार महावीर प्रसाद केडिया आँखा अस्पताल परवानीपुरमा निश्शुल्क शल्यक्रिया गरिने आयोजक संस्थाले बनाउने कुरा संस्थाका सभापती भगवती प्रसाद चौधरीले बताए । भगवती प्रसाद चौधरीको सभापतिŒवमा आयोजना भएको सो कार्यक्रमका प्रमुख अतिथि नेत्रज्योति संघका केन्द्रीय सदस्य श्याम कुमार पोखरेल, जेष्ठ नागरिकका पुर्वअध्यक्ष जगदीश प्रसाद शर्मा, नेपाल रेडक्रस प्रदेस २ का अध्यक्ष फुलमहम्मद मियाँ, महन्थ प्रसाद यादव, नेत्रज्योतिका उपाध्यक्ष मदन प्रसाद गुप्ता, सन्तोष ज्यासवाल, उमेस गुप्ता, उदय राज शर्मा, मधुराणा, समिता दास,  सुनिता नेपाली, अन्जु श्रेष्ठ, सुरेन्द्र बहादुर रन्जितकार लगा...

वीरगञ्ज, २३ असोज   विश्व मानसिक स्वास्थ्य दिवसका अवसरमा वीरगञ्जमा सचेतनामुलक कार्यक्रम आयोजना गरिएको छ । दिवसका अवसरमा वीरगञ्ज महानगरपालिका र वीरगञ्ज नसिंङ्ग क्याम्पसको सयुक्त आयोजनामा घण्टाघर चोकमा मानसिक स्वास्थ्य सम्बन्धमा तयार पारिएको सडक नाटक सहित सचेतनामुलक कार्यक्रम सम्पन्न भएको हो । पछिल्लो समय मानसिक स्वास्थ्यका बिरामीहरु बढ्दै गएको प्रति चिन्ता व्यक्त गर्दै वीरगञ्ज महानगरपालिकाका स्वास्थ्य महाशाखा प्रमुख अनिल कुमार यादवले मानसिक स्वास्थ्यका बारेमा जनचेतना अभिबृद्धी गर्नुपर्नेमा जोड दिनुभयो । उहाँले मानसिक स्वास्थ्यलाई नजरअन्दाज नगर्न आग्रह गर्दै जति सक्दो आफूलाई व्यस्त राख्नुपर्ने सुझाव दिनुभयो ।   वीरगञ्ज नर्सिङ् क्याम्पसकी प्रमुख डा. कल्पना पौडेलले मानसिक स्वास्थ्यका बारेमा सचेतना फैलाउने अभिप्रायका साथ कार्यक्रमको आयोजना गरिएको बताउनुभयो । हरेक व्यक्ति मानसिक रुपमा स्वस्थ हुनुपर्ने आवश्यक्ता औँल्याउँदै उहाँले सामाजिक सञ्जाल, बेरोजगारी, प्रेम, कुलत लगायतका कारण मानसिक स्वास्थ्य बिग्रिन सक्ने तर्क गर्नुभयो ।   'मानसिक स्वास्थ्य ः सबैको अधिकार' भन्ने नारासहित मनाईएको ...

धनुषा,  २२ असोज । इजरायलको किबुज अलुमिममा विद्रोही समूहको आक्रमणमा परी निधन भएका धनुषाको लक्ष्मीनिया गाउँँपालिका –४, सपहीका २२ वर्षीय आनन्द साहको शव माग गर्दै धनुषाको सपहीमा चक्काजाम गरिएको छ । शवको माग गर्दै आक्रोशित स्थानीयवासीले सोमवार बिहान ९ बजेदेखि ढल्केबर–जनकपुर सडकखण्डको सपही चोकमा चक्काजाम गरेका छन् । स्थानीयवासीले मोटरसाइकल र एम्बुलेन्सलगायत अति आवश्यक सावरीबाहेक अरू सवारी चल्न दिएका छैनन् । स्थानीयका अनुसार इजरायलमा विद्रोही समूको आक्रमणबाट मृत्यु भएका साहको शव ल्याउन नेपाल सरकारसँग माग गर्दै चक्काजाम गरिएको बताउनुभयो । उहाँहरूले शव ल्याउने निश्चित नभएसम्म चक्काजाम नखोलिने जानकारी दिनुभयो । इजरायलमा शनिवार भएको आतङ्ककारी हमलामा परी १० जना नेपाली नागरिकको निधन भएको छ । त्यसमध्ये साहसमेतको निधन भएको इजरायलका लागि नेपाली राजदूत कान्ता रिजालले पुष्टि गर्नुभयो । मृतक साह गत भदौ २६ गते कृषिसम्बन्धी तालिम लिनका लागि इजरायल जानुभएको थियो ।

वीरगंज २१ असोज ।  वीरगंज–१ बजार छपकैयाकी पुनम देवी सोनारको हत्याको आरोपमा सोही ठाउँमा बस्ने इमरान मियाँलाई पक्राउ गरेको छ । आइतवार जिल्ला प्रहरी कार्यालय पर्साले पत्रकार सम्मेलनको आयोजना इमरानलFई सार्बजनिक गरेको थियो ।  बजार छपकैया निवासी ४० वर्षिया पुनमको शुक्रवार बिहान हत्या भएको थियो । घटनाको सूचना पाएलगतै जिल्ला प्रहरी कार्यालय पर्साका प्रमुख प्रहरी कोमल शाह घटनास्थलमा पुगेर तालिमप्राप्त कुकुरबाट अनुशन्धान गरेका थिए । अनुसन्धानको क्रममा सोहि स्थान बस्ने रसुल मियाँको छोरा वर्ष २५ को इमरान मियाँ पक्राउ परेको प्रहरीले जनाएको छ ।  इमरान पुनमको घरमा चोरी गर्ने नियतले प्रवेश गरेको र दुवैबीच झडप हुंदा फलामे रडले प्रहार गरी गम्भीर घाइते बनाएर फरार भएको प्रहरी दावी छ ।  असोज १९ गते बिहान ३ः३० बजेको समयमा भारत विहार जिल्ला सितामढी नरहा ग्राम घर भई हाल वीरगंज म.न.पा.वडा नं. १ छपकैया बस्ने गगनदेव प्रसादको श्रीमती वर्ष ४० की पुनम देबी राती खाना खाई सुत्ने कोठाको ओछ्यानमा एक्लै सुतेको थिइन् । भोलिपल्ट जितिया पर्वको दिन उनको दिदी निलम देवी साहले पुजाको लागि उठाउन पुगेकी थिइन् । जाँदा बोलाउदा नबोल...

वीरगंज,२१ असोज । शिक्ष्Fक सरुवा र राम्रो पठनपाठन नभएको विरोधमा पर्सा जिल्लाको विन्दबासिनी गाउँपालिकामा विद्यार्थीहरुले प्रदर्शन गर्ने क्रममा प्रहरीसँग झडप भएको छ । झडपमा ६ जना विद्यार्थी घाइते भएका छन् । आज गर्दाैल माध्यमिक विद्यालय र बहुअर्वा भाटामा अध्ययनरत विद्यार्थीहरूले विद्यालय घेराउ गर्न जाँदा प्रहरीले लाठीचार्ज गरेको थियो । लाठीचार्जमा कृष्ण मुखिया, विशाल कुमार यादव, अरबिन्द पटेल, निरज यादव, खेम बहादुर गोढ र अनुराग कुमार यादव घाइते भएका छन् । गर्दाैलका स्वास्थ्य तथा विज्ञान विषयका शिक्षकहरूको सरूवा गरेको तथा बहुअर्वामा राम्रो पठनपाठन नभएको गुनासोसहित कक्षा ९, १०, ११ र १२ मा अध्ययनरत विद्यार्थीहरूले आज गाउँँपालिकाको कार्यालय घेराउ गर्न गएका थिए ।

वीरगंज, १९ असोज । वीरगंज महानगरपालिका वडा नम्बर १ छपकैयामा आज बिहान धारिलो हतियार प्रहारबाट पुनम देवीको हत्या भएपछि प्रहरीले अनुसन्धान प्रक्रिया अगाडि बढाएको छ । प्रहरीको प्रारम्भिक अनुसन्धानमा टाउकोमा धारिलो हतियार प्रहार गरी पुनमको हत्या गरिएको प्रहरी स्रोतले जनाएको छ । पुनमको टाउकोमा ४–५ ठाउँमा गम्भीर चोट लागेको  र धेरै रगत बगेर पनि जीवित अवस्थामा रहेको तथा नेशनल मेडिकल कलेजमा पु¥याउंदा उनको मृत्यु भएको प्रहरीले जनाएको छ । पुनम घरमा एक्लै बस्दै आएकी थिइन् । उनको पति भारतको ग्वालियरमा काम गर्छन् भने छोरीको बिहे भइसकेको छ भने छोरा पढाइको सिलसिलामा भारतकै दिल्लीमा छन् । जिउतिया पर्वका लागि बिहानै उनको घरमा बहिनी पुगेकी थिइन् । दिदीको घरमा बहिनी पुग्दा दिदीलाई ओछ्यानमा लडिरहेको अवस्थामा देखेपछि उनले गुहार मागिन । हल्लापछि नजिकै रहेका अन्य आफन्तहरू पनि घटनास्थलमा पुगे । त्यहीँ आफन्तहरूले भने प्रहरीलाई खबर गर्यो । प्रहरीलाई बिहान ४ बजे जानकारी आएको थियो ।  प्रारम्भिक अनुसन्धानमा पुनमको हत्या चिरपट वा धारिलो हतियार प्रहार गरी भएको प्रहरी स्रोतको भनाइ छ । पुनम देवीको हत्या राति १–२ बजे भएको...

वीरगंज, १९ असोज ।   वीरगन्ज वडा नं १ बजार छपकैया मा आफ्नै घरमा एक महिलाकाे हत्या  गरिएको छ।  बजार छपकैयामा गगनदेव साहकी पत्नि ४० वर्षिय पुनमदेवी साहकाे हत्या  गरिएको हो  शुक्रबार बिहान टाँउकाेमा घरेलु हतियारले हानेर गम्भीर अवस्थामा भेटिएकी पुनमदेवीलाई उपचारका लागि सुरुमा नारायणी अस्पतालमा लगिएको थियाे । र त्यहाँ उपचार हुन नसकेपछि उनलाई नेशनल मेडिकल कलेजमा उपचारका लागि लगिए पछि  डक्टर ले मृत घाेषणा गरेकोे प्रहरीले  प्रहरी ले बताएका छन्। शव पाेष्ट मार्टमका लागि नारायणी अस्पतालमा पठाइएको र पाेष्टमार्टम रिपाेर्ट आएपछि मात्रै हत्याकाे यकिन कारण खुल्ने  वाड सदस्य दिपेन्द्र राउत ले बताएका छन्।  पुनमदेवी घरमा ऐक्लै बस्दै आएकी  छिन् उनका पति गगनदेव कामकाे शिलशिलामा भारतमा र छाेरापनि अध्ययनकाे लागि भारतकै दिल्लीमा रहेका  वाड सदस्य राउत ले बताएका छन्। घटनाका बारेमा अनुसन्धान भइरहेको पर्साका प्रहरी नायब उपरीक्षक कुमार विक्रम थापाले जानकारी दिए।

काठमाडौँ, १९ असोज : चीनको हाङझाउमा जारी १९औँ एसियाली खेलकुदमा नेपालले पहिलो पदक प्राप्त गरेको छ । नेपालले महिला कबड्डीतर्फ कास्य पदक प्राप्त गरेको हो । महिला कबड्डीको सेमिफाइनलमा नेपाल भारतसित पराजित भएको छ । भारतसित पराजित भएसँगै नेपाल कास्य पदकमै सीमित भएको हो । केहीबेर अघि सम्पन्न सेमिफाइनल खेलमा भारतले नेपाललाई ६१–१७ अङ्कले पराजित गरेको हो । नेपाल समूह 'बी'को उपविजेताका रूपमा सेमिफाइनल प्रवेश गरेको हो । यस्तै भारत समूह 'ए' को विजेता बन्दै सेमिफाइनलमा प्रवेश गरेको हो । सेमिफाइनमा प्रवेश गरेसँगै नेपालले जारी एसियाली प्रतियोगितामा कम्तिमा कास्य पदक पक्का गरेको हो । कबड्डीमा सेमिफाइनल पुग्ने चारवटै टोलीले पदक प्राप्त गर्ने प्रावधान छ ।   महिला कबड्डीतर्फ नेपालले पहिलोपटक एसियाली खेलकुदमा भाग लिएको हो । नेपाल रहेको समूह 'बी' मा इरान र बङ्गलादेश रहेका थिए । इरान समूह 'बी'को विजेताका रूपमा प्रतियोगिताको सेमिफाइनलमा प्रवेश गरेको छ । इरानले अहिले समूह 'ए' को उपविजेता चाइनिज ताइपेईसित प्रतिस्पर्धा गर्दै छ ।   यसअघि नेपालले पहिलो खेलमा सोमबार बङ्लादेश...

वीरगंज, १८ असोज ।  बाराको विभिन्न स्थानमा अखाद्य वस्तु मिसाएर घरेलु मदिरा बनाउने भट्टीहरु छयाप्छयाप्ती भएपछि जिल्ला प्रहरी कार्यालय, बाराले घरेलु मदिराभट्टी छापामारी तोडफोड गरी संलग्न व्यक्तिलाई कारबाही गर्न शुरु गरेको छ ।   जिल्ला प्रहरी कार्यालय बारा, कलैया असोज १८ गते करैयामाई गा.पा. वडा न. ०३ गालोपट्टी, महागढीमाई न.पा. वडा न. १०, गंजभवानीपुरको ९ ठाउँमा रहेका अवैध घरेलु मदिरा भट्टी तोडफोड गरी कच्चा पदार्थ ५४ हजार लिटर र तयारी मदिरा २५ हजार लिटर नष्ट गरेको छ । मदिरा बनाउन प्रयोग हुने ड्रम १४ वटा, डेक्ची १ वटा, मदिरा तयार पार्ने मेशिन ५ वटा नियन्त्रणमा लिएको जिप्रका बाराका सूचना अधिकारी प्र.ना.उ. दधिराम न्यौपानेले जनाएका छन् ।  यसैगरी असोज १७ गते पचरौता न.पा.वडा नं.८ छपकैयाको ५ ठाउँमा सञ्चालनमा रहेका अवैध मदिरा भट्टी तथा आदर्शकोतवाल गा.पा.वडा नं.६ पटेर्वाको दुई ठाउँमा सञ्चालनमा रहेका अवैध मदिरा भट्टी तोडफोड गरेको छ । सो ठाउँबाट कच्चा पदाथ ४० हजार लिटर र तयारी मदिरा ४ हजार लिटर नष्ट गरेको तथा मदिरा राख्ने ड्रम ७६ वटा, मदिरा तयार पार्ने मेशिन ५ वटा नियन्त्रणमा लिएको सूचना अधिकारी प्र.ना...