हरि खेतान बहुमुखी क्याम्पस वीरगंजको बसमा विद्यार्थी गुन्द्रूक कोचेसरह यात्रा गर्न बाध्य
वीरगंज, १३ असोज । हरि खेतान बहुमुखी क्याम्पस वीरगंजको स्कूल बसमा विद्यार्थीहरु गुन्द्रुक कोचिएसरह यात्रा गर्नु परिरहेको छ । वीरगंजको अलखियामठस्थित हरि खेतान बहुमुखी क्याम्पसले विद्यार्थी ल्याउने लैजाने स्कूल बसमा विद्यार्थीहरु उभिने ठाउँ पनि हुंदैन । अझ अचम्मको कुरा विद्यार्थीहरु सिटमाथि र शिशामा टांस्सिएर कोचिएर उकुसमुकुस भएर यात्रा गरेको दृश्य दिनहुँ देख्न सकिन्छ। यसरी विद्यार्थीहरुलाई स्कूल बसमा कोचमकोच गरेर लैजाँदा पनि जिल्ला ट्राफिक प्रहरी कार्यालय, पर्सा र क्याम्पस प्रशासन मौन भएर बस्ने गरेको छ । गर्मीको बेलामा कोचमकोच भएर निस्सासिएर बस्नुपर्दा विशेषगरी छात्राहरुलाई निकै समस्या हुने गरेको छ । उकुसमुकुस भएर कतिपय छात्राहरु बसमै रिंगटा लाग्ने, बान्ता गर्ने र सन्चो नहुने गरेको छ । हरि खेतान बहुमुखी क्याम्पसमा विद्यार्थीहरुको संख्या निकै बढिरहेको र पर्सा, बारासम्म विद्यार्थी रहेको हुंदा क्याम्पसले ७ वटा बस संचालन गरेको छ । यसबारेमा क्याम्पस प्रशासनलाई जानकारी भए पनि उनीहरुले गैरजिम्मेवार जवाफ दिने गरेका छन्। गुनासो गर्दा पनि दुई वर्षदेखि सुनवाइ नभएको र बसमा कोचमकोच भएर यात्रा गरी...
