बारामा नक्कली नोट सहित पाँचजना पक्राउ

वीरगंज  २५ माघ । बारा प्रहरीले  नेपाली नक्कली नोटसहित पाँच जनालाइ पक्राउ  गरिएको पत्रकार  सम्मेलनको आयोजना गरेर सार्बजनिक  गरेको छ ।
बाराको जितपुर सिमरा उपमहानगरपालिका वडा नम्बर ७ बाट सर्लाही  जिल्ला चन्द्रनगर गाउँँपालिका ३ का रामचन्द्र महतो कोइरी, बाराको परवानीपुर गाउँपालिका ५ का सुमित साह, सोही स्थानका सन्तोष  पटेल, वीरगंज महानगरपालिका–१० का विशालकुमार श्रीवास्तव र निरज श्रीवास्तव गरी पाँचजनालाई बिभिन्न स्थानबाट  नेपाली  नक्कली  नोटसहित पक्राउ गरी अFवश्यक कारवाही  भैरहेको जिल्ला प्रहरी  कार्यालय, बाराका प्रमुख प्रहरी उपरीक्षक सुरेशप्रसाद काफ्लेले जानकारी दिनुभएको छ ।

विशेष सूचनाको आधारमा खटिएको प्रहरी टोलीले माघ २४ गते जितपुरसिमरा उप महानगरपालिका वडा नम्बर ७ जितपुर बजारमा नक्कली नोटको कारोवार गरिहेको अवस्थामा एक जनालाई पक्राउ गरेको थियो ।

उनलाई पक्राउ गरि अनुसन्धान गर्दा उक्त कार्यमा संलग्न अन्य ४ जना लाई समेत पक्राउ गरिएको प्रहरी उपरीक्षक काफ्लेले बताए ।

प्रहरी उपरीक्षक काफ्लेका अनुसार विभिन्न ठाउँहरूबाट पक्राउ गरी एक हजार दरको नोट थान ६१ नक्कली नोट र भारतीय सिमकार्ड सहितको मोबाईल थान ७ समेत नियन्त्रणमा लिई आवश्यक अनुसन्धान प्रकृया अगाडी बढाईएको छ ।