पर्साका सरकारी विद्यालयमा पंखा नहुदा गर्मीका कारण विद्यार्थीहरु कक्षा कोठामै बेहोश हुदैं
वीरगन्ज, १७ जेष्ठ : पर्साको ग्रामीण भेगमा रहेका सामुदायिक विद्यालयहरुमा गर्मीका कारण विद्यार्थीहरु बेहोश हुन थालेका छन् ।
सामुदायिक विद्यालयका कक्षाकोठामा पंखाको सुविधा नहुदाँ गर्मीका कारण विद्यार्थीहरु कक्षाकोठामै बेहोश हुन थालेका हुन् ।
पर्सा , बारा लगायतका जिल्लामा पछिल्लो एक साता यता गार्मी अत्याधिक बढेको छ । यसक्षेत्रमा तापक्रम बढेर ४० डिग्रि सेल्सियसको हाराहारीमा पुग्ने गरेको छ । जसका कारण जनजिवन प्रभावित भएको छ ।
बुधबारपनि पर्साको ग्रामीण भेगमा रहेको एक सामुदायिक विद्यालयमा एक जना छात्रा गर्मीका कारण बेहोश भएकी छन् । पटेर्वासुगौली गाँउपालिका वडा नम्बर ४ भतौडास्थित वनदेवी आधारभूत विद्यालयमा बुधबार एक छात्रा कक्षाकोठामै बेहोश भएकी हुन् ।
कक्षा ४ मा पढ्ने साहबुन नेशा अत्याधिक गर्मीका कारण बुधबार बिहान ९ बजे कक्षाकोठामै बेहोश भएको विद्यालयका प्रधानाध्यापक सुभाष प्रसाद दासले बताए । उनलाई उपचारका लागि वीरगन्जको अस्पतालमा पठाइएको दासले जानकारी दिए ।
The post पर्साका सरकारी विद्यालयमा पंखा नहुदा गर्मीका कारण विद्यार्थीहरु कक्षा कोठामै बेहोश हुदैं appeared first on Madhes Khabar.
Comments
Post a Comment