निजी विधालयका ८३ जना विधार्थीको उत्तरपुस्तिका महानगरले नियन्त्रणमा लियो
मधेसखबर
वीरगन्ज,१०चैत : अनाधिकृत परिक्षा केन्द्रमा कक्षा ८ को वार्षिक परिक्षा सन्चालन गरेका वीरगन्जका चार वटा निजी विधालयका ८३ जना विधार्थीहरुको उत्तरपुस्तिका महानगरले नियन्त्रणमा लिएको छ ।
वीरगन्ज महानगरपालिकाका शैक्षिक महाशाखा प्रमुख अरविन्दलाल कर्ण नेतृत्वको टोलीले कक्षा ८ को वार्षिक परिक्षा दिइरहेका ८३ जना विधार्थीको उत्तरपुस्तिका नियन्त्रणमा लिएको हो ।
वीरगन्ज महानगरपालिकाले कक्षा ८ को महानगरस्तरीय वार्षिक परिक्षा आफनै विधालयमा परिक्षा केन्द्र तोकेर लिन निर्देशन दिएको थियो । तर चार वटा निजी विधालयहरुले उक्त निर्देशनको अवज्ञा गरि वीरगन्ज ७ स्थित माईस्थान बालविधा मन्दिर इन्दु लाखे आधारभूत विधालयमा अनाधिकृत परिक्षा केन्द्र तोकेर कक्षा ८ को परिक्षा लिइरहेका थिए ।
शुक्रबार अनुगमनका क्रममा महानगरको टोलीले माईस्थान बालविधा मन्दिर इन्दु लाखे आधारभूत विद्यालयको परिक्षा केन्द्रबाट ग्रीन ल्याण्ड माविका ४७ , ओसीम माविका १७ , एपेक्स इन्टरनेसनल स्कुलका ७ र सालोम माविका १२ गरि ८३ जना विद्यार्थीहरुले उत्तरपुस्तिका नियन्त्रणमा लिएको हो ।
बीरगन्ज महानगरपालिकाको शैक्षिक महाशाखा कर्णले सामुदायिक विद्यालयमा अनाधिकृत परिक्षा केन्द्र तोकेर परिक्षा लिइरहेका ४ वटा निजी विधालयका ८३ जना विद्यार्थीहरुको उत्तर पुस्तिका नियन्त्रणमा लिएको बताए । ती विधालयहरुलाई आ–आफ्नै विधालयमा परीक्षा केन्द्र तोकर फेरि परिक्षा लिन निर्देशन पनि दिइएको उनले बताए ।
वीरगन्ज महानगरमा सन्चालित कक्षा ८ को महानगरस्तरीय वार्षिक परिक्षामा सामुदायिक ३४ र निजी ८३ वटा विधालयका गरि कूल ५ हजार ८ सय ६२ विद्यार्थीहरु सहभागी छन् ।
The post निजी विधालयका ८३ जना विधार्थीको उत्तरपुस्तिका महानगरले नियन्त्रणमा लियो appeared first on Madhes Khabar.
Comments
Post a Comment