रास्वपाको संसदीय दलको नेतामा रवि लामिछाने चयन
काठमाडौं,४ पुस – संसदीय दलको नेता चयन गर्न बसेको बैठकले राष्ट्रिय स्वतन्त्र पार्टी संसदीय दलको नेतामा पार्टी सभापति रवि लामिछाने चयन गरेको छ । आज बसेको दलको बैठकले लामिछानेलाई संसदीय दलको नेतामा चयन गरेको राष्ट्रिय स्वतन्त्र पार्टी ले जनाएको छ ।
पार्टीका सह(महामन्त्री कविन्द्र बुर्लाकोटीले सोमबार बसेको दलको बैठकले प्रारम्भिक निर्वाचनमा निर्विरोध निर्वाचित भएका लामिछानेलाई संसदीय दलको नेता अनुमोदन गरेको जानकारी दिए ।
दलको उपनेता, प्रमुख सचेतक र सचेतक भने चयन हुन बाँकी छ । आज बिहान ११ बजे बोलाइएको संसदीय दल र केन्द्रीय समितिको संयुक्त बैठकले बाँकी पद पूर्ति गर्ने रास्वपाले जनाएको छ । सरकारमा जाने कि नजाने भन्ने विषयमा पनि सोही बैठकमा छलफल हुने एक नेताले बताए ।
गत मंसिर ४ मा भएको प्रतिनिधि सभा निर्वाचनमा मात्र भाग लिएको रास्वपाले प्रत्यक्षमा ७ र समानुपातिकमा १३ सिट जितेको छ ।
The post रास्वपाको संसदीय दलको नेतामा रवि लामिछाने चयन appeared first on Nepal Post Daily.
credit: Nepalpostdaily
Comments
Post a Comment