5k website Demo

वीरगंज, १३ असार/ जिल्ला प्रशासन कार्यालय, पर्साका प्रमुख जिल्ला अधिकारी दिनेशसागर भुसाललाई ज्ञापनपत्र बुझाउँदै पर्सा जिल्लाका सम्पूर्ण राजनीतिक दलहरु सम्मिलित टोलीले वीरगंज महानगर–३२ रामवन जोगाउन माग गरेका छन् । रामवनमा चिडियाखाना बनाउनको लागि बस्ती हटाउन जिल्ला वन कार्यालयले पन्ध्र दिने सूचना जारी गरेपछि आज नेपाली कांग्रेस पर्सा सभापति जनार्दन सिंह क्षत्री, नेकपा एमाले अध्यक्ष डा बिश्वम्भर शर्मा, राष्ट्रिय स्वतन्त्र पार्टी पर्साका संयोजक हरि पन्त, जसपा पर्सा सचिब तब्रेज आलम, नेकपा एसका मनोज चौधरीलगायतले प्रजिअ भुसाललाई ज्ञापनपत्र बुझाएका हुन् ।   ज्ञापनपत्र बुझ्दै पर्साका प्रमुख जिल्ला अधिकारी दिनेशसागर भुसालले बस्ती बचाएर कमसेकम क्षतिमा समस्या समाधान गर्न पहल गर्ने बताए । यस अघि सर्वदलिय टोलीले रामबनमा रहेको बस्तीको भ्रमण समेत गरेका थिए । भ्रमण पश्चात सर्बदलिय टोलीले बस्ती बचाएर पनि चिडियाखाना बनाउन सकिने देखिएकोले मानवबस्ती बचाएर बिकास निर्माण लाई अघि बढाउन अनुरोध गरिएको  सर्वदलिय टोलीमा सम्मिलित राष्ट्रिय स्वतन्त्र पार्टीका पर्सा जिल्ला संयोजक हरि पन्तले जानकारी गराए । 

बारा, ११ असार । बारा क्याम्पस प्रमुख हत्या प्रकरणमा गोलीसहित सातजना पक्राउ परेको बारा प्रहरीले आज जानकारी गराएको छ ।   बाराको कलैयामा रहेको रामराजा मोहन विक्रम शाह बहुमुखी क्याम्पसका प्रमुख हरिभूषण कुशवाहाको हत्यामा संलग्न ७ जनालाई पक्राउ गरिएको जिल्ला प्रहरी कार्यालय बाराले जनाएको छ ।   आदर्शकोतवाल गाँउपालिका वडा नं २ बस्ने महन्थ महतोको छोरा ३२ वर्षीय अवधलाल प्रसाद कुशवाहा, सोही ठाउँका जितन महतोको छोरा २९ वर्षीय चांदसी कुशवाहा, प्रेमलाल साहको छोरा २७ वर्षीय चुल्हाई भन्ने श्रवणकुमार साह, सियाराम राउत कुर्मीको छोरा ३४ वर्षीय राधेश कुमार पटेल र रामचन्द्र राउतको छोरा ५४ वर्षीय बिनोद राउत कुर्मी, कलैया उपमहानगरपालिका–१० मटिअर्वा बस्ने मोहन रामको छोरा ५० वर्षीय आम्रपाली भन्ने ब्रह्मदेव राम, करैयामाई गाँउपालिका–७ पिपरा बस्ने महादेव साह थारूको छोरा ५० वर्षीय मोतिलाल चौधरीलाई पक्राउ गरिएको जिप्रका, बाराका प्रवक्ता एवम् प्रहरी नायब उपरीक्षक दधिराम न्यौपानेले जानकारी गराएका छन् ।   प्रहरीले उक्त हत्यामा प्रयोग गरिएको बा ३२ प ७०५५ नम्बरको मोटरसाइकल, ना ५९ प ४७८९ नम्बरको मोटरसाइकल, ना ३३ प ५४६२ नम...

वीरगंज, ७ असार । राष्ट्रिय स्वतन्त्र पार्टीको सामाजिक संगठन सचिव शंकर श्रेष्ठले भ्रष्टाचार शुन्य शासन व्यवस्थाको मूल मन्त्र लिएर वैकल्पिक शक्तिको रुपमा पार्टी अगाडि बढेको बताउनुभएको छ । राष्ट्रिय स्वतन्त्र पार्टी पर्सा शाखाले पार्टीको दोस्रो स्थापना दिवसको अवसरमा आज वीरगंजमा आयोजित चियापान कार्यक्रममा प्रमुख अतिथिको आशनबाट बोल्दै उहाँले पुराना राजनीतिक दलहरूप्रति नागरिकको निराशा बढ्दै गएकोले त्यसको विकल्पको रूपमा रास्वपा अगाडि आएको बताउनुभयो । सचिव श्रेष्ठले रास्वपाका मन्त्रीले जिम्मेवारी लिएका मन्त्रालयहरूमा अहिले जनताको काम देखिने गरी भईरहेको बताउदै यसले विपक्षीहरू अत्तालिएको बताउनुभयो । रास्वपा पर्साका संयोजक हरि पन्तको अध्यक्षतामा भएको कार्यक्रममा बिशिस्ट अतिथि नेपाली कांग्रेस सभापति जनार्दन सिंह क्षेत्री, उपसभापति रामनारायण कुर्मी, नेकपा एमालेका अध्यक्ष डा बिश्वम्बर शर्मा, सचिव महेश दास, जसपा अध्यक्ष राम नरेश कुर्मी, सचिब तवरेज आलम, वीरगंजका उपमेयर इम्तियाज आलम, प्रदेशसभा सदस्य श्याम पटेल, पत्रकार महासंघका केन्द्रीय सचिव दिपेन्द्र चौहान, उद्योग बाणिज्य महासंघ अध्यक्ष गणेश लाठ, वीर...

मुम्बई, ६ असार: भारतमा विषाक्त अवैध रक्सीको सेवनबाटे कम्तिमा ३४ जनाको ज्यान गएको साथै एक सयभन्दा बढीलाई अस्पताल भर्ना गरिएको तमिलनाडु राज्यका अधिकारीले बिहीबार सञ्चारमाध्यमलाई जानकारी गराउनुभएको छ । स्थानीय रूपमा उत्पादन गरिएको उक्त पेय पदार्थ घातक मिश्रण विषाक्त मेथानोलले भरिएको मुख्यमन्त्री  स्टालिनलाई उद्धृत गरी पिटिआईले जनाएको छ । घटनासँग दोषी भनिएका आरोपितलाई प्रहरीले पक्राउ गरी अनुसन्धान सुरू गरेको मुख्यामन्त्री स्टालिनले बताउनुभयो । अपराधले समाजलाई बर्बाद गर्ने बताउँदै यस्ता घटनामा संलग्न सबैलाई कडा कानुनी कारबाही हुने उहाँले बताउनुभएको मुख्यामन्त्रीको कार्यालयद्वारा जारी विज्ञप्तिमा भनिएको छ । मदीराको शक्ति बढाउनका लागि रक्सीमा प्रायः मेथानोल मिसाइन्छ, जसले अन्धोपन, कलेजोको क्षति र मृत्यु निम्त्याउन सक्छ । घटनासँग सम्बन्धित १०० भन्दा बढी व्यक्ति अस्पतालमा भर्ना भएका राज्यको कल्लाकुरिची जिल्लाका शीर्ष सरकारी अधिकारी प्रशान्तलाई भारतीय सञ्चारमाध्यमले उद्धृत गरेका छन् । तामिलनाडुका राज्यपालले सामजिक सञ्जाल एक्समा धेरै पीडितको स्वास्थ्य गम्भीर अवस्थामा रहेको उल्लेख गर्दै मृतकप्रति ...

वीरगंज, ६ असार । पूर्व–पश्चिम १३२ केभी प्रसारण लाइनअन्तर्गत रौतहटको चपुर सबस्टेसनबाट बाराको पथलैया सबस्टेसनको १३२ केभी प्रसारण लाइनमा रूख ढलेर क्षति पुगेको छ । बिहीवार बिहान साढे ११ बजेतिर हावाहुरीले उक्त खण्डमा रूख ढल्दा प्रसारण लाइनमा क्षति पुगेको हो । राष्ट्रिय प्रसारण प्रणालीको उक्त खण्डको लाइन क्षति पुग्दा देशभरको विद्युत आपूर्ति प्रभावित भएको नेपाल विद्युत प्राधिकरणका प्रवक्ता चन्दन घोषले बताए । उनले वैकल्पिक व्यवस्था गरी क्रमकि रूपमा विद्युत आपूर्ति सुचारू गर्ने कार्य भइरहेको उल्लेख गरे ।

बारा, ३२ जेठ । बारा जिल्लाको कलैयास्थित रामराजा बहुमुखी क्याम्पसका प्रमुख हरिभूषण कुशवाहाको गोली हानी हत्या गरेको घटनामा संलग्न रहेको आशंकामा प्रहरीले दुईजनालाई नियन्त्रणमा लिएको छ । जिल्ला प्रहरी कार्यालय, बारा प्रवक्ता प्रहरी नायब उपरीक्षक दधिराम न्यौपानेले कुशवाहाको हत्या लगत्तै अनुसन्धानमा खटिएको प्रहरीले सोधपुछका लागि २ जनालाई नियन्त्रणमा लिए पनि परिचय भने खुलाएको छैन। शुक्रवार साँझ बाराकै आदर्श कोतवाल गाउँपालिका–३ बतरा टोलमा अज्ञात समूहले गोली हानी कुशवाहाको हत्या गरिएको हो । कोखामा गोली लागेर गम्भीर घाइते भएका कुशवाहालाई उपचारका लागि वीरगंजको गण्डकस्थित नारायणी बयोधा मेडिसिटी अस्पतालमा पुर्याउँदा चिकित्सकले मृत घोषित गरेका थिए । आदर्श कोतवाल गाँउपालिका २ का स्थायी बासिन्दा कुशवाहा गाँउबाट कलैया तफ जाने क्रममा मोटरसाइकलमा सवार रहेका कुशवाहालाई अज्ञात व्यक्तिले गोली प्रहार गरेका थिए । अनुसन्धानमा संलग्न एक अधिकृतका अनुसार, जग्गा कारोबार सम्बन्धी विवादमा हत्या भएको हुनसक्ने आशंका गरिएको छ । गोली प्रहारमा संलग्नहरू मृतकको चिनजानकै व्यक्ति हुनसक्ने प्रहरी अधिकृतहरू बताउँछन् । स...

वीरगंज, ३२ जेठ । विश्व रक्तदाता दिवसको अवसरमा वीरगंजको भारतीय महावाणिज्य दूतावासले रेडियो वीरगंजको समन्वयमा आयोजना गरेको रक्तदान कार्यक्रममा ५ महिलासहित ४२ जनाले रगत दान गरेका छन् । रगत दान गर्नेहरूमा रन्जु देवी,रेणु देवी, पिंकी पाण्डे,रामविद्या चौधरी, सपना अग्रवाल, देवी सहाय मिना, ईश्वरचन्द्र यादव, हरिशंकर शर्मा, तरूण कुमार, सन्जिव कुमार, चन्दन श्रीवास्तव लगायतका रहेको रक्त सञ्चार केन्द्र वीरगंजका राजन श्रीवास्तवले जानकारी दिए । रक्तदान कार्यक्रममा वीरगंजस्थित भारतीय महावाणिज्य दूतावासका महावाणिज्यदूत देवी सहाय मिना, रेडियो वीरगंजका अध्यक्ष ध्रुब साह,पर्साका प्रहरी उपरीक्षक कुमोध ढुंगेल लगायतको उपस्थिति रहेको थियो । पर्सामा रक्तदाता सम्मानित विश्व रक्तदाता दिवसको अवसरमा ब्लड डोनर्स एशोसिएसन पर्सा शाखाले  एक कार्यक्रमको आयोजना गरि विभिन्न संघसंस्थालाई सम्मान गरेको छ । शाखाले आयोजना गरेको कार्यक्रमका प्रमुख अतिथि नेपाल रेडक्रस सोसाईटी पर्सा शाखाका सभापति विरेन्द्रराज कडेलले सम्मानित संस्था र व्यक्तिहरूलाई सम्मान गरेका छन् । ब्लड डोनर्स एशोसिएसन पर्सा शाखाका अध्यक्ष शत्रिधन नेपालको अध्य...

काठमाडौँ, २७ जेठ : जल तथा मौसम विज्ञान विभागले आगामी केही दिनसम्म देशभरको तापक्रमको अवस्था विश्लेषण गर्दा तराईका भूभागमा अत्यधिक गर्मीको सम्भावना रहने भएकाले सतर्कता अपनाउन अनुरोध गरेको छ । विभागको मौसम पूर्वानुमान महशाखाले गर्मी बढ्ने भएकाले आवश्यक तयारीका साथै सावधानी अपनाउन सबैमा अनुरोध गरेको छ । विभागका मौसमविद् विनु महर्जनले मुख्यगरी तराईका साथै सुदूरपश्चिम र लुम्बिनी प्रदेशमा गर्मी बढ्ने अनुमान गरिएको जानकारी दिनुभयो । विभागले भनेको छ, "तराईका भूभागमा जेठ २८ गतेसम्म तातो हावासँगै तातो लहर 'लू' को सम्भावना रहेकाले त्यसको असरबाट बच्न आवश्यक सतर्कता अपनाउन हुन अनुरोध छ ।" मौसमविद् महर्जनका अनुसार यसअघि नेपालगञ्जमा यो वर्षको सबैभन्दा बढी ४४.२ डिग्री र धनगढीमा ४४.१ डिग्री तापक्रम मापन भएको थियो ।   तातो हावा तथा तातो लहरबाट हुने सम्भावित असरमा थकाई लाग्ने, कमजोरी हुने, बढी तिर्खा लाग्ने, टाउको दुख्ने, खुट्टा बाउँडिने, चक्कर आउने, बेहोस हुने, मांसपेशी दुख्ने, बान्ता हुनेलगायत रहेकाले सोबाट बच्नुपर्ने मौसमविद् महर्जनको भनाइ छ ।     "तातो हावा तथा लहरबाट बच्न बढी ग...

काठमाडौं, २५ जेठ । स्वास्थ्य तथा जनसंख्या मन्त्री प्रदीप यादवले आज पुनः काठमाडौंस्थित राष्ट्रिय ट्रमा सेन्टरको अनुगमन गरेका छन् । यसअघि जेठ ९ गते उहाँले अस्पतालको अनुगमन गर्दै विभिन्न समस्याहरू औँल्याउनुका साथै सुधारका लागि निर्देशन दिए । आजको अनुगमनका क्रममा मन्त्रीले अस्पतालमा उल्लेख्य सुधार भएको पाएको बताए । ओपिडी व्यवस्थापनमा सुधार आएको, भिडभाड कम भएको, र रगत सङ्कलन गर्ने ठाउँलाई विस्तार गरिएको उनले जानकारी दिए । यद्यपि आइसियुमा बेड पाउन गाह्रो रहेको समस्या भने कायम रहेको बताउँदै, आइसियुको संख्या थप्न सुझाव दिए र यसलाई उच्च प्राथमिकतामा राख्ने प्रतिबद्धता जनाए। उनले राष्ट्रिय ट्रमा सेन्टरलाई देशकै एक महत्त्वपूर्ण अस्पतालको रूपमा वर्णन गर्दै यसको शाखाहरू देशका अन्य स्थानमा पनि स्थापना गर्नुपर्नेमा जोड दिए । "देशभरका बिरामीहरूको चाप एक्लै ट्रमा सेन्टरले थेग्न सक्दैन, तपाईँहरूलाई धेरै भार परिरहेको छ। देशका अन्य स्थानमा पनि ट्रमा सेन्टरका शाखाहरू खोल्न जरूरी छ। यसका लागि म पहल गर्नेछु" उनले भने ।   ट्रमा सेन्टरमा भएको सुधारबाट आफू धेरै खुसी भएको बताउँदै अन्य अस्पतालहरूले प...

धनुषा, २५ जेठ : मधेस प्रदेशको मुख्यमन्त्रीमा जनमत पार्टीका सतिशकुमार सिंह नियुक्त हुनुभएको छ । प्रदेश प्रमुख सुमित्रा सुवेदी भण्डारीले संविधानको धारा १६८ को उपधारा २ अनुसार प्रदेशसभामा प्रतिनिधित्व गर्ने दुई वा दुईभन्दा बढी दलका बहुमत सदस्यको समर्थन दाबी परेपछि सिंहलाई मुख्यमन्त्रीमा नियुक्त गर्नुभएको हो । उहाँलाई सङ्घीय सत्ता गठबन्धनमा रहेका दल नेकपा (एमाले), नेकपा (माओवादी केन्द्र), नेकपा (एकीकृत समाजवादी), नागरिक उन्मुक्ति पार्टीलगायत बहुमत प्रदेशसभा सदस्यले समर्थन गरेका छन् । सिहंले आजै पद तथा गोपनीयताको सपथ ग्रहण गर्ने तयारी छ । सिंह सप्तरी निर्वाचन क्षेत्र नं २ (क) बाट निर्वाचित हुनुहुन्छ । यसअघि उहाँ २०७४ को स्थानीय तह निर्वाचनमा सप्तरीको तिलाठी कोइलाडी गाउँपालिकाका अध्यक्ष निर्वाचित हुनुभएको थियो । त्यसपछि २०७९ मा भएको स्थानीय तह निर्वाचनमा सोही गाउँपालिका अध्यक्षमा पराजित भएपछि सोही वर्षको आम निर्वाचनमा जनमतबाट उम्मेदवार भई प्रदेशसभा सदस्य निर्वाचित हुनुभयो ।

वीरगन्ज, २५ जेष्ठ . आइसिसी टी-२० विश्वकप क्रिकेट अन्तर्गत बिहीबार राति भएकाे राेमाञ्चक खेलमा अमेरिकाले पहिलाे पटक पाकिस्तानलाई हराएर इतिहास रचेको छ। अमेरिकाले पाकिस्तानलाई सुपर ओभरमा ५ रनले स्तब्ध पार्दै सनसनीपूर्ण जित हात पारेकाे हाे । सुपर ओभरमा १९ रनकाे लक्ष्यका साथ जवाफी ब्याटिङमा उत्रिएको पाकिस्तानले १ विकेट गुमाउँदै १३ रन मात्रै बनाउन सक्याे। यसअघि पहिले व्याटिङ् गर्दै पाकिस्तानले दिएको १६९ रनकाे लक्ष्य पछ्याउँदै जवाफी व्याटिङमा उत्रिएको अमेरिकाले २० ओभरमा ३ विकेट गुमाउँदै १५९ रन बनाएर बराबरी गरेपछि खेल सुपर ओभरमा धकेलिएको थियाे । उसका लागि माेनांक पटेलले ५० रन र आराेन जाेन्सले अविजित ३६ रन बनाएका थिए। अमेरिकाको ग्रान्ड प्रेरी स्टेडियममा भएको खेलमा टस हारेर पहिला ब्याटिङ गरेको पाकिस्तानले निर्धारित २० ओभरको खेलमा ७ विकेट गुमाएर मात्र १५९ रन बनाएकाे थियाे। पाकिस्तानका लागि कप्तान बाबर आज़मले सर्वाधिक ४४ रन,इफ़्तिख़ार अहमदले १८रन , शाहीन शाह अफ़रीदीले २३ रन र फ़ख़र ज़मानले ११ रन जोडेका थिए। बलिङतर्फ अमेरिकाका लागि नॉस्थुश केनजिगेले ३, सौरभ नेत्रवलकरले २, अली ख़ान र जसदीप सिंहले समा...

वीरगंज, २३ जेठ । मधेस प्रदेशमा जनता समाजवादी पार्टी नेपाल नेतृत्वको सरकारले विश्वासको मत सिद्ध गर्न नसके नयाँ सरकार गठन प्रक्रिया प्रारम्भ हुने भएको छ ।   संविधानको धारा १६८ को उपधारा २ अनुसार दुर्ई–दुर्ईभन्दा बढी दलको समर्थनमा मुख्यमन्त्री बनेका जसपा नेपालका सरोज यादवको सरकार ढल्दा नयाँ सरकार बन्ने भएको हो । मधेस प्रदेशका मुख्यमन्त्री सरोजकुमार यादव पदमुक्त भएका छन् । बुधवार मधेश प्रदेशसभामा मुख्यमन्त्री यादवले मागेको विश्वासको मतको प्रस्तावको पक्षमा मात्र ५० मत परेको छ । विपक्षमा भने ५३ मत परेको छ । सरकार जोगाउन मुख्यमन्त्रीलाई ५४ मतको आवश्यकता थियो । एमाले, माओवादी केन्द्र, जनमत पार्टी, एकीकृत समाजवादी, नागरिक उन्मुक्ति लगायतको समर्थनमा नयाँ सरकार बनाउने तयारी छ । उनीहरूले जनमत पार्टीको नेतृत्वमा सरकार बनाउने समझादारी गरिसकेका छन्। संविधानको धारा १६८ को २ अनुसार बनेको सरकार ढलेपछि उपधारा ३ मा जाने वा उपधारा २ बाटै विकल्प खोज्ने भन्नेमा अन्योल छ । जनमतको नेतृत्वमा सरकार बन्न उपधारा २ मै फर्किनुपर्छ भने उपधारा ३ मा जाँदा प्रदेश सभाको ठुलो दलको हैसियतले एमालेको नेतृत्वमा सरकार बन्छ...

वीरगञ्ज जेठ २१, २०८१ सोमबार। वीरगञ्जको नारायणी अस्पतालमा मेडिकल सुपरिटेण्डेण्ट (मेसु) परिवर्तन भएसँगै ४७ जना कर्मचारीलाई हटाइएको छ । दरबन्दी बेगर कार्यरत चिकित्सक, स्टाफ नर्ससहित एकैपटक ४७ जना स्वास्थ्यकर्मी र कर्मचारीलाई हटाइएको हो । सोमबार अस्पतालका निमित्त मेसु डाक्टर एनामुल हकको अध्यक्षतामा बसेको बसेको बैठकले अस्पतालमा लामो समयदेखि दरबन्दी बेगर दैनिक ज्यालादारीमा कार्यरत ४७ जना स्वाथ्यकर्मी र कर्मचारीलााई हटाउने निर्णय गरेको अस्पतालका सूचना अधिकारी सुनिल रौनियारले जानकारी दिए । उनका अनुसार, अस्पतालबाट हटाइएकामा आठौं तहका मेडिकल अधिकृत चिकित्सक ११ जना, सातौं तहका मेडिकल अधिकृत १ जना, स्टाफ नर्स १२ जना, हेल्थ असिस्टेन्ट ३ जना, रेडियोग्राफर ५ जना, अहेब चार जना, कार्यालय सहयोगी ७ जना लगायतका रहेका छन् । अस्पताल प्रशासनले सोमबार जारी गरेको सूचनामा अस्पतालमा दरबन्दी बेगर नियुक्त भई दैनिक ज्यालादारीमा कामकाज गरिरहेका ४७ जना स्वास्थ्यकर्मी र कर्मचारीको यहि जेष्ठ २२ गतेदेखि सेवा अवधि समाप्त भएको निर्णय गरिएको उल्लेख छ । अस्पतालका निमित्त मेसु डाक्टर हकले दरबन्दी बेगर दैनिक ज्यालादारीमा कार्...